Սեղմել Esc փակելու համար:
ԷԼԵԿՏՐԱԿԱՆ ԷՆԵՐԳԻԱՅԻ, ՋԵՐՄԱՅԻՆ ԷՆԵՐԳԻ...
Քարտային տվյալներ

Տեսակ
Գործում է
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

ԷԼԵԿՏՐԱԿԱՆ ԷՆԵՐԳԻԱՅԻ, ՋԵՐՄԱՅԻՆ ԷՆԵՐԳԻԱՅԻ, ԲՆԱԿԱՆ ԳԱԶԻ ԵՎ ԿՈՄՈՒՆԱԼ ԾԱՌԱՅՈՒԹՅՈՒՆՆԵ ...

 

 

 ՀՀ ՖԻՆԱՆՍՆԵՐԻ                          ՀՀ ՀԱՐԿԱՅԻՆ ՊԵՏԱԿԱՆ

 ՆԱԽԱՐԱՐՈՒԹՅՈՒՆ                         ՏԵՍՉՈՒԹՅՈՒՆ

 10.03.1995թ.                           10.03.1995թ.

 թ. 2-15                                թ. 0665/3-3

 

Պ Ա Ր Զ Ա Բ Ա Ն ՈՒ Մ

 

Էլեկտրական էներգիայի, ջերմային էներգիայի, բնական գազի և կոմունալ ծառայությունների գների և սակագների փոփոխության հետևանքով պարտքերի վերահաշվարկներից առաջացած գումարների ձևակերպման վերաբերյալ

 

ՀՀ կառավարության 1993թ. դեկտեմբերի 30-ի «Էլեկտրական էներգիայի, ջերմային էներգիայի, բնական գազի և կոմունալ ծառայությունների պարտքերի վճարման մասին» N 666, 1994թ. մայիսի 24-ի «Էլեկտրական ու ջերմային էներգիայի սակագների հաստատման և դրա համար վճարման կարգի մասին» N 238 և 1994թ. հոկտեմբերի 19-ի Բնական գազի սակագնի հաստատման և դրա համար վճարման կարգի մասին» N 495 որոշումներով նախատեսվել է Էլեկտրական էներգիայի, ջերմային էներգիայի, բնական գազի և կոմունալ այլ ծառայությունների դիմաց գոյացած (չվճարված) պարտքերը վերահաշվարկել նոր տարիֆներով (սակագներով) :

Հաշվի առնելով վերոհիշյալը և նպատակ ունենալով հստակեցնել տնտեսավարող սուբյեկտների կողմից այդ գումարների ձևակերպման, հարկերի ճիշտ հաշվարկման և ժամանակին վճարման հարցերը, ՀՀ ֆինանսների նախարարությունը և ՀՀ հարկային պետական տեսչությունը պարզաբանում են հետևյալը.

1. Էլեկտրական էներգիա, ջերմային էներգիա, բնական գազ իրացնող և կոմունալ ծառայություններ մատուցող ձեռնարկությունները նոր սակագներով վերահաշվարկված դեբիտորական պարտքերի գումարների ստացման դեպքում վերահաշվարկված պարտքերի գումարների և նախկին սակագներով հաշվարկված գումարների տարբերությունը ձևակերպում են որպես արտաիրացումային գործառնություններից ստացված եկամուտ (ժամանակին չվճարված գումարների դիմաց ստացված տուգանքներ):

Հաշվապահական հաշվառման մեջ տրվում է հետևյալ ձևակերպումը.

դեբետ «դրամական միջոցների» հաշիվներ              (նոր սակագներով

       (50, 51, 52, 55, 56)                     վերահաշվարկված և  

նախկին կրեդիտ 80 «շահույթ ու վնաս»               սակագներով հաշվարկված

                                                գումարների

                                                տարբերության չափով)  

 

2. Սպառող ձեռնարկությունները նոր սակագներով վերահաշվարկված կրեդիտորական պարտքերի վճարման դեպքում վերահաշվարկված պարտքերի գումարների և նախկին սակագներով հաշվարկված գումարների տարբերությունը ձևակերպում են որպես արտաիրացումային գործառնություններից ստացված եկամուտ (ժամանակին չվճարված գումարների դիմաց վճարված տուգանքներ):

Հաշվապահական հաշվառման մեջ տրվում է հետևյալ ձևակերպումը. կրեդիտ 80 «շահույթ ու վնաս»

դեբետ «դրամական միջոցների հաշիվներ»                 (նոր սակագներով

       (50, 51, 52, 55, 56)                        վերահաշվարկված և  նախկին

                                       սակագներով

                                                   հաշվարկված գումարների

                                                   տարբերության չափով)

 

3. Հաշվարկային փաստաթղթերը լրացվում են հետևյալ տեսքով.

 

ապրանքի (ծառայությունների) արժեքը _________________________

 

ավելացված արժեքի հարկը                    _________________________

 

---------------------------------------------------------------------------

 

ընդամենը

_________________________

 

ժամանակին չվճարված գումարների դիմաց ստացված տուգանքներ (նոր սակագներով վերահաշվարկված և նախկին սակագներով հաշվարկված գումարների տարբերության չափով)

---------------------------------------------------------------------------

ընդամենը ենթակա է վճարման              _________________________

 

 

pin
Ֆինանսների (նախկին Ֆինանս. եւ էկոն.
10.03.1995
N 2-15
Պարզաբանում