040.0195.020302
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«2» մարտի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
2 մարտի 2002 թվականի N 195
«ԱՐԶԱԿԱՆ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆ ՍՏԵՂԾԵԼՈՒ ՄԱՍԻՆ
i
«Բաժնետիրական ընկերությունների մասին» Հայաստանի Հանրապետության օրենքի 12-րդ հոդվածին համապատասխան` Հայաստանի Հանրապետության կառավարությունը որոշում է.
1. Ստեղծել «Արզական» փակ բաժնետիրական ընկերություն:
2. Սահմանել, որ`
ա) «Արզական» փակ բաժնետիրական ընկերության հիմնադրի անունից հանդես եկող պետական կառավարման մարմինն է Հայաստանի Հանրապետության կառավարության աշխատակազմը, որին վերապահվում են «Բաժնետիրական ընկերությունների մասին» Հայաստանի Հանրապետության օրենքի 12-րդ հոդվածի երրորդ կետով սահմանված լիազորությունները.
բ) «Արզական» փակ բաժնետիրական ընկերության կողմից տեղաբաշխվող բաժնետոմսերի դիմաց վճարումն իրականացվում է Հայաստանի Հանրապետության կառավարության աշխատակազմի Արզականի ամառանոցային տնտեսության գույքով:
3. Սույն որոշումն ուժի մեջ է մտնում 2002 թվականի մարտի 2-ից: