Սեղմել Esc փակելու համար:
ՀԱՅԿԱԿԱՆ ԱՏՈՄԱՅԻՆ ԷԼԵԿՏՐԱԿԱՅԱՆԻ ՎԵՐԱԳ...
Քարտային տվյալներ

Տեսակ
Գործում է
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

ՀԱՅԿԱԿԱՆ ԱՏՈՄԱՅԻՆ ԷԼԵԿՏՐԱԿԱՅԱՆԻ ՎԵՐԱԳՈՐԾԱՐԿՄԱՆ ԱՇԽԱՏԱՆՔՆԵՐԻ ՀԵՏ ԿԱՊՎԱԾ ԱՇԽԱՏՈՂՆԵ ...

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

30 մարտի 1994 թ. թիվ 142

 

ՀԱՅԿԱԿԱՆ ԱՏՈՄԱՅԻՆ ԷԼԵԿՏՐԱԿԱՅԱՆԻ ՎԵՐԱԳՈՐԾԱՐԿՄԱՆ ԱՇԽԱՏԱՆՔՆԵՐԻ ՀԵՏ ԿԱՊՎԱԾ ԱՇԽԱՏՈՂՆԵՐԻ ԱՇԽԱՏԱՆՔԻ ՎԱՐՁԱՏՐՈՒԹՅԱՆ ՀԱՄԱԿԱՐԳԻ ԵՎ ՍՈՑԻԱԼԱԿԱՆ ԱՊԱՀՈՎՈՒԹՅԱՆ ՀԱՐՑԵՐԻ ՄԱՍԻՆ

 

Ի կատարումն Հայաստանի Հանրապետության կառավարության 1993 թվականի ապրիլի 7-ի «Հայկական ատոմային էլեկտրակայանի վերագործարկման աշխատանքների մասին» թիվ 160 որոշման, ելնելով Հայկական ատոմային էլեկտրակայանի (ՀԱԷԿ-ի) վերագործարկման աշխատանքների հույժ կարևորությունից, ինչպես նաև այն մասնագիտական բարձր որակավորում ունեցող կադրերով ապահովելու, նրանց հոսունությունը կանխելու և սոցիալական որոշ խնդիրներ լուծելու նպատակով Հայաստանի Հանրապետության կառավարությունը  որոշում  է.

/1 կետն ուժը կորցրել է 05.10.94 թիվ 473 որոշում/

2. Հայաստանի Հանրապետության էներգետիկայի և վառելիքի նախարարությանը` մինչև 1994 թվականի ապրիլի 20-ը, Հայաստանի Հանրապետության ֆինանսների նախարարության հետ համաձայնեցնելով, հաստատել ՀԱԷԿ-ի հաստիքացուցակը` ըստ նորմատիվային թվաքանակի:

3. Անվճար հատուկ սննդի համար նախատեսված ցանկի համաձայն ՀԱԷԿ-ի յուրաքանչյուր աշխատողին օրական հատկացնել միջին հաշվով 50 դրամ:

4. Սահմանել, որ`

ա) մինչև ՀԱԷԿ-ի գործարկումը պաշտոնային դրույքաչափերը և ժամային տարիֆային դրույքները ենթակա են ինդեքսավորման բյուջետային հիմնարկների համար սահմանված կարգով.

բ) հատուկ սննդի համար հատկացվող գումարները ենթակա են ինդեքսավորման Հայաստանի Հանրապետության կառավարության կողմից` Հայաստանի Հանրապետության ֆինանսների նախարարության ներկայացմամբ:

5. Հայաստանի Հանրապետության առողջապահության նախարարությանը` Մեծամորի թիվ 130 բուժսանմասը և դեղատունը առաջնահերթ ապահովել ժամանակակից բուժսարքավորումներով և անհրաժեշտ դեղամիջոցներով:

6. ՀՀ կառավարության մարդասիրական օգնության կենտրոնական հանձնաժողովին` հանրապետություն մուտք գործող մարդասիրական օգնությունից հատկացումներ կատարել ՀԱԷԿ-ի վերագործարկման աշխատանքների հետ կապված աշխատողներին, «Հայատոմէներգո» վարչության ներկայացրած հայտին համապատասխան:

7. Հայաստանի Հանրապետության էներգետիկայի և վառելիքի նախարարությանը, ֆինանսների նախարարությանը` ապահովել ՀԱԷԿ-ի «Բուժական» հանգստյան տան նորոգման աշխատանքների ավարտը 1994 թվականի 3-րդ եռամսյակում:

8. Հայաստանի Հանրապետության էկոնոմիկայի նախարարությանը, ֆինանսների նախարարությանն ու էներգետիկայի և վառելիքի նախարարությանը` քննության առնել և լուծել Մեծամոր քաղաքի անավարտ շինարարության երեք շենքերի շինարարության և մարզահամալիրի նորոգման հարցը:

9. Թույլատրել Հայաստանի Հանրապետության էներգետիկայի և վառելիքի նախարարությանն ու առևտրի նախարարությանը Հայաստանի Հանրապետության ֆինանսների նախարարության հետ համաձայնեցնելով, ՀԱԷԿ-ին հատկացված ժամանակավորապես ազատ ֆինանսական ռեսուրսների հաշվին ձեռք բերել սննդամթերք և յուրաքանչյուր ամիս իրացնել ՀԱԷԿ-ի աշխատողներին, համաձայն հավելվածի:

10. Հայաստանի Հանրապետության պարենի և մթերումների նախարարությանը` ապահովել Մեծամոր քաղաքը և ՀԱԷԿ-ի աշխատողներին ալյուրով և հացով:

11. Ուժը կորցրած ճանաչել Հայաստանի Հանրապետության կառավարության 1993 թվականի հունիսի 8-ի «Հայաստանի ատոմային էլեկտրակայանի աշխատողների վարձատրության համակարգի և սոցիալական ապահովության հարցերի մասին» թիվ 296 որոշումը:

 

ՀԱՎԵԼՎԱԾ

ՀՀ ԿԱՌԱՎԱՐՈՒԹՅԱՆ 1994 Թ.

ՄԱՐՏԻ 30-Ի ԹԻՎ 142 ՈՐՈՇՄԱՆ

 

Ց Ո Ւ Ց Ա Կ

 

ՀԱԷԿ-Ի ԱՇԽԱՏՈՂՆԵՐԻՆ ԱՄԵՆԱՄՍՅԱ ԻՐԱՑՎՈՂ ՍՆՆԴԱՄԹԵՐՔԻ

 

_________________________________________________________________________

Անվանումը               |              Քանակը (կգ)

|

__________________________________________________________________________

                   1                                       2

__________________________________________________________________________

         Բրինձ                                             1

 

         Ձեթ                                               0,5

 

         Շաքարավազ                                         1

 

         Ալյուր                                            2

 

         Կարագ                                             1

 

 

pin
ՀՀ կառավարություն
30.03.1994
N 142
Որոշում