040.0449.230402
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«23» ապրիլի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
23 ապրիլի 2002 թվականի N 449
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴԱՏԱԽԱԶՈՒԹՅԱՆԸ ՏԱՐԱԴՐԱՄԱՅԻՆ ԲԱՆԿԱՅԻՆ ՀԱՇԻՎ ԲԱՑԵԼՈՒ ԹՈՒՅԼՏՎՈՒԹՅՈՒՆ ՏԱԼՈՒ ՄԱՍԻՆ
Հայաստանի Հանրապետության գլխավոր դատախազության գիտաուսումնական կենտրոնում 2002 թվականի մայիսին անցկացվելիք «Մարդու իրավունքների մասին» եվրոպական կոնվենցիան և դատախազությունը» թեմայով ուսումնական սեմինարի կապակցությամբ Եվրոպայի խորհրդի կողմից տրամադրված գումարներն ստանալու և տնօրինելու նպատակով, ինչպես նաև «Հայաստանի Հանրապետության բյուջետային համակարգի մասին» Հայաստանի Հանրապետության օրենքի 15-րդ հոդվածի 9-րդ կետին համապատասխան` Հայաստանի Հանրապետության կառավարությունը որոշում է.
1. Հայաստանի Հանրապետության ֆինանսների և էկոնոմիկայի նախարարությանը` Հայաստանի Հանրապետության գլխավոր դատախազությանն սպասարկող` Հայաստանի Հանրապետության ֆինանսների և էկոնոմիկայի նախարարության տեղական գանձապետական բաժանմունքում բացել Հայաստանի Հանրապետության գլխավոր դատախազության տարադրամային բանկային հաշիվ` գործառույթների կատարման ժամկետ սահմանելով նշված ուսումնական սեմինարի ավարտը:
2. Սույն որոշումն ուժի մեջ է մտնում 2002 թվականի ապրիլի 23-ից: