041.0272.070502
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
7 մայիսի 2002 թվականի N 272
«ՀԻԴՐՈՏԵԽՆԻԿԱԿԱՆ ԿԱՌՈՒՑՎԱԾՔՆԵՐ ՈՐՈՏԱՆ ԳԵՏԻ ՎՐԱ» ՕԲՅԵԿՏԻ ՀՈՐԱՏԱՆՑՄԱՆ ԱՇԽԱՏԱՆՔՆԵՐԸ ՇԱՐՈՒՆԱԿԵԼՈՒ ՄԱՍԻՆ
«Հիդրոտեխնիկական կառուցվածքներ Որոտան գետի վրա» օբյեկտի N 2 թունելախորշի հորատանցման աշխատանքների անընդհատությունը և անվտանգությունն ապահովելու նպատակով`
1. Հայաստանի Հանրապետության քաղաքաշինության նախարարությանը` շարունակել «Հիդրոտեխնիկական կառուցվածքներ Որոտան գետի վրա» օբյեկտի N 2 թունելախորշի հորատանցման և փորվածքամիացման ապահովման հետ կապված առաջնահերթ աշխատանքներն ու դրանց հանձնման-ընդունման մասին արձանագրությունները սահմանված կարգով ներկայացնել Հայաստանի Հանրապետության ֆինանսների և էկոնոմիկայի նախարարություն:
2. Հայաստանի Հանրապետության ֆինանսների և էկոնոմիկայի նախարարությանն ու Հայաստանի Հանրապետության քաղաքաշինության նախարարությանը` տասնօրյա ժամկետում` սահմանված կարգով Հայաստանի Հանրապետության կառավարություն ներկայացնել առաջարկություն սույն որոշման 1-ին կետում նշված աշխատանքների ֆինանսավորման աղբյուրների վերաբերյալ: