ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՕՐԵՆՔԸ
Ընդունված է 2020 թվականի հունվարի 21-ին
«ՀԵՌՈՒՍՏԱՏԵՍՈՒԹՅԱՆ ԵՎ ՌԱԴԻՈՅԻ ՄԱՍԻՆ» ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
i
Հոդված 1. «Հեռուստատեսության և ռադիոյի մասին» 2000 թվականի հոկտեմբերի 9-ի ՀՕ-97 օրենքի (այսուհետ` Օրենք) 29-րդ հոդվածում «Հանձնաժողովի աշխատակազմ» բառերը համապատասխան հոլովաձևերով փոխարինել «Հանձնաժողով» բառով:
i
Հոդված 2. Օրենքի 36-րդ հոդվածի 1-ին մասի 26-րդ կետն ուժը կորցրած ճանաչել:
i
Հոդված 3. Օրենքի 40-րդ հոդվածում`
1) 1-ին մասի 7-րդ կետի «աշխատակազմի ընդհանուր» բառերը փոխարինել «Հեռուստատեսության և ռադիոյի հանձնաժողով պետական մարմնի» բառերով.
2) 1-ին մասի 8-րդ կետից հանել «աշխատակազմի» բառը:
i
Հոդված 4. Օրենքի 44-րդ հոդվածում`
1) 5-րդ մասի «աշխատակազմի ղեկավարը» բառերը փոխարինել «գլխավոր քարտուղարը» բառերով.
2) 11-րդ մասի առաջին նախադասությունը շարադրել հետևյալ խմբագրությամբ.
«Հանձնաժողովի նիստերն արձանագրվում են».
3) 11-րդ մասի չորրորդ նախադասությունը շարադրել հետևյալ խմբագրությամբ. «Հանձնաժողովում վարվում է Հանձնաժողովի որոշումների գրանցամատյան:»:
i
Հոդված 5. Օրենքի 45-րդ հոդվածում`
1) վերնագրի «աշխատակազմը» բառը փոխարինել «կառուցվածքային ստորաբաժանումները» բառերով.
2) 1-ին մասի առաջին նախադասության «աշխատակազմի» բառը փոխարինել «կառուցվածքային ստորաբաժանումների» բառերով.
3) 2-րդ մասից հանել «աշխատակազմի» բառը:
i
Հոդված 6. Օրենքի 45.1-ին հոդվածի 19-րդ մասում «Հանձնաժողովի աշխատակազմը» բառերը փոխարինել «Հանձնաժողովը` կառուցվածքային ստորաբաժանումների միջոցով» բառերով:
Հոդված 7. Սույն օրենքն ուժի մեջ է մտնում պաշտոնական հրապարակման օրվան հաջորդող տասներորդ օրը:
|
Հանրապետության նախագահ |
Ա. Սարգսյան |
|
2020 թ. փետրվարի 7
Երևան
ՀՕ-32-Ն
|
|