31.12.2020 -
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՕՐԵՆՔԸ
Ընդունված է 2020 թվականի դեկտեմբերի 9-ին
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՋՐԱՅԻՆ ՕՐԵՆՍԳՐՔՈՒՄ ԼՐԱՑՈՒՄ ԿԱՏԱՐԵԼՈՒ ՄԱՍԻՆ
i
Հոդված 1. Հայաստանի Հանրապետության 2002 թվականի հունիսի 4-ի ջրային օրենսգրքի 12-րդ հոդվածը լրացնել հետևյալ բովանդակությամբ 18-րդ կետով.
«18) կառավարության հաստատած կարգով ապահովում է ցամաքուրդային (դրենաժային) համակարգերից օգտվելու համար ծառայությունների վճարովի մատուցման պայմանագրերի կնքումը և վերահսկում օրենքով սահմանված պահանջների կատարումը:»:
Հոդված 2. Եզրափակիչ մաս և անցումային դրույթներ
1. Սույն օրենքն ուժի մեջ է մտնում պաշտոնական հրապարակմանը հաջորդող օրվանից:
2. Սույն օրենքն ուժի մեջ մտնելու օրվանից`
1) Կառավարությունը հաստատում է ցամաքուրդային (դրենաժային) համակարգերից օգտվելու կարգը և ծառայությունների մատուցման վճարի չափը, ինչպես նաև այդ համակարգերից օգտվելու պայմանագրի օրինակելի ձևը մինչև 2021 թվականի հունվարի 1-ը.
2) 2021 թվականի հունվարի 1-ից հետո ցամաքուրդային (դրենաժային) համակարգերը շահագործող կազմակերպության և այդ համակարգերից օգտվող սուբյեկտների միջև փոխհարաբերությունները ենթակա են կարգավորման` ցամաքուրդային (դրենաժային) համակարգերից օգտվելու կարգով:
|
Հանրապետության
Նախագահ |
Ա. Սարգսյան |
|
2020 թ. դեկտեմբերի 30
Երևան
ՀՕ-492-Ն
|
|
Պաշտոնական հրապարակման օրը` 30 դեկտեմբերի 2020 թվական: