04.10.2024 -
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐ
ՀՐԱՄԱՆ
20 սեպտեմբերի 2024 թվականի N 285-Ն
ԳԱՆԳԻ ԵՎ ԴԻՄԱՅԻՆ ՈՍԿՐԵՐԻ ԿՈՏՐՎԱԾՔՈՎ ՄԵԾԱՀԱՍԱԿ ՊԱՑԻԵՆՏԻ ՎԱՐՄԱՆ ԳՈՐԾԵԼԱԿԱՐԳԸ ՀԱՍՏԱՏԵԼՈՒ ՄԱՍԻՆ
Հիմք ընդունելով «Բնակչության բժշկական օգնության և սպասարկման մասին» օրենքի 2-րդ հոդվածի 1-ին մասի 31-րդ կետը`
Հրամայում եմ
1. Հաստատել գանգի և դիմային ոսկրերի կոտրվածքով մեծահասակ պացիենտի վարման գործելակարգը` համաձայն hավելվածի:
2. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:
Հավելված
ՀՀ առողջապահության նախարարի
2024 թվականի սեպտեմբերի 20-ի
N 285-Ն հրամանի
ԳՈՐԾԵԼԱԿԱՐԳ
ԳԱՆԳԻ ԵՎ ԴԻՄԱՅԻՆ ՈՍԿՐԵՐԻ ԿՈՏՐՎԱԾՔՈՎ ՄԵԾԱՀԱՍԱԿ ՊԱՑԻԵՆՏԻ ՎԱՐՄԱՆ
1. Նոզոլոգիաների խումբ` ըստ հիվանդությունների և առողջության հետ կապված խնդիրների վիճակագրական 10–րդ վերանայման դասակարգչի.
| Հ/Հ |
Կոդը |
Անվանում |
| 1) |
S02.1 |
Գանգի հիմքի կոտրվածք
Փոսի` առաջային, միջին, հետին
Ծոծրակային ոսկորի
Ակնակապճի վերին պատի
Խոռոչի` մաղոսկրի, ճակատոսկրի
Սեպոսկրի
Քունքոսկրի
Բացառությամբ` ակնակապճի` ԱՀՃ (S02.8), ակնակապճի հատակի (S02.3) |
| 2) |
S02.3 |
Ակնակապճի հատակի կոտրվածք, բացառությամբ`
ակնակապճի` ԱՀՃ (S02.8)
ակնակապճի վերին պատի (S02.1) |
| 3) |
S02.4 |
Այտոսկրի և վերին ծնոտի կոտրվածք
Վերին ծնոտի (ոսկրի)
Այտոսկրի աղեղի |
| 4) |
S02.6 |
Ստորին ծնոտի կոտրվածք |
| 5) |
S02.8 |
Գանգոսկրի և դիմային այլ ոսկրերի կոտրվածքներ
Ալվեոլային ելուստի
Ակնակապճի` ԱՀՃ Քիմքոսկրի Բացառությամբ` ակնակապճի` հատակի (S02.3), տանիքի (վերին պատի) (S02.1) |
2. Նոզոլոգիաների խումբը կիրառելի է` ըստ սույն հավելվածով սահմանված Ձև 1–ի.
Ձև 1
| 1) |
Տարիքային խումբ (նորածին, երեխա, դեռահաս, մեծահասակ) |
Մեծահասակ |
| 2) |
Սեռ (արական, իգական) |
Արական, իգական |
| 3) |
Բարդություններ (առանց բարդությունների (ԱԲ), բարդություններով (Բ)) |
ԱԲ, Բ |
| 4) |
Հիվանդության փուլը (նկարագրել) |
Կիրառելի չէ |
| 5) |
Բժշկական օգնության և սպասարկման պայմանները (բժշկական կազմակերպությունից դուրս,
արտահիվանդանոցային պայմաններում,
ցերեկային ստացիոնարի պայմաններում,
հիվանդանոցային պայմաններում) |
Հիվանդանոցային պայմաններում |
| 6) |
Բժշկական օգնության և սպասարկման ծառայությունների մատուցման ձևը (շտապ, անհետաձգելի, պլանային) |
Շտապ, անհետաձգելի, պլանային |
| 7) |
Կիրառման շրջանակը (նշել մասնագետների շրջանակը) |
Դիմածնոտային վիրաբույժ, նյարդավիրաբույժ, նյարդաբան, ակնաբույժ, անեսթեզիոլոգ-ռեանիմատոլոգ |
| 8) |
Գանգատներ |
Ցավ, արյունահոսություն, գլխապտույտ, սրտխառնոց, երկտեսություն, քթային դժվարաշնչություն, լսողության խանգարում, կծվածքի խանգարում, բերանի և քթի խոռոչից արյունահոսություն, լիկվորեա, բերանի բացման սահմանափակում, գիտակցության խանգարում: |
| 9) |
Անամնեզ |
Արյան մակարդելիության հետ կապված հիվանդություններ, շաքարային դիաբետ, գլխի և պարանոցի շրջանում կատարված վիրահատություններ, այդ թվում` տեսողական օրգանի հետ կապված: Արյան շրջանառության տեղային (լոկալ) կամ համակարգային խանգարումներ, դիպլոպիա, ոսկրային համակարգի հիվանդություններ, ստոմատոլոգիական տվյալներ: |
| 10) |
Զննման արդյունք/Ցուցում |
Վնասվածքի տեղակայման և խորության գնահատում, վերքում օտար մարմինների առկայության ստուգում, նյարդաբանական ստատուս, զարկերակային ճնշման որոշում, էլեկտրասրտագրություն, տեսողական օրգանի գնահատում, սուբկոնյուկտիվալ արյունազեղում, դիմածնոտային շրջանի ոսկրային համակարգի պալպացիա: |
| 11) |
Հոսպիտալացման ցուցում |
Գլխի և պարանոցի շրջանում կոտրվածքի առկայություն, գլխուղեղի ցնցման երևույթների առկայություն, վնասվածքի շրջանում վերջերս կրած վիրահատություններ, տեսողական և լսողական խանգարումներ: |
3. Բժիշկ-մասնագետի կողմից պացիենտի զննումը, խորհրդատվությունը իրականացվում է ըստ Ձև 2–ի (անհրաժեշտության դեպքում անհրաժեշտ է նշել հիվանդության փուլերը).
Ձև 2
| Հ/հ |
Խորհրդատվության տեսակը |
Տրամադրման քանակը |
| ԱԲ |
Բ |
| 1) |
Դիմածնոտային վիրաբույժ |
1 |
1 |
| 2) |
Նյարդաբան |
0.5 |
1 |
| 3) |
Նյարդավիրաբույժ |
0.3 |
1 |
| 4) |
Անեստեզիոլոգ- ռեանիմատոլոգ |
0.8 |
1 |
| 5) |
Ակնաբույժ |
0.5 |
1 |
4. Սույն հավելվածի Ձև 2–ում նշված տրամադրվող քանակների համար նշվում է միջինացված ցուցանիշ, նկատի ունենալով տվյալ զննման, խորհրդատվության իրականացման հաճախականությունը: Հաճախականության հաշվարկման միավորը պետք է լինի 0-ից 1 միջակայքում և հաշվի առնի նմանատիպ 100 դեպքերում տվյալ զննման, խորհրդատվության իրականացման հաճախականությունը:
5. Լաբորատոր-գործիքային ախտորոշիչ հետազոտություններն իրականացվում են` ըստ Ձև 3–ի (անհրաժեշտության դեպքում անհրաժեշտ է նշել հիվանդության փուլերը).
Ձև 3
| Լաբորատոր հետազոտություններ |
| Հ/Հ |
Կոդը |
Անվանումը |
Տրամադրման քանակը |
Արդյունք |
| ԱԲ |
Բ |
| 1) |
Կիրառելի չէ |
- |
- |
- |
| Գործիքային հետազոտություններ |
| 2) |
Առկա չէ |
Գլխի և պարանոցի համակարգչային տոմոգրաֆիա |
0.5 |
1 |
Ներգանգային ախտահարումների, հետակնակապճային արյունազեղման, դիմածնոտային շրջանի կոտրվածքների հայտնաբերում |
| 3) |
Առկա չէ |
Տեսողական օրգանի գործիքային զննում |
1 |
1 |
Ցանցաթաղանթի ամբողջականության գնահատում |
| 4) |
Առկա չէ |
Էլեկտրասրտագրություն |
1 |
1 |
Ախտաբանական փոփոխությունների (ռիթմի խանգարումներ կամ սրտամկանի սնուցման խանգարման նշաններ) հայտնաբերում |
6. Սույն հավելվածի Ձև 3–ում սահմանված տրամադրվող քանակների համար նշվում է միջինացված ցուցանիշ, նկատի ունենալով տվյալ հետազոտության իրականացման հաճախականությունը: Հաճախականության հաշվարկման միավորը պետք է լինի 0-ից 1 միջակայքում և հաշվի առնի նմանատիպ 100 դեպքերում տվյալ հետազոտության իրականացման հաճախականությունը:
7. Օգտագործվող դեղերի ցանկը սահմանվում է ըստ Ձև 4–ի (անհրաժեշտության դեպքում նշել հիվանդության փուլերը).
Ձև 4
| Հ/Հ |
Անվանում, դեղաչափ, դեղաձև, փաթեթավորում |
Անվանում (ջեներիկ) |
Չ/Մ |
Միջինացված ցուցանիշ` տրամադրման հաճախա-կանություն |
Միջին օրական չափա-քանակ |
Բուժման կուրսի միջին չափա-քանակ |
Օրե-րի քա-նակ |
| 1) |
Ամօքսիցիլին (ամօքսիցիլինի տրիհիդրատ), քլավուլանաթթու (կալիումի քլավուլանատ) 500մգ+125մգ 875մգ+125մգ |
Ամօքսիցիլին (ամօքսիցիլինի տրիհիդրատ), քլավուլանաթթու (կալիումի քլավուլանատ) 500մգ+125մգ 875մգ+125մգ |
դեղահատեր |
Օրը մեկ կամ երկու անգամ |
2000 |
10000 |
5-7 |
8. Սույն հավելվածի Ձև 4–ում սահմանված`
1) նշանակված դեղի նկատմամբ անհատական անտանելիության դեպքում ավագ բուժաշխատողը իրավասու է նշանակել այլ դեղ.
2) տրամադրվող քանակների համար նշվում է միջինացված ցուցանիշ, նկատի ունենալով տվյալ դեղի օգտագործման հաճախականությունը: Հաճախականության հաշվարկման միավորը պետք է լինի 0-ից 1 միջակայքում և հաշվի առնի նմանատիպ 100 դեպքերում տվյալ դեղի օգտագործման հաճախականությունը:
9. Բուժական այլ միջոցառումներ սահմանվում են Ձև 5–ում (անհրաժեշտության դեպքում անհրաժեշտ է նշել հիվանդության փուլերը).
Ձև 5
| Հ/հ |
Բժշկական ծառայության տեսակը |
Տրամադրման քանակը |
| ԱԲ |
Բ |
| 1) |
Վնասվածքի առաջնային վիրաբուժական մշակում |
1 |
1 |
| 2) |
Կոտրվածքների օստեոսինթեզ |
0.8 |
1 |
| 3) |
Ծնոտների շինավորում |
- |
1 |
| 4) |
Վերակենդանացման միջոցառումներ |
- |
1 |
| 5) |
Տրախեոստոմիկ խողովակի տեղադրում |
- |
1 |
10. Սույն հավելվածի Ձև 5–ում սահմանված տրամադրվող քանակների համար նշվում է միջինացված ցուցանիշ, նկատի ունենալով, թե ինչ հաճախականությամբ է իրականացվում տվյալ բուժական միջոցառումը: Հաճախականության հաշվարկման միավորը պետք է լինի 0-ից 1 միջակայքում և հաշվի առնի նմանատիպ 100 դեպքերում տվյալ բուժական միջոցառման կիրառման հաճախականությունը:
ԳՈՐԾԵԼԱԿԱՐԳԻ ՄՇԱԿՄԱՆ ԱՂԲՅՈՒՐԸ
1. Տիմոֆեև Ա.Ա. Դիմածնոտային վիրաբուժության հիմունքները. Մոսկվա 2007թ./Тимофеев А.А. Основы челюстно-лицевой хирургии. Москва 2007
2. Վերբո Ե. Բ., Բուցան Ս. Բ., Գիլեվա Կ. Ս., Դեմքի վերականգնողական վիրաբուժություն. Ժամանակակից մեթոդներ և սկզբունքներ, Մոսկվա 2022թ./Вербо Е.В., Буцан С.Б., Гилева К.С. Реконструктивная хирургия лица. Современные методы и принципы. Москва 2022
3. Ջոն Լանգդոն, Մոան Պատել, Ռոբերտ Օրդ և Պիտեր Բրեննան. Բերանի խոռոչի և դիմածնոտային շրջանի օպերատիվ վիրաբուժություն. Լոնդոն 2011թ./ John Langdon, Mohan Patel, Robert Ord and Peter Brennan. Operative Oral and Maxillofacial Surgery. London 2011
Պաշտոնական հրապարակման օրը` 24 սեպտեմբերի 2024 թվական: