Տ. ԴԱՎԹՅԱՆԻՆ ՀՈՒՆԱՍՏԱՆԻ ՀԱՆՐԱՊԵՏՈՒԹՅՈՒՆ ԳՈՐԾՈՒՂԵԼՈՒ ՄԱՍԻՆ

041.0147.180302

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՈՐՈՇՈՒՄ

18 մարտի 2002 թվականի N 147

Տ. ԴԱՎԹՅԱՆԻՆ ՀՈՒՆԱՍՏԱՆԻ ՀԱՆՐԱՊԵՏՈՒԹՅՈՒՆ ԳՈՐԾՈՒՂԵԼՈՒ ՄԱՍԻՆ

1. Հայաստանի Հանրապետության արդյունաբերության և առևտրի նախարարի տեղակալ Տիգրան Դավթյանին 2002 թվականի մարտի 29-ից մինչև ապրիլի 5-ը գործուղել Աթենք` Հունաստանի Հանրապետության կառավարության հետ «Արդշինբանկ» բաց բաժնետիրական ընկերության կողմից իրականացվող վարկային ծրագրով նախատեսված պայմանների վերանայման շուրջ բանակցություններ վարելու համար:

2. Տիգրան Դավթյանի Հունաստանի Հանրապետություն գործուղման հետ կապված ծախսերը կատարել Հայաստանի Հանրապետության 2002 թվականի պետական բյուջեով արտասահմանյան պաշտոնեական գործուղումների համար նախատեսված միջոցների հաշվին:

3. Հայաստանի Հանրապետության արտաքին գործերի նախարարությանը և Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչությանը` լուծել Տիգրան Դավթյանի Հունաստանի Հանրապետություն մեկնելու հետ կապված հարցերը: