Սեղմել Esc փակելու համար:
«ՔԱՂԱՔԱՑԻԱԿԱՆ ԾԱՌԱՅՈՒԹՅԱՆ ՄԱՍԻՆ» ՕՐԵՆ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Ստորագրման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

«ՔԱՂԱՔԱՑԻԱԿԱՆ ԾԱՌԱՅՈՒԹՅԱՆ ՄԱՍԻՆ» ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈ ...

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՕՐԵՆՔԸ

 

Ընդունված է 2020 թվականի հունվարի 21-ին

 

«ՔԱՂԱՔԱՑԻԱԿԱՆ ԾԱՌԱՅՈՒԹՅԱՆ ՄԱՍԻՆ» ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

 

i

Հոդված 1. «Քաղաքացիական ծառայության մասին» 2018 թվականի մարտի 23-ի ՀՕ-205-Ն օրենքի (այսուհետ` Օրենք) 2-րդ հոդվածի 3-րդ մասը շարադրել հետևյալ խմբագրությամբ.

«3. Պետական ծառայության պաշտոնը համարվում է առանձնահատկություն ունեցող, եթե այն չի ընդգրկվում քաղաքացիական ծառայության պաշտոնների անվանացանկում:»:

 

i

Հոդված 2. Օրենքի 4-րդ հոդվածի 1-ին մասի 7-րդ կետը և 24-րդ հոդվածի 3-րդ մասը «ծառայողները» բառից հետո լրացնել «, բացառությամբ ժամկետային աշխատանքային պայմանագրով պաշտոն զբաղեցնող քաղաքացիական ծառայողների» բառերով:

 

i

Հոդված 3. Օրենքի 7-րդ հոդվածի 2-րդ մասի 1-4-րդ կետերը շարադրել հետևյալ խմբագրությամբ.

 «1) քաղաքացիական ծառայության ղեկավար պաշտոնների 1-ին և 2-րդ ենթախմբերի պաշտոնների համար` հանրային ծառայության առնվազն չորս տարվա ստաժ կամ հինգ տարվա մասնագիտական աշխատանքային ստաժ կամ պաշտոնի անձնագրով պահանջվող աշխատանքի բնագավառում` հինգ տարվա աշխատանքային ստաժ.

2) քաղաքացիական ծառայության ղեկավար պաշտոնների 3-րդ, 4-րդ և 5-րդ ենթախմբերի պաշտոնների համար` հանրային ծառայության առնվազն երեք տարվա ստաժ կամ չորս տարվա մասնագիտական աշխատանքային ստաժ կամ պաշտոնի անձնագրով պահանջվող աշխատանքի բնագավառում` չորս տարվա աշխատանքային ստաժ.

3) քաղաքացիական ծառայության մասնագիտական պաշտոնների 1-ին և 2-րդ ենթախմբերի պաշտոնների համար` հանրային ծառայության առնվազն երկու տարվա ստաժ կամ երեք տարվա մասնագիտական աշխատանքային ստաժ կամ պաշտոնի անձնագրով պահանջվող աշխատանքի բնագավառում` երեք տարվա աշխատանքային ստաժ.

4) քաղաքացիական ծառայության մասնագիտական պաշտոնների 3-րդ, 4-րդ և 5-րդ ենթախմբերի պաշտոնների համար` հանրային ծառայության առնվազն մեկ տարվա ստաժ կամ մեկ տարվա մասնագիտական աշխատանքային ստաժ կամ պաշտոնի անձնագրով պահանջվող աշխատանքի բնագավառում` մեկ տարվա աշխատանքային ստաժ:»:

 

i

Հոդված 4. Օրենքի 9-րդ հոդվածում`

1) 5-րդ մասը շարադրել հետևյալ խմբագրությամբ.

«5. Մարդու իրավունքների պաշտպանի աշխատակազմում մրցույթը կազմակերպում և անցկացնում է Մարդու իրավունքների պաշտպանի աշխատակազմը:».

2) լրացնել հետևյալ բովանդակությամբ 6-րդ մասով.

«6. Հաշվեքննիչ պալատում գլխավոր քարտուղարի մրցույթը կազմակերպում և անցկացնում է Հաշվեքննիչ պալատը:»:

 

i

Հոդված 5. Օրենքի 10-րդ հոդվածում`

 1) 1-ին մասը «թեստավորման փուլը,» բառերից հետո լրացնել «կամ թեստավորման փուլը հաղթահարած մասնակիցներից ոչ մեկը չի ներկայացել հարցազրույցի փուլին,» բառերով.

 2) 2-րդ մասը «թեստավորման փուլը,» բառերից հետո լրացնել «կամ թեստավորման փուլը հաղթահարած մասնակիցներից ոչ մեկը չի ներկայացել հարցազրույցի փուլին,» բառերով.

3) 22-րդ մասը «Կառավարությունը» բառից հետո լրացնել «, իսկ Մարդու իրավունքների պաշտպանի աշխատակազմում` Մարդու իրավունքների պաշտպանը» բառերով:

 

i

Հոդված 6. Օրենքի 11-րդ հոդվածի 7-րդ մասի «մասնագիտական բարձրագույն կրթության» բառերը փոխարինել «բարձրագույն մասնագիտական կրթության» բառերով, իսկ «հինգ թեկնածուները»` «հինգ թեկնածուն» բառերով:

 

i

Հոդված 7. Օրենքի 13-րդ հոդվածի 2-րդ մասի «այդ պաշտոններն զբաղեցվում են» բառերը փոխարինել «քաղաքացիական ծառայության այդ պաշտոնների անձնագրերով նախատեսված գործառույթներն իրականացվում են» բառերով, իսկ նույն մասը «սույն օրենքի 12-րդ հոդվածի» և «մեկ այլ անձի» բառերից առաջ լրացնել «այդ պաշտոններն զբաղեցվում են» բառերով:

 

i

 Հոդված 8. Օրենքի 17-րդ հոդվածի 4-րդ մասի երկրորդ նախադասությունը շարադրել հետևյալ խմբագրությամբ. «Քաղաքացիական ծառայության պաշտոն զբաղեցնելու առավելագույն տարիքը լրանալու դեպքում տվյալ պաշտոնի նշանակելու իրավասություն ունեցող պաշտոնատար անձի որոշմամբ տվյալ պաշտոնում ծառայության ժամկետը կարող է երկարաձգվել մինչև մեկ տարի ժամկետով` մեկ անգամ:»:

 

i

Հոդված 9. Օրենքի 19-րդ հոդվածի 6-րդ մասում «Վերապատրաստման» բառը փոխարինել «Մեկանգամյա վերապատրաստման» բառերով:

 

i

Հոդված 10. Օրենքի 21-րդ հոդվածի 2-րդ մասի 2-րդ կետի «բ» ենթակետը «աշխատավարձի» բառից առաջ լրացնել «հիմնական» բառով:

 

i

Հոդված 11. Օրենքի 22-րդ հոդվածի 8-րդ մասում «սույն օրենքի 21-րդ հոդվածի 11-րդ մասով նախատեսված ժամկետից» բառերը փոխարինել «եզրակացությունը ստանալուց» բառերով:

 

i

Հոդված 12. Օրենքի 23-րդ հոդվածում`

1) 3-րդ մասի «աշխատողների» բառը փոխարինել «հաստիքների առավելագույն» բառերով.

2) 6-րդ մասը «վերակազմակերպումը» բառից հետո լրացնել «և (կամ) կառուցվածքային փոփոխությունը» բառերով.

3) 8-րդ և 9-րդ մասերի «վերակազմակերպումից» բառը փոխարինել «վերակազմակերպման» բառով:

 

i

 Հոդված 13. Օրենքի 33-րդ հոդվածը լրացնել հետևյալ բովանդակությամբ 1.1-ին մասով.

«1.1. Մարդու իրավունքների պաշտպանի աշխատակազմում քաղաքացիական ծառայողների էթիկայի հանձնաժողովը ձևավորվում է «Մարդու իրավունքների պաշտպանի մասին» սահմանադրական օրենքով սահմանված կարգով:»:

 

i

Հոդված 14. Օրենքի 37-րդ հոդվածում`

1) 2-րդ մասի 5-րդ կետի «140» բառը փոխարինել «80» բառով.

2) 5-րդ մասի «ուշ» բառը փոխարինել «շուտ» բառով:

 

i

Հոդված 15. Օրենքի 38-րդ հոդվածի 3-րդ մասի 8-րդ կետից հանել «Կառավարություն» բառը:

 

i

Հոդված 16. Օրենքի 39-րդ հոդվածում`

1) 4-րդ մասից հանել «քաղաքացիական ծառայող համարվող աշխատակազմի ղեկավարը,» բառերը.

2) լրացնել հետևյալ բովանդակությամբ 5.1-ին մասով.

«5.1. Մարդու իրավունքների պաշտպանի աշխատակազմում սույն օրենքով սահմանված գլխավոր քարտուղարի լիազորությունները իրականացնում է Մարդու իրավունքների պաշտպանը:»:

 

i

Հոդված 17. Օրենքի 44-րդ հոդվածի 4-րդ մասում`

1) «ոստիկանության գործառույթներ» բառերը փոխարինել «ոստիկանությունում իրավապահ գործառույթներ» բառերով.

2) «, քրեակատարողական ծառայության բարձրագույն խմբի պաշտոնների» բառերը հանել.

3) «քրեակատարողական ծառայության հատուկ նշանակության ստորաբաժանման պաշտոնների» բառերը փոխարինել «քրեակատարողական ծառայության կենտրոնական մարմնի անվտանգության ապահովման, պահպանության ապահովման, օպերատիվ, հատուկ նշանակության, ուղեկցումների, ներքին անվտանգության, հերթապահության ստորաբաժանումների և շտաբի պաշտոնների, » բառերով.

4) «հարկային մարմնում հետաքննչական, օպերատիվ-հետախուզական գործառույթներ իրականացնող պաշտոնների, մաքսային մարմիններում իրավապահ գործառույթներ իրականացնող պաշտոնների, նախաբացթողումային հսկողություն, ներքին անվտանգության ապահովման գործառույթներ իրականացնող պաշտոնների, ինչպես նաև մաքսատան և մաքսակետի պաշտոնների» բառերը փոխարինել «պետական եկամուտների կազմակերպման և հսկողության, ստուգումների կազմակերպման և դիտարկման, ներքին աուդիտի, մաքսային հսկողության, հետբացթողումային հսկողության, մաքսանենգության դեմ պայքարի, քննչական, հետաքննության և օպերատիվ-հետախուզության, ներքին անվտանգության վարչությունների, փոքր հարկ վճարողների հարկային տեսչության-վարչության, խոշոր և միջին հարկ վճարողների հարկային տեսչության-վարչության, մաքսատուն-վարչության պաշտոնների» բառերով.

5) «դատական ծառայողների` դատավորի օգնականի, դատավորի գործավարի և դատական նիստերի քարտուղարի պաշտոնների,» բառերը հանել:

 

i

Հոդված 18. Օրենքի 45-րդ հոդվածի 3-րդ մասը «պայմանագրի» բառից հետո լրացնել «, բացառությամբ ժամկետային աշխատանքային պայմանագրով քաղաքացիական ծառայության պաշտոն զբաղեցնողների» բառերով:

 

i

Հոդված 19. Օրենքի 47-րդ հոդվածում`

 1) 11-րդ մասի «նոր պաշտոնին: Նոր պաշտոնի նշանակվելը» բառերը փոխարինել «իր պաշտոնում, որը» բառերով.

 2) 12-րդ մասը շարադրել հետևյալ խմբագրությամբ.

«12. Պաշտոնների դասակարգման նոր համակարգին անցնելիս քաղաքացիական ծառայողի պաշտոնի ենթախմբի իջեցման դեպքում քաղաքացիական ծառայողը պահպանում է իր աշխատավարձը (հիմնական աշխատավարձը, հավելավճարը, օրենքով նախատեսված դեպքերում և կարգով` նաև լրավճարը).».

 3) 13-րդ մասը շարադրել հետևյալ խմբագրությամբ.

«13. Սույն օրենքն ուժի մեջ մտնելուց հետո 44-րդ հոդվածի 5-րդ և 45-րդ հոդվածի 3-րդ մասերին համապատասխան նշանակված կամ վերանշանակված քաղաքացիական (պետական) ծառայողին մինչև սույն օրենքի ուժի մեջ մտնելը սահմանված կարգով հաշվարկվող հավելավճարը և հավելումը տրվում են տվյալ պաշտոնը զբաղեցնելու ժամանակահատվածում: Պաշտոնի փոփոխության դեպքում հավելավճարը և հավելումը չեն հաշվարկվում:».

4) լրացնել հետևյալ բովանդակությամբ 20.1-ին մասով.

«20.1. Սույն օրենքն ուժի մեջ մտնելուց հետո փրկարար, քրեակատարողական ծառայողները և հարկադիր կատարողները սույն օրենքով սահմանված կարգով քաղաքացիական ծառայության պաշտոնում նշանակվելու դեպքում պահպանում են «Զինվորական ծառայության և զինծառայողի կարգավիճակի մասին» օրենքով սահմանված երաշխիքները` տվյալ պաշտոնը զբաղեցնելու ժամանակահատվածում: Պաշտոնի փոփոխության դեպքում «Զինվորական ծառայության և զինծառայողի կարգավիճակի մասին» օրենքով սահմանված երաշխիքները չեն պահպանվում:».

 5) լրացնել հետևյալ բովանդակությամբ 21.1-ին մասով.

 «21.1. Համապատասխան մարմիններում քաղաքացիական աշխատանք կատարողների պաշտոնները քաղաքացիական ծառայության պաշտոնների անվանացանկում նախատեսվելու դեպքում քաղաքացիական աշխատանք կատարողները շարունակում են պաշտոնավարել մինչև սույն օրենքով սահմանված մրցութային կարգով զբաղեցնելը:»:

 

Հոդված 20. Մինչև սույն օրենքն ուժի մեջ մտնելը «Քաղաքացիական ծառայության մասին» օրենքի 44-րդ հոդվածի 1-ին մասով նախատեսված ժամանակացույցին համապատասխան քաղաքացիական ծառայող համարված հարկադիր կատարողը, քրեակատարողական ծառայողը և փրկարար ծառայողը քաղաքացիական ծառայության պաշտոնում նշանակվելու օրվանից հետո` երեք տարվա ընթացքում, օգտվում են «Պետական կենսաթոշակների մասին» օրենքով սահմանված երկարամյա ծառայության զինվորական կենսաթոշակ ստանալու իրավունքից. այս դեպքում հարկադիր, քրեակատարողական և փրկարար ծառայությունում քաղաքացիական ծառայության պաշտոն զբաղեցրած ժամանակահատվածը համարվում է զինվորական ծառայության ստաժ:

 

Հոդված 21. Սույն օրենքն ուժի մեջ է մտնում պաշտոնական հրապարակման օրվան հաջորդող տասներորդ օրը:

 

 

Հանրապետության նախագահ

    Ա. Սարգսյան


2020 թ. փետրվարի 7
Երևան
ՀՕ-12-Ն

 

pin
ՀՀ 21.01.2020
N ՀՕ-12-Ն օրենք