040.0015.080102
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«8» հունվարի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
8 հունվարի 2002 թվականի N 15
«ԱՆԻՊԵՄԶԱ ԿՈՄԲԻՆԱՏ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ՊԵՏԱԿԱՆ ՍԵՓԱԿԱՆՈՒԹՅՈՒՆ ՀԱՆԴԻՍԱՑՈՂ ԲԱԺՆԵՏՈՄՍԵՐԸ ՄԱՍՆԱՎՈՐԵՑՆԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. «Անիպեմզա կոմբինատ» փակ բաժնետիրական ընկերությունը վերակազմավորել «Անիպեմզա կոմբինատ» բաց բաժնետիրական ընկերության:
2. Հաշվեկշռային մեթոդով 61465 հազ. դրամ գնահատված ակտիվներ ունեցող «Անիպեմզա կոմբինատ» բաց բաժնետիրական ընկերության պետական սեփականություն հանդիսացող բաժնետոմսերը մասնավորեցնել մրցույթով:
3. Սահմանել «Անիպեմզա կոմբինատ» բաց բաժնետիրական ընկերության կանոնադրական կապիտալը` 59826 հազ. դրամ, որը համապատասխանում է 59826 բաժնետոմսի` յուրաքանչյուրը 1000 դրամ անվանական արժեքով:
i
4. Հայաստանի Հանրապետության պետական գույքի կառավարման նախարարությանը` երկամսյա ժամկետում ապահովել սույն որոշման 1-ին կետում նշված վերակազմավորման աշխատանքների կատարումը և Հայաստանի Հանրապետության օրենսդրությամբ սահմանված կարգով` բաժնետոմսերի կամ դրանց հավաստագրերի տպագրությունն ու գրանցումը:
(4-րդ կետը փոփ. 03.06.02 թիվ 678 որոշում)
5. Մրցույթով մասնավորեցման ենթակա «Անիպեմզա կոմբինատ» բաց բաժնետիրական ընկերության պետական սեփականություն հանդիսացող բաժնետոմսերի արժեքը կազմում է 59826 հազ. դրամ, որը համապատասխանում է 59826 բաժնետոմսի` յուրաքանչյուրը 1000 դրամ անվանական արժեքով:
6. Սահմանել մրցույթով մասնավորեցման ենթակա բաժնետոմսերի փաթեթի նվազագույն գինը` 14956 հազ. դրամ, որը համապատասխանում է մրցույթով մասնավորեցման ենթակա բաժնետոմսերի արժեքի 25 տոկոսին:
7. «Անիպեմզա կոմբինատ» փակ բաժնետիրական ընկերության պարտավորությունները 2001 թվականի հունվարի 1-ի դրությամբ կազմում են 1639 հազ. դրամ, այդ թվում`
Հայաստանի Հանրապետության պետական բյուջեի նկատմամբ` 429 հազ. դրամ,
անձնակազմին աշխատանքի վարձատրության գծով` 1000 հազ. դրամ,
սոցիալական ապահովագրության գծով` 210 հազ. դրամ:
8. «Անիպեմզա կոմբինատ» փակ բաժնետիրական ընկերության 1999, 2000 թվականների տնտեսական գործունեության արդյունքներով վճարման ենթակա շահաբաժինների գծով պարտավորությունները կազմում են 27,2 հազ. դրամ, որը գնահատման պահի դրությամբ արտացոլված չէ ընկերության հաշվեկշռում:
9. Հայաստանի Հանրապետության պետական գույքի կառավարման նախարարությանը`
ա) մրցույթի անցկացման օրվանից առնվազն մեկ ամիս առաջ մամուլում և զանգվածային լրատվության մյուս միջոցներով հրապարակել ընդհանուր տեղեկություններ ընկերության, մրցույթի անցկացման պայմանների, ժամկետների, մրցույթի մասնակիցներին ներկայացվող պահանջների մասին,
բ) եռամսյա ժամկետում կազմակերպել մրցույթի անցկացումը:
10. Սահմանել մրցույթի հաղթողին որոշելու հետևյալ պայմանները`
ա) մասնավորեցվող բաժնետոմսերի համար առաջարկվող գինը,
բ) ներդրումների չափը` տարիների կտրվածքով,
գ) սոցիալական երաշխիքներ, այդ թվում` աշխատողների և նվազագույն աշխատավարձի վերաբերյալ:
11. Մրցույթի մասնակցության կանխավճարը սահմանվում է ընկերության կանոնադրական կապիտալի հինգ տոկոսի չափով: Մրցույթի հաղթողի կողմից մուծված կանխավճարը ներառվում է առաջարկվող գնի մեջ:
12. Մրցույթի հաղթողը բաժնետոմսերի վաճառքի գումարը պետք է վճարի մրցույթի արձանագրությունն ստանալու պահից 1 ամսվա ընթացքում:
13. Վճարումները կատարել Հայաստանի Հանրապետության արժույթով:
14. Սույն որոշումն ուժի մեջ է մտնում 2002 թվականի հունվարի 8-ից: