20.07.2026 -
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՕՐԵՆՔԸ
Ընդունված է 2026 թվականի հունիսի 18-ին
«ՀԱՇՄԱՆԴԱՄՈՒԹՅՈՒՆ ՈՒՆԵՑՈՂ ԱՆՁԱՆՑ ԻՐԱՎՈՒՆՔՆԵՐԻ ՄԱՍԻՆ» ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
i
Հոդված 1. «Հաշմանդամություն ունեցող անձանց իրավունքների մասին» 2021 թվականի մայիսի 5-ի ՀՕ-194-Ն օրենքի 15-րդ հոդվածում`
1) 4-րդ մասը «օգտվում են» բառերից հետո շարադրել հետևյալ խմբագրությամբ. «պետական, հանրային և հավատարմագրված ոչ պետական մասնագիտական և բարձրագույն ուսումնական հաստատություններ ընդունվելու նախապատվության (առաջնահերթության) իրավունքից:».
2) 5-րդ, 6-րդ և 8-րդ մասերի «նախնական մասնագիտական (արհեստագործական), պետական միջին» բառերը փոխարինել «և հանրային» բառերով.
3) 7-րդ մասն ուժը կորցրած ճանաչել.
4) 9-րդ մասը շարադրել հետևյալ խմբագրությամբ.
«9. Սույն հոդվածի 5-րդ մասով սահմանված հիմքով պետական և հանրային մասնագիտական, պետական և հավատարմագրված ոչ պետական բարձրագույն ուսումնական հաստատություններում ուսման վարձի փոխհատուցմամբ ուսուցանող` ֆունկցիոնալության ծանր և խորը աստիճանի սահմանափակում ունեցող անձինք ուսումնառության արդյունքներն առանց վերահանձնելու ձեռք բերելու դեպքում ստանում են մասնակի կրթաթոշակ` ֆունկցիոնալության ծանր և խորը աստիճանի սահմանափակում ունենալու ամբողջ ժամանակահատվածում` անկախ ստացվող այլ նպաստներից, թոշակներից կամ այլ դրամական վճարումներից:»:
Հոդված 2. Սույն օրենքն ուժի մեջ է մտնում պաշտոնական հրապարակման օրվան հաջորդող տասներորդ օրը:
|
Հայաստանի Հանրապետության
Նախագահ |
Վ. Խաչատուրյան |
|
2026 թ. հուլիսի 9
Երևան
ՀՕ-291-Ն
|
|
Պաշտոնական հրապարակման օրը` 10 հուլիսի 2026 թվական: