040.0038.150102
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«15» հունվարի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
15 հունվարի 2002 թվականի N 38
«ՊՐՈԹԵԶԱՎՈՐՄԱՆ ԵՎ ԿԱԴՐԵՐԻ ՊԱՏՐԱՍՏՄԱՆ ԿԵՆՏՐՈՆ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆԸ ՎԵՐԱԿԱԶՄԱԿԵՐՊԵԼՈՒ ՄԱՍԻՆ
Հաշմանդամներին անվճար պրոթեզաօրթոպեդիկ պարագաներով ապահովելու գործընթացը բարելավելու և Հայաստանի Հանրապետության պետական բյուջեից դրա համար հատկացվող միջոցների օգտագործման արդյունավետությունը բարձրացնելու նպատակով Հայաստանի Հանրապետության կառավարությունը որոշում է.
1. «Պրոթեզավորման և կադրերի պատրաստման կենտրոն» փակ բաժնետիրական ընկերությունը վերակազմակերպել առանձնացման ձևով` «Պրոթեզաօրթոպեդիկ» փակ բաժնետիրական ընկերություն` նվազեցնելով «Պրոթեզավորման և կադրերի պատրաստման կենտրոն» փակ բաժնետիրական ընկերության կանոնադրական կապիտալը` 21915300 դրամի չափով:
2. Սահմանել «Պրոթեզաօրթոպեդիկ» փակ բաժնետիրական ընկերության կանոնադրական կապիտալը` 21915300 դրամ:
3. «Պրոթեզաօրթոպեդիկ» փակ բաժնետիրական ընկերության կանոնադրական կապիտալում ներդնել «Պրոթեզավորման և կադրերի պատրաստման կենտրոն» փակ բաժնետիրական ընկերության գույքի կազմից առանձնացված 21915300 դրամ արժեքով գույքը:
i
4. «Պրոթեզաօրթոպեդիկ» փակ բաժնետիրական ընկերության բաժնետոմսերի կառավարման, ինչպես նաև «Բաժնետիրական ընկերությունների մասին» Հայաստանի Հանրապետության օրենքի 12-րդ հոդվածի 3-րդ կետով սահմանված լիազորությունները վերապահել Հայաստանի Հանրապետության սոցիալական ապահովության նախարարությանը:
5. Սույն որոշումն ուժի մեջ է մտնում 2002 թվականի հունվարի 15-ից: