041.0121.060302
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
6 մարտի 2002 թվականի N 121
ԻՐԱՆԻ ԻՍԼԱՄԱԿԱՆ ՀԱՆՐԱՊԵՏՈՒԹՅԱՆ ՊԱՇՏՊԱՆՈՒԹՅԱՆ ՆԱԽԱՐԱՐԻ ԳԼԽԱՎՈՐԱԾ ՊԱՏՎԻՐԱԿՈՒԹՅԱՆ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ՊԱՇՏՈՆԱԿԱՆ ԱՅՑԻ ՄԱՍԻՆ
Իրանի Իսլամական Հանրապետության պաշտպանության նախարարի գլխավորած պատվիրակության (15 մարդ) 2002 թվականի մարտի 4-6-ը Հայաստանի Հանրապետություն պաշտոնական այցի կապակցությամբ`
1. Հայաստանի Հանրապետության պաշտպանության նախարարությանն ու Հայաստանի Հանրապետության արտաքին գործերի նախարարությանը` ապահովել հյուրերի Հայաստանում գտնվելու ընթացքում միջոցառումների իրականացումն ըստ արարողակարգի:
2. Հայաստանի Հանրապետության կառավարության աշխատակազմին` հյուրերին (10 մարդ) տեղավորել Հայաստանի Հանրապետության կառավարության աշխատակազմի գործերի կառավարչության «Հրազդան-10» փակ բաժնետիրական ընկերությունում և ապահովել նրանց սնունդը:
3. Հայաստանի Հանրապետության պաշտպանության նախարարությանը` հյուրերին (հինգ մարդ) տեղավորել հյուրանոցում, ապահովել նրանց սնունդն ու սպասարկման համար տրամադրել անհրաժեշտ թվով ներկայացուցչական ավտոմեքենաներ:
4. Հայաստանի Հանրապետության ազգային անվտանգության նախարարությանը` ապահովել հյուրերի և նրանց սպասարկող հատուկ ինքնաթիռի անվտանգությունը Հայաստանում գտնվելու ընթացքում:
5. Հայաստանի Հանրապետության պաշտպանության նախարարությանը և Հայաստանի Հանրապետության ներքին գործերի նախարարությանը` հատկացնել ռազմական և ճանապարհային ոստիկանության ուղեկցող անձնակազմեր:
6. Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչությանը` ապահովել պատվիրակության և հատուկ ինքնաթիռի անձնակազմի դիմավորումը և ճանապարհումը պաշտոնական պատվիրակությունների սրահում, ինչպես նաև հյուրերին սպասարկող ինքնաթիռի ընդունումը, կայանումը, լցավորումը, ճանապարհումը և ինքնաթիռի անձնակազմի սպասարկումը (անվճար):
7. Հայաստանի Հանրապետության ֆինանսների և էկոնոմիկայի նախարարությանը` հյուրերի Հայաստանի Հանրապետությունում գտնվելու ընթացքում կեցության, սննդի, փոխադրամիջոցների, պաշտոնական ճաշի և հուշանվերների ձեռքբերման հետ կապված ծախսերը` 4820240 դրամի սահմաններում, կատարել Հայաստանի Հանրապետության 2002 թվականի պետական բյուջեով արտասահմանյան պատվիրակությունների ընդունելության համար նախատեսված միջոցների հաշվին` համաձայն Հայաստանի Հանրապետության կառավարության աշխատակազմի և Հայաստանի Հանրապետության պաշտպանության նախարարության ներկայացրած հաշվետվությունների: