ՀՀ-ՈՒՄ ՈՒՐՈՒԳՎԱՅԻ ԱՐԵՎԵԼՅԱՆ ՀԱՆՐԱՊԵՏՈՒԹՅԱՆ ՀՅՈՒՊԱՏՈՍՈՒԹՅԱՆ ՀԱՄԱՐ ՀՈՂԱՄԱՍ ՏՐԱՄԱԴՐ ...

040.0235.130302

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

«13» մարտի 2002 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

13 մարտի 2002 թվականի N 235

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՈՒՐՈՒԳՎԱՅԻ ԱՐԵՎԵԼՅԱՆ ՀԱՆՐԱՊԵՏՈՒԹՅԱՆ ՀՅՈՒՊԱՏՈՍՈՒԹՅԱՆ ՀԱՄԱՐ ՀՈՂԱՄԱՍ ՏՐԱՄԱԴՐԵԼՈՒ ՄԱՍԻՆ

Հաշվի առնելով Հայաստանի Հանրապետության արտաքին գործերի նախարարության ու Երևանի քաղաքապետի միջնորդությունները, ինչպես նաև Հայաստանի Հանրապետության հողային օրենսգրքի 76-րդ հոդվածի 4-րդ և 5-րդ կետերին համապատասխան` Հայաստանի Հանրապետության կառավարությունը որոշում է.

1. Թույլատրել Երևանի քաղաքապետին Երևանի Ալեք Մանուկյան փողոցի NN 7 և 9 շենքերի միջև ընկած 560 քառակուսի մետր մակերեսով տարածքն առանց մրցույթի` վարձակալության իրավունքով տրամադրել Ուրուգվայի Արևելյան Հանրապետությանը` Հայաստանի Հանրապետությունում Ուրուգվայի Արևելյան Հանրապետության հյուպատոսության համար շենք կառուցելու նպատակով:

2. Երևանի քաղաքապետին` սահմանված կարգով ապահովել Հայաստանի Հանրապետության անունից նշված տարածքի վարձակալության պայմանագրի կնքումը, հողահատկացման և շինարարության համար անհրաժեշտ փաստաթղթերի ձևակերպումը և գույքային իրավունքների պետական գրանցումը:

3. Սույն որոշումն ուժի մեջ է մտնում 2002 թվականի մարտի 13-ից: