Սեղմել Esc փակելու համար:
ՀՀ ՔԱՂԱՔԱՑԻԱԿԱՆ ՊԱՇՏՊԱՆՈՒԹՅԱՆ ՇՏԱԲԻ Մ...
Քարտային տվյալներ

Տեսակ
Գործում է
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

ՀՀ ՔԱՂԱՔԱՑԻԱԿԱՆ ՊԱՇՏՊԱՆՈՒԹՅԱՆ ՇՏԱԲԻ ՄԱՍԻՆ

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

20 հուլիսի 1992 թ. թիվ 405

 

i

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՑԻԱԿԱՆ ՊԱՇՏՊԱՆՈՒԹՅԱՆ ՇՏԱԲԻ ՄԱՍԻՆ

 

Համաձայն Հայաստանի Հանրապետության կառավարության և Անկախ պետությունների համագործակցության միացյալ զինված ուժերի գլխավոր հրամանատարության միջև կնքված Հայաստանի Հանրապետության իրավասությանը քաղաքացիական պաշտպանության կառավարման մարմինները, հաստատությունները և զորամասերը հանձնելու մասին համաձայնագրի, Հայաստանի Հանրապետության կառավարությունը որոշում  է.

i

1. Հայաստանի Հանրապետության քաղաքացիական պաշտպանության շտաբի զինծառայողների ծառայությունն իրականացնել Հայաստանի Հանրապետության «Զինապարտության մասին» օրենքին համապատասխան` նրանց վրա տարածելով Հայաստանի Հանրապետության պաշտպանության նախարարության զինծառայողների և նրանց ընտանիքների անդամների համար սահմանված իրավունքները, արտոնությունները և առավելությունները:

i

2. Հաստատել քաղաքացիական պաշտպանության շտաբի և նրա համակարգի զինծառայողների աշխատանքի վարձատրության տարեկան ֆոնդը` 3 մլն. 400 հազար ռուբլու չափով: Վարձատրությունը կատարել սկսած 1992 թվականի մայիսի 1-ից:

(2-րդ կետն ուժը կորցրել է 11.01.00 թիվ 4 որոշում)

3. Քաղաքացիական պաշտպանության շտաբների աշխատակիցների (ոչ զինծառայողների) պաշտոնեական դրույքները սահմանել Հայաստանի Հանրապետության Նախարարների խորհրդի 1989 թվականի հոկտեմբերի 7-ի «ԽՍՀՄ Մինիստրների խորհրդի 1989 թվականի սեպտեմբերի 29-ի «Պետական կառավարման մարմինների ապարատի աշխատողների աշխատանքի վարձատրության կատարելագործման մասին» թիվ 803 որոշումը» թիվ 511 որոշմանը համապատասխան, հաշվի առնելով պաշտոնեական դրույքների նկատմամբ Հայաստանի Հանրապետության օրենսդրությամբ սահմանված ինդեքսավորման գործակիցները:

(3-րդ կետն ուժը կորցրել է 11.01.00 թիվ 4 որոշում)

4. Սահմանամերձ շրջանների բնակչության հուսալի պաշտպանությունն ապահովելու նպատակով Հայաստանի Հանրապետության քաղաքացիական պաշտպանության շտաբի անձնակազմի թվաքանակի հաշվին ստեղծել տարածքաշրջանային (ռեգիոնալ) շտաբներ` Երևանի, Արարատյան (քաղ. Հոկտեմբերյան), Զանգեզուրի (քաղ. Գորիս), Լոռու (քաղ. Վանաձոր), հյուսիս-արևելյան (քաղ. Իջևան), նախալեռնային (քաղ. Հրազդան), Շիրակի (քաղ. Գյումրի) և Սևանի (քաղ. Կամո):

/փոփ. 12.10.93 թիվ 517 որոշում/

Համապատասխան տարածքաշրջանային շտաբների ռազմական մասնագետների ուժերով ամրապնդել սահմանամերձ շրջանների քաղաքացիական պաշտպանության շտաբները:

5. Հայաստանի Հանրապետության քաղաքացիական պաշտպանության շտաբին` մեկամսյա ժամկետում քաղաքացիական պաշտպանության շտաբի կանոնադրության նախագիծը ներկայացնել Հայաստանի Հանրապետության արտակարգ իրավիճակների պետական վարչություն` հաստատման:

6. Հայաստանի Հանրապետության արտակարգ իրավիճակների պետական վարչությանը` մեկամսյա ժամկետում մշակել և Հայաստանի Հանրապետության կառավարություն առաջարկություն ներկայացնել քաղաքացիական պաշտպանության մեքենայացված գումարտակի ստեղծման և Հայաստանի Հանրապետության կառավարության կառավարման պահեստային կետի կանոնադրության մասին:

7. Պատգամավորների տեղական խորհուրդների գործադիր կոմիտեներին` Հայաստանի Հանրապետության գործող օրենսդրությամբ սահմանված կարգով լուծել քաղաքացիական պաշտպանության տարածքաշրջանային (ռեգիոնալ) շտաբների տեղավորման և զինծառայողներին բնակարանների հատկացման հարցերը:

 

 

pin
ՀՀ կառավարություն
20.07.1992
N 405
Որոշում