ԱՆՕԳՏԱԳՈՐԾԵԼԻ ՀՈՂԱՏԱՐԱԾՈՒԹՅՈՒՆՆԵՐԻ ՅՈՒՐԱՑՄԱՆ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

15 նոյեմբերի 1992 թ. թիվ 578

ԱՆՕԳՏԱԳՈՐԾԵԼԻ ՀՈՂԱՏԱՐԱԾՈՒԹՅՈՒՆՆԵՐԻ ՅՈՒՐԱՑՄԱՆ ՄԱՍԻՆ

Հայաստանի Հանրապետության գյուղատնտեսական հողատեսքերի հետագա ավելացման, դրանց արդյունավետ օգտագործման նպատակով, ինչպես նաև հաշվի առնելով նոր հողերի յուրացման համար հատկացվող կապիտալ ներդրումների սղությունը, Հայաստանի Հանրապետության կառավարությունը որոշում է.

1. Թույլատրել Հայաստանի Հանրապետության գյուղատնտեսության նախարարության «Հայբերրիություն» , «Հայջրտնտ» և «Հայջրշին» արտադրական միավորումներին հանրապետության անօգտագործելի հողերի յուրացման, գյուղատնտեսական հողատեսքերի բարելավման, նախագծանախահաշվային փաստաթղթերի կազմման աշխատանքները բյուջետային ֆինանսավորումից բացի կատարել նաև իրենց սեփական միջոցների հաշվին:

2. Սահմանել, որ սեփական միջոցների հաշվին յուրացվող հողատարածություններն առանձնացվում են պատգամավորների շրջխորհուրդների գործկոմների որոշմամբ` համապատասխան գյուղխորհուրդների գործկոմների համաձայնությամբ, 7 տարի ժամկետով: Ժամկետը լրանալուց հետո հողատարածություններն անցնում են համապատասխան տեղական խորհուրդների տնօրինությանը:

3. Հանձնարարել Հայաստանի Հանրապետության գյուղատնտեսության նախարարության «Հայբերրիություն» , «Հայջրտնտ» և «Հայջրշին» արտադրական միավորումներին` յուրացված հողատարածություններն օգտագործել հացահատիկային և թիթեռնածաղկավոր կերային մշակաբույսերի մշակման նպատակով:

4. Հանձնարարել Հայպետագրոբանկին` նոր հողերի իրացման և բարելավման աշխատանքները «Հայբերրիություն» , «Հայջրտնտ» և «Հայջրշին» արտադրական միավորումների միջոցներով իրականացնելիս անհրաժեշտության դեպքում նրանց հատկացնել վարկ: