Սեղմել Esc փակելու համար:
ՀՀ ԶԻՆՎԱԾ ՈՒԺԵՐԻ ԵՎ ԱՅԼ ԶՈՐՔԵՐԻ ԶԻՆՎՈ...
Քարտային տվյալներ

Տեսակ
Գործում է
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

ՀՀ ԶԻՆՎԱԾ ՈՒԺԵՐԻ ԵՎ ԱՅԼ ԶՈՐՔԵՐԻ ԶԻՆՎՈՐԱԿԱՆ ՄԱՍԻ ՄԱՐՏԱԿԱՆ ԴՐՈՇԻ ՄԱՍԻՆ

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ

ՀՐԱՄԱՆԱԳԻՐԸ

 

i

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԶԻՆՎԱԾ ՈՒԺԵՐԻ
ԵՎ ԱՅԼ ԶՈՐՔԵՐԻ ԶԻՆՎՈՐԱԿԱՆ ՄԱՍԻ ՄԱՐՏԱԿԱՆ ԴՐՈՇԻ ՄԱՍԻՆ

 

Հաստատել Հայաստանի Հանրապետության զինված ուժերի և այլ զորքերի զինվորական մասի Մարտական դրոշի մասին կանոնադրությունը, Մարտական դրոշի վկայագրի ձևը և Մարտական դրոշի նկարագրությունը (կցվում են):

(հրամանագիրը փոփ. 21.05.13 ՆՀ-121-Ն հրամանագիր)

 

13 ապրիլի 1995 թվականի

ՆՀ-429 ՀԱՍՏԱՏՎԱԾ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ 1995 ԹՎԱԿԱՆԻ ԱՊՐԻԼԻ 13-Ի ՆՀ-429 ՀՐԱՄԱՆԱԳՐՈՎ

 

ԿԱՆՈՆԱԴՐՈՒԹՅՈՒՆ ԶԻՆՎՈՐԱԿԱՆ ՄԱՍԻ ՄԱՐՏԱԿԱՆ ԴՐՈՇԻ ՄԱՍԻՆ

 

1. Հայաստանի Հանրապետության զինված ուժերի և այլ զորքերի զինվորական մասի Մարտական դրոշը զինվորական պատվի, փառքի և արիության խորհրդանիշն է: Մարտական դրոշը Հայաստանի Հանրապետության զինված ուժերի և այլ զորքերի յուրաքանչյուր զինծառայողի սրբազան պարտքի հիշեցումն է` հայրենիքին անձնվիրաբար ծառայելու, այն քաջաբար և հմտորեն պաշտպանելու, հայրենի հողի յուրաքանչյուր թիզը թշնամուց պաշտպանելու մասին` չխնայելով արյունը և նույնիսկ կյանքը:

2. Մարտական դրոշը զինվորական մասին, վերջինիս կազմավորումից հետո, հանձնում է Հայաստանի Հանրապետության նախագահը կամ նրա կողմից լիազորված անձը:

3. Մարտական դրոշը մշտապես պահվում է զինվորական մասում` վերջինիս անվան և համարակալման փոփոխությունից անկախ: Զինվորական մասի անվան և համարակալման փոփոխությունները գրանցվում են Մարտական դրոշի վկայագրում, որը տրվում է Մարտական դրոշը հանձնելիս:

4. Մարտական դրոշը միշտ գտնվում է զինվորական մասի հետ, իսկ մարտադաշտում` զինվորական մասի մարտական գործողությունների շրջանում:

i

5. Մարտի ժամանակ զինվորական մասի ողջ անձնակազմը պարտավոր է անձնազոհ և քաջաբար պաշտպանել Մարտական դրոշը և թույլ չտալ հակառակորդին տիրանալ նրան:

Մարտական դրոշի կորուստի դեպքում զինվորական մասի հրամանատարը և այդ անպատվության համար անմիջականորեն մեղավոր զինծառայողները ենթակա են պատասխանատվության օրենքով սահմանված կարգով, իսկ զինվորական մասը` կազմալուծման:

(5-րդ կետը փոփ. 21.05.13 ՆՀ-121-Ն հրամանագիր)

 

ՀԱՍՏԱՏՎԱԾ Է

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ

1995 ԹՎԱԿԱՆԻ ԱՊՐԻԼԻ 13-Ի ՆՀ-429

ՀՐԱՄԱՆԱԳՐՈՎ

 

ՎԿԱՅԱԳԻՐ

 

i

Մարտական դրոշը հանձնվում է _________________________________________

(համապատասխան գերատեսչության ստորաբաժանման

անվանումը) թիվ ......... զինվորական մասին որպես զինվորական պատվի, փառքի և արիության խորհրդանիշ, որպես հիշեցում զորամասի յուրաքանչյուր զինծառայողին իր սրբազան պարտքի` հայրենիքին անձնվիրաբար ծառայելու, այն քաջաբար և հմտորեն պաշտպանելու, հայրենի հողի յուրաքանչյուր թիզը թշնամուց պաշտպանելու մասին` չխնայելով արյունը և նույնիսկ կյանքը:

(վկայագիրը փոփ. 21.05.13 ՆՀ-121-Ն հրամանագիր)

 

ՀԱՍՏԱՏՎԱԾ Է

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ

1995 ԹՎԱԿԱՆԻ ԱՊՐԻԼԻ 13-Ի ՆՀ-429

ՀՐԱՄԱՆԱԳՐՈՎ

 

i

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԶԻՆՎԱԾ ՈՒԺԵՐԻ ԵՎ ԱՅԼ ԶՈՐՔԵՐԻ ԶԻՆՎՈՐԱԿԱՆ ՄԱՍԻ ՄԱՐՏԱԿԱՆ ԴՐՈՇԻ ՆԿԱՐԱԳՐՈՒԹՅՈՒՆԸ

 

Հայաստանի Հանրապետության զինված ուժերի և այլ զորքերի զինվորական մասի Մարտական դրոշը բաղկացած է երկդեմ պաստառից, ձողից և ծոպափնջերով քուղերից:

Դրոշի պաստառն ուղղանկյունաձև է. երկարությունը` 1450 մմ, լայնությունը` 1150 մմ: Այն կարված է երկտակ մետաքսե բալերանգ կարմիր կտորից` երեք կողմից երիզված 85 մմ երկարությամբ ոսկեգույն ծոպերով:

Պաստառի երեսի կողմի կենտրոնական մասում պատկերված է Հայաստանի Հանրապետության մետաքսակար Զինանշանը` 310 մմ տրամագծով, որի վերին կիսաշրջանում ոսկեգույն մետաքսաթելով գործված է «ՀԱՆՈՒՆ ՀԱՅՐԵՆԻՔԻ» մակագրությունը` 75 մմ բարձրությամբ տառերով:

Պաստառի հակառակ կողմի վերին ձախ անկյունում պատկերված է Հայաստանի Հանրապետության պաշտպանության նախարարության մետաքսակար Զինանշանը` 180 մմ բարձրությամբ և լայնությամբ: Զինանշանի տակ, պաստառի երկայնքով, ոսկեգույն մետաքսաթելով գործված են զինվորական մասի թիվն ու անվանումը. թվանշանների բարձրությունը 100 մմ է, տառերինը` 75 մմ: Զինվորական մասի անվանագրության տառերի քանակից կախված` թվանշանների և տառերի չափերը կարող են փոքրացվել մինչև 60 մմ և 45 մմ:

Դրոշի ձողը փայտից է. երկարությունը` 2500 մմ, տրամագիրը` 40 մմ: Ձողի վերին ծայրին ամրացված է մետաղաձույլ քառանիստ բուրգ` 185+/-5 մմ բարձրությամբ և 48+/-2 մմ լայնությամբ, ներքևի հատվածը գլանաձև է և ունի 30 մմ տրամագծով անցք:

Ձողի վերին ծայրից կախված է 1350 մմ և 1425 մմ երկարությամբ մեկական քուղ, յուրաքանչյուրի ծայրից` 150 մմ երկարությամբ հանգուցակալով ծոպափունջ:

(նկարագիրը փոփ. 27.11.06 ՆՀ-246-Ն հրամանագիր)

 

 

pin
ՀՀ Նախագահ
13.04.1995
N ՆՀ-429
Հրամանագիր