040.0484.300402
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«30» ապրիլի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
30 ապրիլի 2002 թվականի N 484
«ԹԻՎ 3 ԿԼԻՆԻԿԱԿԱՆ ՀԻՎԱՆԴԱՆՈՑ» ԱՌՈՂՋԱՊԱՀԱԿԱՆ ՊԵՏԱԿԱՆ ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆԸ ՄԱՍՆԱՎՈՐԵՑՆԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Հաշվեկշռային մեթոդով գնահատված և շենքերի մեկ քառ. մետրը 20 ԱՄՆ-ի դոլարին համարժեք դրամով հաշվարկված 234453 հազար դրամ ակտիվներ ունեցող «Թիվ 3 կլինիկական հիվանդանոց» առողջապահական պետական փակ բաժնետիրական ընկերության բաժնետոմսերն ուղղակի վաճառքի ձևով մասնավորեցնել իր աշխատավորական կոլեկտիվին:
2. Սահմանել «Թիվ 3 կլինիկական հիվանդանոց» առողջապահական պետական փակ բաժնետիրական ընկերության բաժնետոմսերի արժեքը` 147127 հազար դրամ, որը համապատասխանում է 147127 բաժնետոմսի` յուրաքանչյուրը 1000 դրամ անվանական արժեքով:
3. Մասնավորեցման ենթակա «Թիվ 3 կլինիկական հիվանդանոց» առողջապահական պետական փակ բաժնետիրական ընկերության բաժնետոմսերի արժեքը կազմում է 147127 հազար դրամ, որը համապատասխանում է 147127 բաժնետոմսի` յուրաքանչյուրը 1000 դրամ անվանական արժեքով:
4. Ուղղակի վաճառքի ձևով մասնավորեցման ենթակա բաժնետոմսերի գինը սահմանել 36782 հազար դրամ, որը համապատասխանում է բաժնետոմսերի արժեքի 25 տոկոսին:
5. «Թիվ 3 կլինիկական հիվանդանոց» առողջապահական պետական փակ բաժնետիրական ընկերության պարտավորությունները 2001 թվականի հոկտեմբերի 1-ի դրությամբ կազմում են 87326 հազար դրամ, այդ թվում`
Հայաստանի Հանրապետության պետական բյուջեի նկատմամբ` 2390 հազար դրամ.
անձնակազմին աշխատանքի վարձատրության գծով` 50353 հազար դրամ.
առևտրական կրեդիտորական պարտքերի գծով` 10345 հազար դրամ.
սոցիալական ապահովագրության գծով` 24238 հազար դրամ:
6. «Թիվ 3 կլինիկական հիվանդանոց» առողջապահական պետական փակ բաժնետիրական ընկերության 1999 թվականի տնտեսական գործունեության արդյունքով վճարման ենթակա շահաբաժինների գծով պարտավորությունը կազմում է 21,6 հազար դրամ, որը գնահատման պահի դրությամբ արտացոլված չէ ընկերության հաշվեկշռում:
7. Հայաստանի Հանրապետության պետական գույքի կառավարման նախարարությանը` մասնավորեցման պայմանագրում նշել «Թիվ 3 կլինիկական հիվանդանոց» առողջապահական պետական փակ բաժնետիրական ընկերության գործունեության պրոֆիլի առնվազն 5 տարի ժամկետով պահպանման մասին:
8. Վճարումներն իրականացնել Հայաստանի Հանրապետության արժույթով` 5 տարվա ընթացքում` հետևյալ կարգով`
առաջին վճարումը` եռամսյա ժամկետում` 7982 հազար դրամ.
հաջորդ վճարումները` 4 տարվա ընթացքում` հավասարաչափ գումարներով` յուրաքանչյուր տարի վճարելով 7200 հազար դրամ:
9. Սույն որոշումն ուժի մեջ է մտնում 2002 թվականի ապրիլի 30-ից: