15.07.2026 -
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՕՐԵՆՔԸ
Ընդունված է 2026 թվականի հուլիսի 3-ին
«ՍՆՆԴԱՄԹԵՐՔԻ ԱՆՎՏԱՆԳՈՒԹՅԱՆ ՊԵՏԱԿԱՆ ՎԵՐԱՀՍԿՈՂՈՒԹՅԱՆ ՄԱՍԻՆ» ՕՐԵՆՔՈՒՄ ՓՈՓՈԽՈՒԹՅՈՒՆ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
i
Հոդված 1. «Սննդամթերքի անվտանգության պետական վերահսկողության մասին» 2014 թվականի հունիսի 21-ի ՀՕ-143-Ն օրենքի (այսուհետ` Օրենք) 2-րդ հոդվածի 1-ին մասի 4-րդ կետը «գործընթաց» բառից հետո լրացնել «, բացառությամբ օրենքով նախատեսված դեպքերի» բառերով:
i
Հոդված 2. Օրենքի 5.2-րդ հոդվածի 3-րդ մասը լրացնել հետևյալ բովանդակությամբ 35-րդ կետով.
«35) իրականացնում է Եվրոպական միության առևտրի վերահսկման և փորձագիտական համակարգում տնտեսավարող սուբյեկտի գրանցումը և գրանցման դադարեցումը:»:
i
Հոդված 3. Օրենքը լրացնել հետևյալ բովանդակությամբ 14.1-ին հոդվածով.
| «Հոդված 14.1. |
Հայաստանի Հանրապետությունից Եվրոպական միության երկրներ ձկան կամ ձկնամթերքի արտահանման նպատակով առևտրի վերահսկման և փորձագիտական համակարգում տնտեսավարող սուբյեկտի գրանցումը, գրանցման դադարեցումը և առողջության սերտիֆիկատը |
1. Հայաստանի Հանրապետությունից Եվրոպական միության երկրներ ձկան կամ ձկնամթերքի արտահանման նպատակով ձկնաբուծական տնտեսությունները կամ ձկնամթերքի արտադրական կազմակերպությունները կամ ձկան կամ ձկնամթերքի պահպանում իրականացնող կազմակերպությունները (այսուհետ սույն հոդվածում` տնտեսավարող սուբյեկտ) պետք է գրանցված լինեն Եվրոպական միության առևտրի վերահսկման և փորձագիտական համակարգում (այսուհետ սույն հոդվածում` համակարգ):
2. Համակարգում գրանցվելու նպատակով տնտեսավարող սուբյեկտը Կառավարության որոշմամբ հաստատված կարգով դիմում է ներկայացնում լիազոր մարմին:
3. Դիմումը ստանալուց հետո լիազոր մարմնի ղեկավարի հրամանի հիման վրա իրականացվում է ստուգում համակարգում գրանցման համար սահմանված պահանջների համապատասխանությունը պարզելու նպատակով: Սույն մասով սահմանված հրամանում նշվում են ստուգում իրականացնող մարմնի անվանումը, ստուգում իրականացնող անձի (անձանց) պաշտոնը, անունը, ազգանունը, տնտեսավարող սուբյեկտի անվանումը և հասցեն, ստուգման նպատակը և ժամանակահատվածը:
4. Ստուգման ավարտից հետո անհամապատասխանություններ չհայտնաբերվելու դեպքում տեսուչի կողմից ստուգման արդյունքներով կազմված համապատասխանության վերաբերյալ եզրակացության հիման վրա լիազոր մարմինը տնտեսավարող սուբյեկտի տվյալները գրանցում է համակարգում և ներկայացնում Եվրոպական հանձնաժողովի հաստատմանը:
5. Եվրոպական հանձնաժողովի հաստատումը ստանալուց հետո տնտեսավարող սուբյեկտը համարվում է համակարգում գրանցված, և լիազոր մարմինը տնտեսավարող սուբյեկտին տրամադրում է գրանցման համար:
6. Համակարգում գրանցումն անժամկետ է:
7. Համակարգում գրանցման նպատակով տնտեսավարող սուբյեկտի կողմից դիմումին կից ներկայացված փաստաթղթերում լիազոր մարմնի սահմանած ժամկետում թերությունները չշտկվելու կամ ստուգման ընթացքում անհամապատասխանություններ հայտնաբերվելու կամ Եվրոպական հանձնաժողովի կողմից գրանցումը չհաստատվելու դեպքում տնտեսավարող սուբյեկտի` համակարգում գրանցման նպատակով ներկայացրած դիմումը մերժվում է:
8. Սույն հոդվածի 7-րդ մասով սահմանված հիմքերով գրանցման նպատակով դիմումը մերժելն արգելք չէ հետագայում նորից դիմելու համար:
9. Համակարգում գրանցված լինելու դեպքում Եվրոպական միության երկրներ ձուկ կամ ձկնամթերք արտահանելու համար տնտեսավարող սուբյեկտը հայտ է ներկայացնում լիազոր մարմին առողջության սերտիֆիկատ ստանալու նպատակով:
10. Գրանցման պահից սկսած` տարին առնվազն մեկ անգամ, լիազոր մարմինը տնտեսավարող սուբյեկտի մոտ իրականացնում է ստուգում համակարգում գրանցման համար սահմանված պահանջների համապատասխանությունը պարզելու նպատակով:
11. Սույն հոդվածի 10-րդ մասով սահմանված ստուգումների արդյունքում անհամապատասխանություններ հայտնաբերվելու դեպքում տրվում է հանձնարարական (կարգադրագիր)` սահմանելով դրանք վերացնելու համար ժամկետ, որը համաձայնեցվում է տնտեսավարող սուբյեկտի հետ:
12. Սույն հոդվածի 11-րդ մասով սահմանված ժամկետում անհամապատասխանությունները չվերացնելու դեպքում, ինչպես նաև տնտեսավարող սուբյեկտի դիմումի հիման վրա լիազոր մարմինը դադարեցնում է տնտեսավարող սուբյեկտի գրանցումը` Հայաստանի Հանրապետության օրենսդրությամբ սահմանված կարգով:
13. Սույն հոդվածով կարգավորվող հարաբերությունների նկատմամբ կիրառելի չէ «Հայաստանի Հանրապետությունում ստուգումների կազմակերպման և անցկացման մասին» օրենքը:»:
Հոդված 4.
1. Սույն օրենքն ուժի մեջ է մտնում պաշտոնական հրապարակմանը հաջորդող օրվանից:
|
Հայաստանի Հանրապետության
Նախագահ |
Վ. Խաչատուրյան |
|
2026 թ. հուլիսի 13
Երևան
ՀՕ-306-Ն
|
|
Պաշտոնական հրապարակման օրը` 14 հուլիսի 2026 թվական: