ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 2008 ԹՎԱԿԱՆԻ ՓԵՏՐՎԱՐԻ 26-Ի ԹԻ ...

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ
ՈՐՈՇՈՒՄ

11 հոկտեմբերի 2019 թվականի թիվ 149-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 2008 ԹՎԱԿԱՆԻ ՓԵՏՐՎԱՐԻ 26-Ի ԹԻՎ 50-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Նպատակ ունենալով բարձրացնել բանկերի ռիսկերի կառավարման և կապիտալի պլանավորման գործընթացների նկատմամբ Կենտրոնական բանկի կողմից իրականացվող մշտադիտարկման և վերահսկողության արդյունավետությունը,

հիմք ընդունելով «Բանկերի և բանկային գործունեության մասին» Հայաստանի Հանրապետության օրենքի 55-րդ հոդվածը,

ղեկավարվելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 2-րդ և 20-րդ հոդվածների դրույթներով, «Նորմատիվ իրավական ակտերի մասին» Հայաստանի Հանրապետության օրենքի 33-րդ և 34-րդ հոդվածների դրույթներով` Հայաստանի Հանրապետության կենտրոնական բանկի խորհուրդը որոշում է.

1. Հայաստանի Հանրապետության կենտրոնական բանկի խորհրդի 2008 թվականի փետրվարի 26-ի ««Բանկերի հաշվետվությունները, դրանց ներկայացումը և հրապարակումը» կանոնակարգ 3-ը հաստատելու մասին» թիվ 50-Ն որոշմամբ հաստատված «Բանկերի հաշվետվությունները, դրանց ներկայացումը և հրապարակումը» կանոնակարգ 3-ում (այսուհետ` Կանոնակարգ) կատարել հետևյալ փոփոխությունները և լրացումները.

1) Կանոնակարգի 2-րդ կետի աղյուսակը 34-րդ տողից հետո լրացնել հետևյալ բովանդակությամբ 35-րդ տողով.

2) Կանոնակարգի 3-րդ կետի առաջին նախադասությունը շարադրել հետևյալ խմբագրությամբ.

«3. Բանկերը սույն Կանոնակարգի 2-րդ կետով սահմանված հաշվետվությունները, ծանուցումները, կից տեղեկանքները ներկայացնում են էլեկտրոնային փոստով` Սի-Բի-ԷՅ-նեթ համակարգի միջոցով (Հայաստանի Հանրապետության կենտրոնական բանկի կողմից տրամադրված հասցեով), Հայաստանի Հանրապետության կենտրոնական բանկի կողմից տրամադրվող ֆայլերին համապատասխան, բացառությամբ Թիվ 34 (Հաշվետվություն սթրես-թեստերի վերաբերյալ) և Թիվ 39 (Հաշվետվություն կապիտալի համարժեքության գնահատման ներքին գործընթացի վերաբերյալ) հաշվետվությունների, որոնք ներկայացվում են ազատ ոճով` «էքս էլ էս» ձևաչափի ֆայլերով, ընդ որում` հարակից բացատրական և մեթոդական տեղեկատվությունը կարող է ներկայացվել «դոք» կամ «դոքիքս» ձևաչափի ֆայլերով, և Թիվ 35 հաշվետվության, որը ներկայացվում է «դոք» կամ «դոքիքս» ձևաչափի ֆայլերով:»,

3) Կանոնակարգի 7-րդ կետի երկրորդ նախադասությունը «հազար դրամներով» բառերից հետո լրացնել «(բացառությամբ վերջին տողի, որտեղ արտարժույթով պահուստավորման ենթակա միջոցները լրացվում են համապատասխան արտարժութային արտահայտությամբ)» բառերով,

4) Կանոնակարգի 33-րդ կետը շարադրել հետևյալ խմբագրությամբ.

«33. Թիվ 34 հաշվետվությունը (Հաշվետվություն սթրես-թեստերի վերաբերյալ) ներկայացվում է ազատ ոճով, ընդ որում հաշվետվությամբ ներկայացվող սթրես-թեստերը պետք է համապատասխանեն Հայաստանի Հանրապետության կենտրոնական բանկի խորհրդի 2013 թվականի ապրիլի 16-ի թիվ 102-Ն որոշմամբ հաստատված «Բանկերի ներքին հսկողության իրականացման նվազագույն պայմանները» Կանոնակարգ 4-ի պահանջներին: Առանձին ռիսկերի գծով ամսական կտրվածքով իրականացվող սթրես-թեստերը Թիվ 34 հաշվետվության մեջ ներկայացվում են հաշվետու եռամսյակի բոլոր ամիսների համար առանձին: Թիվ 34 հաշվետվության մեջ պետք է առնվազն ներկայացված լինեն սթրես-թեստի հստակ և հակիրճ մեթոդաբանությունը, հիմքում ընկած ենթադրությունները, բանկի կանխատեսումների վրա հիմնված հիմնական (բազային) սցենարը, կիրառվող մոդելը, մոդելի վալիդացիան և սթրես թեստի արդյունքները, եթե դրանք չեն ներկայացվել Հայաստանի Հանրապետության կենտրոնական բանկ` բանկի ներքին իրավական ակտերի տեսքով:»,

5) Կանոնակարգը 33.4-րդ կետից հետո լրացնել հետևյալ բովանդակությամբ 33.5 կետով.

«33.5. Թիվ 39 հաշվետվությունը (Հաշվետվություն կապիտալի համարժեքության գնահատման ներքին գործընթացի վերաբերյալ) ներկայացվում է ազատ ոճով, ընդ որում` հաշվետվությամբ ներկայացվող Կապիտալի համարժեքության գնահատման ներքին գործընթացը պետք է համապատասխանի` Հայաստանի Հանրապետության կենտրոնական բանկի խորհրդի 2013 թվականի ապրիլի 16-ի թիվ 102-Ն որոշմամբ հաստատված «Բանկերի ներքին հսկողության իրականացման նվազագույն պայմանները» Կանոնակարգ 4-ի պահանջներին, և պետք է առնվազն ներառի կապիտալի համարժեքության գնահատման ներքին գործընթացի (այսուհետ` ԿՀԳՆԳ) իրականացման ժամանակային հորիզոնը, հաշվարկման մեթոդաբանությունը (ներառյալ ԿՀԳՆԳ-ի իրականացման հիմքում ընկած ենթադրությունները) և արդյունքները, եթե դրանք չեն ներկայացվել Հայաստանի Հանրապետության կենտրոնական բանկ` բանկի ներքին իրավական ակտերի տեսքով:»,

6) Կանոնակարգի 34-րդ կետի առաջին նախադասության մեջ «և ձև թիվ 34 հաշվետվության» բառերը փոխարինել «, ձև թիվ 34 և ձև թիվ 39 հաշվետվությունների» բառերով,

7) Կանոնակարգի 34-րդ կետի վերջին նախադասության մեջ «Ձև թիվ 34 հաշվետվության» բառերը փոխարինել «Ձև թիվ 34 և ձև թիվ 39 հաշվետվությունների» բառերով,

8) Կանոնակարգի «Հայաստանի Հանրապետության կենտրոնական բանկում պարտադիր պահուստավորման նորմատիվի վերաբերյալ» ձև թիվ 4 հաշվետվության առաջին էջը շարադրել նոր խմբագրությամբ` համաձայն Հավելված 1-ի:

2. Սույն որոշումն ուժի մեջ է մտնում 2020 թվականի հունվարի 1-ից, բացառությամբ սույն որոշման 1-ին կետի 3-րդ և 8-րդ ենթակետերի, որոնք ուժի մեջ են մտնում պաշտոնական հրապարակման օրվան հաջորդող տասներորդ օրը:

Հավելված 1
Հաստատված է
ՀՀ կենտրոնական բանկի խորհրդի
2019 թվականի հոկտեմբերի 11-ի
թիվ 149-Ն որոշմամբ

«Հավելված 2
Հաստատված է
ՀՀ կենտրոնական բանկի խորհրդի
2008 թվականի փետրվարի 26-ի
թիվ 50-Ն որոշմամբ

Ձև թիվ 4

ՀԱՇՎԵՏՎՈՒԹՅՈՒՆ
Հայաստանի Հանրապետության կենտրոնական բանկում պարտադիր պահուստավորման նորմատիվի վերաբերյալ

 Բանկի անվանումը ______________________________

 Ամսաթիվը _____________________________ թ-ից մինչև ___________________________

Բանկի վարչության նախագահ ______________________________

Կ.Տ.                                                 (գործադիր տնօրեն)

Գլխավոր հաշվապահ ______________________________

(հազ. դրամ)

Պարտադիր պահուստավորման նորմատիվի հաշվարկում նվազեցված (զրոյական) դրույքաչափով ընդգրկվող ներգրավված միջոցներ

(հազ. դրամ)

Բանկի վարչության նախագահ ______________________________

Կ.Տ.                                                       (գործադիր տնօրեն)

Գլխավոր հաշվապահ ______________________________ թ.»