24.11.2022 -
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՕՐԵՆՔԸ
Ընդունված է 2022 թվականի հոկտեմբերի 26-ին
«ԹԱՓՈՆՆԵՐԻ ՄԱՍԻՆ» ՕՐԵՆՔՈՒՄ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
i
Հոդված 1. «Թափոնների մասին» 2004 թվականի նոյեմբերի 24-ի ՀՕ-159-Ն օրենքի (այսուհետ` Օրենք) 4-րդ հոդվածի 1-ին մասը տասնվեցերորդ պարբերությունից հետո լրացնել հետևյալ բովանդակությամբ նոր պարբերություններով.
«թափոնների հեռացման վայրեր` թափոնների վնասազերծման, ոչնչացման կամ տեղադրման համար հատուկ հատկացված տեղեր կամ օբյեկտներ (այդ թվում` աղբավայրեր, պոլիգոններ).
թափոնների հեռացման վայրերը շահագործողներ` իրավաբանական անձինք կամ անհատ ձեռնարկատերեր, որոնք պատասխանատու են թափոնների հեռացման վայրերում թափոնների ոչնչացման, վնասազերծման կամ տեղադրման (այդ թվում` թաղման) համար.
թափոնների հեռացման վայրերի մոնիթորինգ` թափոնների հեռացման վայրերում և դրանց հարակից տարածքներում հողի, մթնոլորտային օդի, մակերևութային և ստորերկրյա ջրերի որակական ցուցանիշների վերաբերյալ տվյալների պարբերական հավաքում ակնադիտարկումների, գործիքային չափումների, նմուշառումների, լաբորատոր փորձարկումների միջոցով և դրանց մշակում.»:
i
Հոդված 2. Օրենքի 7-րդ հոդվածի 1-ին մասում`
1) «ժ» կետը շարադրել հետևյալ խմբագրությամբ.
«ժ) աղբավայրերի մոնիթորինգի իրականացման կարգի սահմանումը.».
2) լրացնել հետևյալ բովանդակությամբ «ժա» կետով.
«ժա) օրենքով նախատեսված այլ լիազորություններ:»:
i
Հոդված 3. Օրենքի 17-րդ հոդվածի 1-ին մասում «թափոններ առաջացնողներն» բառերը փոխարինել «թափոնների հեռացման վայրերը շահագործողներն» բառերով:
Հոդված 4.
1. Սույն օրենքն ուժի մեջ է մտնում պաշտոնական հրապարակման օրվան հաջորդող տասներորդ օրը:
2. Սույն օրենքի 2-րդ հոդվածով սահմանված կարգն ընդունվում է սույն օրենքն ուժի մեջ մտնելուց հետո` վեց ամսվա ընթացքում:
|
Հայաստանի Հանրապետության
Նախագահ |
Վ. Խաչատուրյան |
|
2022 թ. նոյեմբերի 11
Երևան
ՀՕ-402-Ն
|
|
Պաշտոնական հրապարակման օրը` 14 նոյեմբերի 2022 թվական: