040.1296.281201
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«28» դեկտեմբերի 2001 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
28 դեկտեմբերի 2001 թվականի N 1296
ՇԵՆՔ ՀԱՆՁՆԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2001 թվականի մայիսի 16-ի «Հայաստանի Հանրապետության Լոռու մարզի առողջապահության համակարգի օպտիմալացման ծրագիրը հաստատելու մասին» N 432 որոշման համաձայն ազատված «Վանաձորի N 2 պոլիկլինիկա» փակ բաժնետիրական ընկերության գույքի կազմից սահմանված կարգով առանձնացնել 658,4 քառակուսի մետր տարածք և 22 միլիոն դրամ հաշվեկշռային արժեք ունեցող մասնաշենքը (նույն չափով նվազեցնելով ընկերության կանոնադրական կապիտալը) և այն անհատույց հանձնել Հայաստանի Հանրապետության ներքին գործերի նախարարության տնօրինությանը` Հայաստանի Հանրապետության ներքին գործերի նախարարության Լոռու մարզային վարչությանը տրամադրելու համար:
2. Հայաստանի Հանրապետության ներքին գործերի նախարարությանը և Հայաստանի Հանրապետության Լոռու մարզպետին` 1-ամսյա ժամկետում ապահովել նշված մասնաշենքի` սահմանված կարգով հանձնման-ընդունման աշխատանքների կատարումը և գույքային իրավունքների պետական գրանցումը:
3. Սույն որոշումն ուժի մեջ է մտնում 2001 թվականի դեկտեմբերի 28-ից: