031.1055.090202
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ
ԿԱՐԳԱԴՐՈՒԹՅՈՒՆԸ
ԱՐԴԱՐԱԴԱՏՈՒԹՅԱՆ ԽՈՐՀՐԴԻ ԱՇԽԱՏԱԿԱԶՄԻ 2002 ԹՎԱԿԱՆԻ ՓԵՏՐՎԱՐ-ԴԵԿՏԵՄԲԵՐ ԱՄԻՍՆԵՐԻ ԱՇԽԱՏԱՆՔԱՅԻՆ ԾՐԱԳՐԻ ՄԱՍԻՆ
Հիմք ընդունելով արդարադատության խորհրդի 2002 թվականի հունվարի 23-ի «Արդարադատության խորհրդի աշխատակազմի 2002 թվականի փետրվար-դեկտեմբեր ամիսների աշխատանքային ծրագրի վերաբերյալ» եզրակացությունը` որոշում եմ.
1. Հաստատել արդարադատության խորհրդի աշխատակազմի 2002 թվականի փետրվար-դեկտեմբեր ամիսների աշխատանքային ծրագիրը` համաձայն 1-ին հավելվածի:
2. Հաստատել արդարադատության խորհրդի աշխատակազմի 2002 թվականի փետրվար-դեկտեմբեր ամիսների աշխատանքային ծրագրով նախատեսված` Հայաստանի Հանրապետության դատական և դատախազական մարմիններում ուսումնասիրություններ կատարելու կանոնները` համաձայն 2-րդ հավելվածի:
3. Հայաստանի Հանրապետության գլխավոր դատախազին, Հայաստանի Հանրապետության արդարադատության նախարարին և Հայաստանի Հանրապետության վճռաբեկ դատարանի նախագահին` աջակցել արդարադատության խորհրդի աշխատակազմին` սահմանված կարգով Հայաստանի Հանրապետության դատական և դատախազական մարմինների աշխատանքներն ուսումնասիրելիս:
4. Սույն կարգադրությունն ուժի մեջ է մտնում ստորագրման պահից:
9 փետրվարի 2002թ.
ՆԿ-1055
ՀԱՎԵԼՎԱԾ 1
ՀԱՍՏԱՏՎԱԾ Է ՀՀ ՆԱԽԱԳԱՀԻ 2002 ԹՎԱԿԱՆԻ
ՓԵՏՐՎԱՐԻ 9-Ի ՆԿ-1055 ԿԱՐԳԱԴՐՈՒԹՅԱՄԲ
ԱՐԴԱՐԱԴԱՏՈՒԹՅԱՆ ԽՈՐՀՐԴԻ ԱՇԽԱՏԱԿԱԶՄԻ 2002 ԹՎԱԿԱՆԻ ՓԵՏՐՎԱՐ-ԴԵԿՏԵՄԲԵՐ ԱՄԻՍՆԵՐԻ ԱՇԽԱՏԱՆՔԱՅԻՆ ԾՐԱԳԻՐ
._________________________________________________________________________.
|N | ՄԻՋՈՑԱՌՄԱՆ ԱՆՎԱՆՈՒՄԸ |ԿԱՏԱՐՄԱՆ ԺԱՄԿԵՏԸ |
|__|___________________________________________|__________________________|
|1 | Երևան քաղաքի Կենտրոն և Նորք-Մարաշ | |
| | համայնքների առաջին ատյանի դատարանում և | |
| | դատախազությունում ուսումնասիրությունների |փետրվարի 18 - մարտի 7 |
| | կատարում | |
|__|___________________________________________|__________________________|
|2 | Երևանի կայազորի զինվորական դատախազու- | |
| | թյունում ուսումնասիրությունների | |
| | կատարում |մարտի 18 - մարտի 29 |
|__|___________________________________________|__________________________|
|3 | Ավան և Նոր-Նորք համայնքների առաջին | |
| | ատյանի դատարանում և դատախազությունում | |
| | ուսումնասիրությունների կատարում |ապրիլի 1 - ապրիլի 19 |
|__|___________________________________________|__________________________|
|4 | Արագածոտնի մարզի առաջին ատյանի | |
| | դատարանում և դատախազությունում | |
| | ուսումնասիրությունների կատարում |ապրիլի 22 - մայիսի 3 |
|__|___________________________________________|__________________________|
|5 | Շենգավիթ համայնքի առաջին ատյանի | |
| | դատարանում և դատախազությունում | |
| | ուսումնասիրությունների կատարում |մայիսի 5 - մայիսի 24 |
|__|___________________________________________|__________________________|
|6 | Երևան քաղաքի դատախազությունում | |
| | ուսումնասիրությունների կատարում |մայիսի 27 - հունիսի 14 |
|__|___________________________________________|__________________________|
|7 | Թիվ` 1, թիվ 2 և Զանգեզուրի կայազոր- | |
| | ների զինվորական դատախազություններում | |
| | ուսումնասիրությունների կատարում |հունիսի 17 - հուլիսի 12 |
|__|___________________________________________|__________________________|
|8 | Տավուշի մարզի առաջին ատյանի դատարանում | |
| | և դատախազությունում ուսումնասիրու- | |
| | թյունների կատարում |հուլիսի 15 - օգոստոսի 2 |
|__|___________________________________________|__________________________|
|9 | Կոտայքի մարզի առաջին ատյանի դատարանում, | |
| | դատախազությունում և Սևանի կայազորի | |
| | զինվորական դատախազությունում | |
| | ուսումնասիրությունների կատարում |օգոստոսի 5 - օգոստոսի 30 |
|__|___________________________________________|__________________________|
|10| Տնտեսական դատարանում ուսումնասիրու- |սեպտեմբերի 2 - |
| | թյունների կատարում |սեպտեմբերի 20 |
|__|___________________________________________|__________________________|
|11| Արաբկիր և Քանաքեռ-Զեյթուն համայնքների | |
| | առաջին ատյանի դատարանում և դատախազու- | |
| | թյունում ուսումնասիրությունների |սեպտեմբերի 23 - |
| | կատարում |հոկտեմբերի 1 |
|__|___________________________________________|__________________________|
|12| Հայաստանի Հանրապետության քրեական և | |
| | զինվորական գործերով վերաքննիչ դատարանում |հոկտեմբերի 14 - |
| | ուսումնասիրությունների կատարում |հոկտեմբերի 2 |
|__|___________________________________________|__________________________|
|13| Էրեբունի և Նուբարաշեն համայնքների | |
| | առաջին ատյանի դատարանում և դատախազու- |նոյեմբերի 4 - |
| | թյունում ուսումնասիրությունների կատարում |նոյեմբերի 22 |
|__|___________________________________________|__________________________|
|14| Աջափնյակ և Դավթաշեն համայնքների առաջին | |
| | ատյանի դատարանում և դատախազությունում |նոյեմբերի 25 - |
| | ուսումնասիրությունների կատարում |դեկտեմբերի 13 |
._________________________________________________________________________.
Ծանոթություն.
Սույն աղյուսակի 1-7 կետերում նշված դատարաններում և դատախազություններում ուսումնասիրվում է 2001թ. երկրորդ կիսամյակի, իսկ 8-14 կետերում նշված դատարաններում և դատախազություններում` 2002թ. առաջին կիսամյակի գործունեությունը:
ՀԱՎԵԼՎԱԾ 2
ՀԱՍՏԱՏՎԱԾ Է ՀՀ ՆԱԽԱԳԱՀԻ 2002 ԹՎԱԿԱՆԻ
ՓԵՏՐՎԱՐԻ 9-Ի ՆԿ-1055 ԿԱՐԳԱԴՐՈՒԹՅԱՄԲ
ԱՐԴԱՐԱԴԱՏՈՒԹՅԱՆ ԽՈՐՀՐԴԻ ԱՇԽԱՏԱԿԱԶՄԻ 2002 ԹՎԱԿԱՆԻ ՓԵՏՐՎԱՐ-ԴԵԿՏԵՄԲԵՐ ԱՄԻՍՆԵՐԻ ԱՇԽԱՏԱՆՔԱՅԻՆ ԾՐԱԳՐՈՎ ՆԱԽԱՏԵՍՎԱԾ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴԱՏԱԿԱՆ ԵՎ ԴԱՏԱԽԱԶԱԿԱՆ ՄԱՐՄԻՆՆԵՐՈՒՄ ՈՒՍՈՒՄՆԱՍԻՐՈՒԹՅՈՒՆՆԵՐ ԿԱՏԱՐԵԼՈՒ ԿԱՆՈՆՆԵՐ
1. Արդարադատության խորհրդի աշխատակազմի 2002 թվականի աշխատանքային ծրագրով նախատեսված Հայաստանի Հանրապետության դատական և դատախազական մարմինների 2001թ. երկրորդ և 2002թ. 1-ին կիսամյակների գործունեության ուսումնասիրությունները կատարել տեղերում:
2. Հանրապետության դատարաններում և դատախազություններում ուսումնասիրել հետևյալ հարցերը`
- քրեական, քաղաքացիական և տնտեսական գործերի նախապատրաստումը դատական քննությանը.
- քրեական, քաղաքացիական և տնտեսական գործերով դատավարական ժամկետների պահպանման վիճակը.
- քրեական, քաղաքացիական և տնտեսական գործերով դատավարական փաստաթղթերի (որոշում, վճիռ, դատավճիռ, դատական նիստի արձանագրություն) համապատասխանությունը դատավարական նորմերով նախատեսված կարգին.
- քրեական, քաղաքացիական և տնտեսական գործերի կասեցման, կարճման, հայցն առանց քննության թողնելու վիճակը.
- իրեղեն ապացույցների պահպանման և տնօրինման վիճակը.
- նախաքննության և դատաքննության փուլում պատճառված նյութական վնասի վերականգնման և հայցի ապահովման վիճակը.
- դատախազների կողմից պետական շահերի պաշտպանության հայցերի հարուցման պրակտիկան.
- դատարաններում անչափահասների վերաբերյալ քրեական գործերով դատավարական նորմերի կիրառման վիճակը.
- պատժի նշանակման ընդհանուր սկզբունքների կիրառման վիճակը:
3. Ուսումնասիրությունների արդյունքներն ամփոփող տեղեկանքները մեկշաբաթյա ժամկետում տրամադրել համապատասխան դատավորներին և դատախազներին, որոնց վերաբերյալ վերջիններս մեկշաբաթյա ժամկետում կարող են ներկայացնել իրենց կարծիքը:
4. Ուսումնասիրությունների արդյունքներն ու կարծիքները յուրաքանչյուր ամիս ներկայացնել արդարադատության խորհրդի նախագահին, փոխնախագահներին և անդամներին:
5. Ուսումնասիրությունների ամփոփ արդյունքները կիսամյակը մեկ անգամ քննարկել արդարադատության խորհրդի նիստում: