ՈՐՊԵՍ ՆՎԻՐԱՏՎՈՒԹՅՈՒՆ ՇԵՆՔ ԸՆԴՈՒՆԵԼՈՒ ՄԱՍԻՆ

040.0212.060302

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

«6» մարտի 2002 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

6 մարտի 2002 թվականի N 212

ՈՐՊԵՍ ՆՎԻՐԱՏՎՈՒԹՅՈՒՆ ՇԵՆՔ ԸՆԴՈՒՆԵԼՈՒ ՄԱՍԻՆ

Հաշվի առնելով Շիրակի մարզի Աշոցքի ներքին գործերի բաժնի վարչական շենքի վթարային վիճակը և Աշոցքի գյուղական համայնքի ավագանու համաձայնությունը` Հայաստանի Հանրապետության կառավարությունը որոշում է.

1. Շիրակի մարզի Աշոցքի գյուղական համայնքի սեփականությունը հանդիսացող մանկապարտեզի շենքի երկու չշահագործվող մասնաշենքը` 650 քառ. մետր ընդհանուր մակերեսով և 19337 հազար դրամ հաշվեկշռային արժեքով, որպես նվիրատվություն ընդունել Հայաստանի Հանրապետության ներքին գործերի նախարարության հաշվեկշռում Աշոցքի ներքին գործերի բաժնին որպես վարչական շենք տրամադրելու համար:

2. Հայաստանի Հանրապետության ներքին գործերի նախարարությանը` Շիրակի մարզի Աշոցքի գյուղական համայնքի ղեկավարի հետ համատեղ` սահմանված կարգով ապահովել սույն որոշման 1-ին կետում նշված մասնաշենքերի նվիրատվության պայմանագրի կնքումն ու գույքային իրավունքների պետական գրանցումը:

3. Շիրակի մարզպետին և Հայաստանի Հանրապետության ներքին գործերի նախարարությանը` 20-օրյա ժամկետում Շիրակի մարզի Աշոցքի գյուղական համայնքի ղեկավարի հետ համատեղ` սահմանված կարգով ապահովել անհրաժեշտ հողամասի սահմանների ճշտման և ձևակերպման աշխատանքների կատարումը:

4. Սույն որոշումն ուժի մեջ է մտնում 2002 թվականի մարտի 6-ից: