Սեղմել Esc փակելու համար:
«ՀՀ ՇԻՐԱԿԻ ՄԱՐԶՊԵՏԱՐԱՆԻ ԱՇԽԱՏԱԿԱԶՄ» Պ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Վավերացման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

«ՀՀ ՇԻՐԱԿԻ ՄԱՐԶՊԵՏԱՐԱՆԻ ԱՇԽԱՏԱԿԱԶՄ» ՊԵՏԱԿԱՆ ԿԱՌԱՎԱՐՉԱԿԱՆ ՀԻՄՆԱՐԿ ՍՏԵՂԾԵԼՈՒ, ՇԻՐԱ ...

 

 

040.1792.211102

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

 

«21» նոյեմբերի 2002 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

19 սեպտեմբերի 2002 թվականի N 1792-Ն

 

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇԻՐԱԿԻ ՄԱՐԶՊԵՏԱՐԱՆԻ ԱՇԽԱՏԱԿԱԶՄ» ՊԵՏԱԿԱՆ ԿԱՌԱՎԱՐՉԱԿԱՆ ՀԻՄՆԱՐԿ ՍՏԵՂԾԵԼՈՒ, ՇԻՐԱԿԻ ՄԱՐԶՊԵՏԱՐԱՆԻ ԿԱՆՈՆԱԴՐՈՒԹՅՈՒՆԸ ԵՎ ԱՇԽԱՏԱԿԱԶՄԻ ԿԱՌՈՒՑՎԱԾՔԸ ՀԱՍՏԱՏԵԼՈՒ ՄԱՍԻՆ

 

«Պետական կառավարչական հիմնարկների մասին» Հայաստանի Հանրապետության օրենքի 11-րդ հոդվածին և Հայաստանի Հանրապետության Նախագահի 1997 թվականի մայիսի 6-ի «Հայաստանի Հանրապետության մարզերում պետական կառավարման մասին» ՆՀ-728 հրամանագրի 1.7-րդ կետին համապատասխան` Հայաստանի Հանրապետության կառավարությունը որոշում է.

1. Ստեղծել «Հայաստանի Հանրապետության Շիրակի մարզպետարանի աշխատակազմ» պետական կառավարչական հիմնարկ:

2. «Սոցիալական ծառայության Գյումրի-1 տարածքային կենտրոն», «Սոցիալական ծառայության Գյումրի-2 տարածքային կենտրոն», «Սոցիալական ծառայության Ախուրյանի տարածքային կենտրոն», «Սոցիալական ծառայության Ամասիայի տարածքային կենտրոն», «Սոցիալական ծառայության Աշոցքի տարածքային կենտրոն», «Սոցիալական ծառայության Արթիկի տարածքային կենտրոն» և «Սոցիալական ծառայության Մարալիկի տարածքային կենտրոն» պետական հիմնարկները վերակազմավորման ձևով վերակազմակերպել Հայաստանի Հանրապետության Շիրակի մարզպետարանի աշխատակազմի Գյումրի-1 սոցիալական աջակցության տարածքային գործակալության, Գյումրի-2 սոցիալական աջակցության տարածքային գործակալության, Ախուրյանի սոցիալական աջակցության տարածքային գործակալության, Ամասիայի սոցիալական աջակցության տարածքային գործակալության, Աշոցքի սոցիալական աջակցության տարածքային գործակալության, Արթիկի սոցիալական աջակցության տարածքային գործակալության և Մարալիկի սոցիալական աջակցության տարածքային գործակալության` հիմնարկի առանձնացված ստորաբաժանումների կարգավիճակով:

(2-րդ կետը փոփ. 04.06.15 թիվ 582-Ն որոշում)

3. Հաստատել`

ա) Հայաստանի Հանրապետության Շիրակի մարզպետարանի կանոնադրությունը` համաձայն N 1 հավելվածի.

բ) Հայաստանի Հանրապետության Շիրակի մարզպետարանի աշխատակազմի կառուցվածքը` համաձայն N 2 հավելվածի.

գ) Հայաստանի Հանրապետության Շիրակի մարզպետարանի աշխատակազմին հանձնվող գույքի կազմը և չափը` համաձայն N 3 հավելվածի:

4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

(որոշումը փոփ. 29.12.05 թիվ 2337-Ն որոշում)

 

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2002 ԹՎԱԿԱՆԻ ՆՈՅԵՄԲԵՐԻ 14-ԻՆ

 

Հավելված N 1

Հայաստանի Հանրապետության

կառավարության 2002 թվականի

սեպտեմբերի 19-ի N 1792-Ն որոշման

 

ԿԱՆՈՆԱԴՐՈՒԹՅՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇԻՐԱԿԻ ՄԱՐԶՊԵՏԱՐԱՆԻ

 

1. ԸՆԴՀԱՆՈՒՐ ԴՐՈՒՅԹՆԵՐ

 

1. Հայաստանի Հանրապետության Շիրակի մարզպետը (այսուհետ` մարզպետ) Հայաստանի Հանրապետության Շիրակի մարզպետարանի (այսուհետ` մարզպետարան) միջոցով մարզում իրականացնում է պետական կառավարում, իրագործում է Հայաստանի Հանրապետության կառավարության տարածքային քաղաքականությունը, համակարգում է հանրապետական գործադիր մարմինների տարածքային ծառայությունների գործունեությունը:

2. Մարզպետարանն իր գործունեությունն իրականացնում է Հայաստանի Հանրապետության օրենսդրությանը և այլ իրավական ակտերին համապատասխան:

3. Մարզպետարանը կազմված է մարզպետից և մարզպետարանի աշխատակազմից: Մարզպետարանի համակարգում ընդգրկվում են պետական ոչ առևտրային կազմակերպություններ, հիմնարկներ և մարզային ենթակայության այլ կազմակերպություններ:

 

2. ՄԱՐԶՊԵՏԱՐԱՆԻ ԱՇԽԱՏԱԿԱԶՄԸ

 

4. Մարզպետարանի աշխատակազմն իրավաբանական անձի կարգավիճակ չունեցող պետական կառավարչական հիմնարկ է, որը Հայաստանի Հանրապետության օրենսդրությամբ սահմանված կարգով ենթակա է հաշվառման իրավաբանական անձանց գրանցում իրականացնող մարմնի կողմից:

5. Մարզպետարանի աշխատակազմի նպատակն ու խնդիրը մարզպետի` Հայաստանի Հանրապետության օրենքներով, այլ իրավական ակտերով վերապահված լիազորությունների լիարժեք և արդյունավետ իրականացման ապահովումն է, ինչպես նաև քաղաքացիական իրավահարաբերություններին մարզպետի մասնակցությունը:

6. Մարզպետարանի աշխատակազմը գործում է Հայաստանի Հանրապետության օրենքների ու այլ իրավական ակտերի, Հայաստանի Հանրապետության միջազգային պայմանագրերի և սույն կանոնադրության հիման վրա:

7. Մարզպետարանի աշխատակազմն իր իրավասության սահմաններում Հայաստանի Հանրապետության անունից կարող է ձեռք բերել ու իրականացնել գույքային և անձնական ոչ գույքային իրավունքներ, կրել պարտականություններ, դատարանում հանդես գալ որպես հայցվոր կամ պատասխանող:

8. Մարզպետարանի աշխատակազմն ունի Հայաստանի Հանրապետության զինանշանի պատկերով և իր` հայերեն անվանմամբ կլոր կնիք, ձևաթղթեր, խորհրդանիշ և այլ անհատականացման միջոցներ:

9. Մարզպետարանի աշխատակազմն ունի ինքնուրույն հաշվեկշիռ:

10. Մարզպետարանի աշխատակազմը չի կարող իրականացնել ձեռնարկատիրական գործունեություն: Մարզպետարանի աշխատակազմի կատարած գործառնությունների և մատուցած ծառայությունների համար կարող է գանձվել միայն պետական տուրք` օրենքով սահմանված չափով և կարգով:

11. Մարզպետարանի աշխատակազմն իր ֆինանսական գործառնություններն իրականացնում է գանձապետական համակարգի միջոցով: Մարզպետարանի աշխատակազմի պահպանման կարիքների համար, ինչպես նաև մարզպետի լիազորությանը վերապահված բյուջետային ծրագրերի շրջանակներում գնումները կատարվում են «Գնումների մասին» Հայաստանի Հանրապետության օրենքով սահմանված կարգով:

12. Մարզպետարանի աշխատակազմի պարտավորությունների համար պատասխանատվությունը կրում է Հայաստանի Հանրապետությունը:

13. Մարզպետարանի աշխատակազմի անվանումն է` Հայաստանի Հանրապետության Շիրակի մարզպետարանի աշխատակազմ:

14. Մարզպետարանի աշխատակազմի գտնվելու վայրն է` քաղ. Գյումրի, Գարեգին Նժդեհի 16:

 

3. ՄԱՐԶՊԵՏԱՐԱՆԻ ԱՇԽԱՏԱԿԱԶՄԻ ԿԱՌԱՎԱՐՈՒՄԸ

 

15. Մարզպետարանի աշխատակազմի կառավարումն իրականացնում է Հայաստանի Հանրապետության կառավարությունն ու մարզպետը` օրենքով, այլ իրավական ակտերով և սույն կանոնադրությամբ իրեն վերապահված լիազորությունների սահմաններում: Մարզպետարանի աշխատակազմի ղեկավարումն իրականացնում է մարզպետարանի աշխատակազմի ղեկավարը:

16. Մարզպետն ունի տեղակալ (տեղակալներ), որը`

ա) համակարգում է մարզպետարանի աշխատանքները` մարզպետի կողմից իրականացվող քաղաքականության` իրեն հանձնարարված բնագավառում.

բ) իր լիազորությունների սահմաններում համակարգում է մարզպետին վերապահված բնագավառում քաղաքականության ապահովման համար անհրաժեշտ` մարզպետարանի աշխատակազմի կառուցվածքային ստորաբաժանումների միջոցով իրականացվող աշխատանքները` տալով ցուցումներ և հանձնարարականներ.

գ) մարզպետարանի աշխատակազմի նպատակներին և խնդիրներին համապատասխան իրականացնում է իրեն հանձնարարված բնագավառի` մարզպետարանի աշխատակազմի ստորաբաժանումներին կոնկրետ հանձնարարականների ու առաջադրանքների սահմանում, դրանց կատարման վերահսկողություն.

դ) մարզպետի հանձնարարությամբ իրականացնում է մարզպետի մոտ քննարկվելիք հարցերի նախնական քննարկումները.

ե) համակարգում է իրեն հանձնարարված բնագավառներում մարզպետարանի աշխատակազմի ստորաբաժանումների կողմից իրականացվող աշխատանքների մասնագիտական ուսումնասիրությունները և աշխատանքների ընթացքի օպերատիվ վերլուծությունը.

զ) իր լիազորությունների սահմաններում համագործակցում է պետական կառավարման և այլ մարմինների, կազմակերպությունների ու հիմնարկների հետ.

է) իրեն հանձնարարված բնագավառներում համակարգում է համապատասխան զարգացման ծրագրերի մշակումը և իրականացումը.

ը) մարզպետին պարբերաբար ներկայացնում է տեղեկատվություն իր կողմից համակարգվող բնագավառներում տիրող իրավիճակի մասին.

թ) ապահովում է իր կողմից համակարգվող բնագավառներում մարզպետի կարգադրությունների և որոշումների կատարման նկատմամբ վերահսկողությունը և արդյունքների մասին տեղեկացնում մարզպետին.

ժ) մարզպետին և աշխատակազմի ղեկավարին ներկայացնում է առաջարկություններ նրանց իրավասությանը վերապահված հարցերի վերաբերյալ.

ժա) մարզպետի հանձնարարությամբ իրականացնում է այլ գործառույթներ:

17. Մարզպետն ունի երկու խորհրդականներ և երկու օգնականներ, որոնց միջև պարտականությունների բաշխումը կատարում է մարզպետը: Մարզպետի խորհրդականներին և օգնականներին պաշտոնի նշանակում և պաշտոնից ազատում է մարզպետը:

(17-րդ կետը փոփ. 01.06.06 թիվ 742-Ն որոշում)

18. Հայաստանի Հանրապետության կառավարությունը`

ա) վերակազմակերպում և դադարեցնում է մարզպետարանի աշխատակազմի գործունեությունը.

բ) հաստատում է մարզպետարանի կանոնադրությունն ու դրանում կատարվող փոփոխությունները.

գ) որոշում է մարզպետարանի աշխատակազմին հանձնվող գույքի կազմը և չափը.

դ) հաստատում է մարզպետարանի աշխատակազմի կառուցվածքը.

ե) իրականացնում է Հայաստանի Հանրապետության Սահմանադրությամբ և օրենքով իրեն վերապահված այլ լիազորություններ:

19. Մարզպետարանի աշխատակազմի ղեկավարն օրենքով, այլ իրավական ակտերով, մարզպետի որոշումներով և սույն կանոնադրությամբ իրեն վերապահված լիազորությունների սահմաններում ղեկավարում է մարզպետարանի աշխատակազմի ընթացիկ գործունեությունն ու կրում պատասխանատվություն օրենքների, այլ իրավական ակտերի, Հայաստանի Հանրապետության կառավարության և մարզպետի որոշումների, սույն կանոնադրության պահանջները չկատարելու կամ ոչ պատշաճ կատարելու համար:

20. Մարզպետարանի աշխատակազմի ղեկավարն օրենքով սահմանված կարգով գույքային պատասխանատվություն է կրում իր մեղքով պետությանը պատճառված գույքային վնասի համար: Մարզպետարանի աշխատակազմի ղեկավարի լիազորությունների դադարեցումը հիմք չէ պատճառված նյութական վնասը հատուցելու պարտականությունները չկատարելու համար:

21. Մարզպետարանի աշխատակազմի ղեկավարը պարտավոր է չկատարել հիմնադրի, մարզպետի` Հայաստանի Հանրապետության օրենսդրությանը հակասող որոշումներն ու կարգադրությունները:

22. Մարզպետարանի աշխատակազմի ղեկավարի բացակայության կամ պաշտոնական պարտականությունների կատարման անհնարինության դեպքում նրան փոխարինում է նրա տեղակալը, կամ օրենքով նախատեսված դեպքերում` այլ պաշտոնատար անձ` մարզպետի որոշմամբ:

23. Մարզպետարանի աշխատակազմի ղեկավարը`

ա) իր իրավասության սահմաններում, առանց լիազորագրի, հանդես է գալիս Հայաստանի Հանրապետության անունից և ներկայացնում նրա շահերը, իր լիազորությունների սահմաններում դատարանում հանդես է գալիս որպես հայցվոր կամ պատասխանող, տալիս է լիազորագրեր` դատարանում գործը վարելու և դատավարական այլ գործողություններ իրականացնելու համար.

բ) օրենքով, այլ իրավական ակտերով հիմնադրի և սույն կանոնադրություններով սահմանված կարգով տնօրինում է մարզպետարանի աշխատակազմին ամրացված պետական գույքը, այդ թվում` ֆինանսական միջոցները.

գ) իր իրավասության սահմաններում տալիս է Հայաստանի Հանրապետության անունից հանդես գալու լիազորագրեր, այդ թվում` նաև վերալիազորման իրավունքով լիազորագրեր.

գ.1) ապահովում է աշխատակազմում քաղաքացիական ծառայության մասին Հայաստանի Հանրապետության օրենսդրությանը և այլ իրավական ակտերին համապատասխան` անձնակազմի կառավարման հետ կապված գործառույթների իրականացումը.

դ) օրենքով և սույն կանոնադրությամբ նախատեսված իր լիազորությունների սահմաններում աշխատանքի նշանակում և աշխատանքից ազատում է մարզպետարանի աշխատակազմի աշխատողներին, նրանց նկատմամբ կիրառում խրախուսանքի և կարգապահական տույժի միջոցներ.

ե) օրենքով, այլ իրավական ակտերով և սույն կանոնադրությամբ սահմանված իր լիազորությունների սահմաններում արձակում է հրամաններ, տալիս պարտադիր կատարման ցուցումներ.

ե.1) մարզպետարանի աշխատակազմի գլխավոր ֆինանսիստն է.

զ) մարզպետի հաստատմանն է ներկայացնում մարզպետարանի աշխատակազմի տարեկան հաշվետվությունները և տարեկան հաշվեկշիռը, այդ թվում` ապահովում է մարզպետարանի աշխատակազմի հաշվապահական հաշվառում վարելը, ֆինանսական հաշվետվություններ կազմելը և ներկայացնելը, ինչպես նաև մարզպետարանի աշխատակազմի տարեկան պահպանման ծախսերի նախահաշիվը, դրա կատարողականը, տարեկան ֆինանսական հաշվետվությունները և տարեկան հաշվեկշիռը, միջոցներ է ձեռնարկում ստուգումների արդյունքում հայտնաբերված ֆինանսական խախտումների վերացման համար.

է) մարզպետին ներկայացնում է առաջարկություններ մարզպետարանի աշխատակազմի գործունեության հիմնական ուղղությունների վերաբերյալ.

ը) կազմակերպում է մարզպետարանի բյուջեի նախագծի նախապատրաստական աշխատանքները և ապահովում բյուջետային միջոցների ծախսերի կատարումը.

թ) կազմակերպում է մարզպետարանում քննարկումների և խորհրդակցությունների անցկացումը.

ժ) վերահսկում է մարզպետարանի աշխատակազմի կողմից` սահմանված ժամկետներում աշխատանքների կատարման ընթացքը.

ժա) մարզպետի ստորագրությանն է ներկայացնում մարզպետի որոշումների և կարգադրությունների նախագծերը.

ժբ) ապահովում է համագործակցությունը Հայաստանի Հանրապետության պետական իշխանության մարմինների աշխատակազմերի հետ.

ժգ) կազմակերպում է մարզպետարանում գործավարության և տեխնիկական սպասարկման աշխատանքները.

ժդ) իրականացնում է օրենքով, այլ իրավական ակտերով և սույն կանոնադրությամբ նախատեսված այլ լիազորություններ:

(23-րդ կետը փոփ. 07.12.06 թիվ 1751-Ն, 10.12.09 թիվ 1424-Ն որոշումներ)

24. Մարզպետարանի աշխատակազմի գլխավոր ֆինանսիստը ղեկավարում է մարզպետարանի աշխատակազմի ֆինանսական ու հաշվապահական ծառայությունները, գործում է մարզպետի անմիջական ղեկավարությամբ և իրականացնում «Գանձապետական համակարգի մասին» Հայաստանի Հանրապետության օրենքով իր վրա դրված լիազորությունները:

(24-րդ կետը փոփ. 10.12.09 թիվ 1424-Ն որոշում)

25. Մարզպետարանի աշխատակազմի գլխավոր ֆինանսիստը պատասխանատու է հաշվապահական հաշվառումը վարելու, մարզպետարանի աշխատակազմի ֆինանսական (բյուջետային), հարկային, վիճակագրական, պարտադիր վճարների մասին հաշվետվությունները ժամանակին կազմելու համար:

 

4. ՄԱՐԶՊԵՏԱՐԱՆԻ ԱՇԽԱՏԱԿԱԶՄԻ ԳՈՒՅՔԸ

 

26. Մարզպետարանի աշխատակազմի գույքը ձևավորվում է օրենքով սահմանված կարգով` Հայաստանի Հանրապետության կառավարության կողմից, ինչպես նաև Հայաստանի Հանրապետության անունից մարզպետարանի աշխատակազմի կնքած գործարքների միջոցով ձեռք բերված և աշխատակազմի տիրապետմանը, տնօրինմանը և օգտագործմանը հանձնված (ամրացված) գույքից (ներառյալ գույքային իրավունքները), որը հաշվառվում է նրա հաշվեկշռում:

Հայաստանի Հանրապետության կառավարության որոշմամբ մարզպետարանի աշխատակազմին կարող է վերապահվել նաև պետական բաժնետոմսերի կամ բաժնեմասերի տիրապետման իրավասություն:

27. Հայաստանի Հանրապետության կառավարությունն իրավունք ունի ցանկացած ժամանակ վերցնելու մարզպետարանի աշխատակազմի գույքը:

28. Մարզպետարանի աշխատակազմն իրավունք ունի օրենքով, այլ իրավական ակտերով և իր կանոնադրությամբ նախատեսված դեպքերում և կարգով, իր գործունեության նպատակներին ու գույքի նշանակությանը համապատասխան օգտագործելու, տիրապետելու և տնօրինելու իրեն հանձնված գույքը:

 

5. ՄԱՐԶՊԵՏԱՐԱՆԻ ԱՇԽԱՏԱԿԱԶՄԻ ԿԱՌՈՒՑՎԱԾՔԸ

 

29. Մարզպետարանի աշխատակազմի կառուցվածքում ներառվում են նրա կառուցվածքային ստորաբաժանումները (վարչություններ, քարտուղարություն, բաժիններ) և առանձնացված ստորաբաժանումները:

30. Մարզպետարանի աշխատակազմի կառուցվածքային և առանձնացված ստորաբաժանումների կանոնադրությունները հաստատվում են մարզպետի կողմից:

 

6. ՀԱՇՎԱՊԱՀԱԿԱՆ ՀԱՇՎԱՌՈՒՄԸ ԵՎ ՀԱՇՎԵՏՎՈՒԹՅՈՒՆՆԵՐԸ

 

31. Մարզպետարանի աշխատակազմը Հայաստանի Հանրապետության օրենսդրությամբ սահմանված կարգով վարում է հաշվապահական հաշվառում և համապատասխան մարմիններ է ներկայացնում ֆինանսական, հարկային, մաքսային, պարտադիր վճարների, վիճակագրական հաշվետվություններ, հաշվարկներ, հայտարարագրեր:

32. Մարզպետարանի աշխատակազմի գործունեության տարեկան ֆինանսական հաշվետվությունների հավաստիությունը կարող է ենթարկվել աուդիտի (վերստուգման)` Հայաստանի Հանրապետության կառավարության սահմանած կարգով:

 

7. ՄԱՐԶՊԵՏԱՐԱՆԻ ԱՇԽԱՏԱԿԱԶՄԻ ՎԵՐԱԿԱԶՄԱԿԵՐՊՈՒՄԸ ԵՎ ԳՈՐԾՈՒՆԵՈՒԹՅԱՆ ԴԱԴԱՐՈՒՄԸ

 

33. Մարզպետարանի աշխատակազմի վերակազմակերպման և նրա գործունեության դադարման կարգն ու պայմանները սահմանվում են օրենքով:

 

Հավելված N 2

Հայաստանի Հանրապետության

կառավարության 2002 թվականի

սեպտեմբերի 19-ի N 1792-Ն որոշման

 

ԿԱՌՈՒՑՎԱԾՔ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇԻՐԱԿԻ ՄԱՐԶՊԵՏԱՐԱՆԻ ԱՇԽԱՏԱԿԱԶՄԻ

 

I. Կառուցվածքային ստորաբաժանումներ

 

1. Վարչություններ

Ֆինանսական և սոցիալ-տնտեսական զարգացման վարչություն

Քաղաքաշինության վարչություն

Գյուղատնտեսության և բնապահպանության վարչություն

Կրթության, մշակույթի և սպորտի վարչություն

Առողջապահության և սոցիալական ապահովության վարչություն

Տեղական ինքնակառավարման և հանրապետական գործադիր մարմինների հարցերով վարչություն

 

2. Քարտուղարություն

 

3. Բաժիններ

Իրավաբանական բաժին
Զարգացման ծրագրերի, զբոսաշրջության և վերլուծության բաժին Հողաշինության և հողօգտագործման բաժին - մարզային հողային պետական տեսչություն Ընտանիքի, կանանց և երեխաների իրավունքների պաշտպանության բաժին Անձնակազմի կառավարման բաժին Տեղեկատվության և հասարակայնության հետ կապերի բաժին Զորահավաքային նախապատրաստության բաժին

 

II. Առանձնացված ստորաբաժանումներ

 

Ախուրյանի սոցիալական աջակցության տարածքային գործակալություն

Ամասիայի սոցիալական աջակցության տարածքային գործակալություն

Աշոցքի սոցիալական աջակցության տարածքային գործակալություն

Արթիկի սոցիալական աջակցության տարածքային գործակալություն

Մարալիկի սոցիալական աջակցության տարածքային գործակալություն

 

(կառուցվածքը փոփ. 23.06.05 թիվ 980-Ն, 27.10.05 թիվ 1833-Ն, 29.06.06 թիվ 928-Ն, 07.12.06 թիվ 1751-Ն, 20.09.07 թիվ 1083-Ն, 02.04.09 թիվ 329-Ն, 10.06.10 թիվ 718-Ն, 29.03.12 թիվ 365-Ն, 06.02.14 թիվ 105-Ն, 04.06.15 թիվ 582-Ն, 05.10.17 թիվ 1233-Ն, 09.01.2020 թիվ 11-Ն որոշումներ)

 

Հավելված N 3

Հայաստանի Հանրապետության

կառավարության 2002 թվականի

սեպտեմբերի 19-ի N 1792-Ն որոշման

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇԻՐԱԿԻ ՄԱՐԶՊԵՏԱՐԱՆԻ ԱՇԽԱՏԱԿԱԶՄԻՆ ՀԱՆՁՆՎՈՂ ԳՈՒՅՔԻ ԿԱԶՄԻ ԵՎ ՉԱՓԻ ՄԱՍԻՆ

 

._______________________________________________________________.

| NN |           Գույքի անվանումը          |Քանակը|Հաշվեկշռային |

|ը/կ |                                     |      |արժեքը (դրամ)|

|____|_____________________________________|______|_____________|

| 1  |                  2                  |3     | 4           |

|____|_____________________________________|______|_____________|

| 1. |«Վան» հյուրատան քարից տնակներ        | 3    |  1187230    |

| 2. |Գորգ «Էրեբունի»                      | 3    |    60013    |

| 3. |Գորգ «Էրեբունի»                      | 2    |    69246    |

| 4. |Գորգ «Էրեբունի»                      | 1    |    79592    |

| 5. |Գորգ «Էրեբունի»                      | 1    |    33471    |

| 6. |Գորգ «Էրեբունի»                      | 2    |    76600    |

| 7. |Գորգ 2,5x3,5                         | 3    |   197658    |

| 8. |Գորգ                                 | 7    |   115256    |

| 9. |Գորգ` փոքր                           | 3    |   103869    |

|10. |Գորգ                                 | 1    |   100022    |

|11. |Նախասրահի կահույք                    | 1    |    47472    |

|12. |Ննջասենյակի կահույք 1/3              | 1    |    41162    |

|13. |Ննջասենյակի կահույք  1/2             | 2    |   120641    |

|14. |Ննջասենյակի կահույք 1/4              | 1    |    47471    |

|15. |Նախասրահի կահույք (փափուկ կահույք)   | 2    |    42163    |

|16. |Նախասրահի կահույք (փափուկ կահույք)   | 1    |   104253    |

|17. |Նախասրահի կահույք (փափուկ կահույք)   | 3    |    84249    |

|    |1/2                                  |      |             |

|18. |Նախասրահի կահույք (փափուկ կահույք)   | 3    |    35777    |

|19. |Կահույք «Մեչտա» 1/6                  | 1    |    51984    |

|20. |Կահույք «Մեչտա» 1/7                  | 5    |   277368    |

|21. |Կահույք ճաշասենյակի  (թագավորական)   | 1    |   183501    |

|22. |Կահույք ննջասենյակի  (թագավորական)   | 1    |   124642    |

|23. |Խոլ ԳՃՕ                              | 3    |    75016    |

|24. |Եռահայելի (տրիլյաժ)                  | 1    |     7309    |

|25. |Կահույքի լրակազմ                     | 1    |    36400    |

|26. |Կահույքի լրակազմ                     | 1    |    16600    |

|27. |Կահույք պատ                          | 1    |    68900    |

|28. |Փափուկ կահույք                       | 1    |   287387    |

|29. |Գրասեղան` հատուկ                     | 1    |    83975    |

|30. |Գրասեղան` դիմադիրով                  | 1    |    88877    |

|31. |Գրասեղան` դիմադիրով                  | 1    |    37000    |

|32. |Գրասեղան` 2 դարակաշարով              | 1    |    11940    |

|33. |Գրասեղան` սովորական                  | 1    |    17690    |

|34. |Գրասեղան` 4 կտորից                   | 1    |    38500    |

|35. |Գրասեղան` հատուկ                     | 1    |    28300    |

|36. |Գրասեղան` հատուկ                     | 1    |    29000    |

|37. |Գրասեղան` հատուկ                     | 2    |    61722    |

|38. |Գրասեղան` 2 դարակաշարով              | 1    |    21270    |

|39. |Գրասեղան` դիմադիրով                  | 1    |    21100    |

|40. |Գրասեղան` հատուկ                     | 1    |    35700    |

|41. |Գրասեղան` հատուկ                     | 1    |    44200    |

|42. |Գրասեղան` հատուկ դիմադիրով           | 1    |    30861    |

|43. |Գրասեղան` հատուկ դիմադիրով           | 2    |    40700    |

|44. |Գրասեղան` 2 դարակաշարով              | 1    |    20350    |

|45. |Գրասեղան` հատուկ                     | 1    |    21756    |

|46. |Գրասեղան` դիմադիրով                  | 1    |    30914    |

|47. |Գրասեղան հատուկ դիմադիրով            | 1    |    30991    |

|48. |Գրասեղան` 2 դարակաշարով              | 1    |    21100    |

|49. |Դիմադիր սեղան                        | 1    |    47358    |

|50. |Դիմադիր սեղան                        | 2    |    70070    |

|51. |Նիստերի սեղան, ամբիոն                | 1    |    35035    |

|52. |Բազկաթոռ                             | 1    |    12081    |

|53. |Երկաթյա պահարան                      | 2    |    53900    |

|54. |Երկաթյա պահարան                      | 1    |     9465    |

|55. |Երկաթյա պահարան                      | 1    |    21200    |

|56. |Գրապահարան                           | 1    |    12900    |

|57. |Գրապահարան                           | 3    |    16200    |

|58. |Գրապահարան                           | 1    |     6500    |

|59. |Գրապահարան                           | 1    |    36435    |

|60. |Գրապահարան                           | 1    |    26400    |

|61. |Գրապահարան                           | 1    |    22400    |

|62. |Գրապահարան                           | 2    |    48978    |

|63. |Գրապահարան                           | 1    |    63700    |

|64. |Պատի պահարան                         | 1    |   162000    |

|65. |Զգեստապահարան                        | 1    |    39200    |

|66. |Զգեստապահարան                        | 3    |    38700    |

|67. |Պահարան մատուցողի                    | 2    |    29375    |

|68. |Տպագրական մեքենա` հայերեն            | 1    |    23850    |

|69. |Տպագրական մեքենա` ռուսերեն           | 1    |    23850    |

|70. |Տպագրական մեքենա` հայերեն            | 1    |    37200    |

|71. |Տպագրական մեքենա` հայերեն            | 1    |    23600    |

|72. |Տպագրական մեքենա` հայերեն            | 1    |    37000    |

|73. |Տպագրական մեքենա (Յատրան)            | 1    |    49524    |

|74. |Տպագրական մեքենա (Յատրան)            | 1    |    22500    |

|75. |Տպագրական մեքենա` հայերեն            | 3    |    42068    |

|76. |Տպագրական մեքենա` ռուսերեն           | 1    |    13466    |

|77. |Տպագրական մեքենա` հայերեն            | 1    |    57800    |

|78. |Էլ. սալիկ 2 տեղ.                     | 1    |     8309    |

|79. |Լվացարան` 2 տեղանի                   | 1    |     7694    |

|80. |Ջահ                                  | 2    |    42530    |

|81. |Ջահ` բյուրեղապակյա                   | 14   |   204660    |

|82. |Ջահ` բյուրեղապակյա                   | 3    |    46625    |

|83. |Զինանշան                             | 1    |    42223    |

|84. |Զինանշան                             | 1    |    42000    |

|85. |Բազմոց-բազկաթոռի լրակազմ             | 1    |    36735    |

|86. |Սառնարան «Սնեժինկա»                  | 4    |    47702    |

|87. |Սառնարան «Ապշերոն»                   | 1    |    10381    |

|88. |Սառնարան                             | 4    |   292372    |

|89. |Սառնարան (Սարատով-1225M)N12459       | 1    |   120988    |

|90. |Սառնարան` ճաշարանի                   | 1    |    20100    |

|91. |Վաճառասեղան-սառնարան                 | 1    |    35882    |

|92. |Հեռուստացույց «Գորիզոնտ»             | 2    |    55396    |

|93. |Հեռուստացույց «Բերյոզա»              | 1    |    27698    |

|94. |Հեռուստացույց «Ռուբին»               | 1    |    53600    |

|95. |Փոշեծծիչ                             | 1    |     9766    |

|96. |Հեռախոս ԿՏ-151 /ներքին/              | 1    |    55404    |

|97. |Հեռախոսասարք                         | 1    |    70700    |

|98. |Ռադիոկայան /ռացիա/                   | 1    |   129122    |

|99. |Միացման սարք                         | 1    |    55556    |

|100.|Երկարացման սարք                      | 1    |    30000    |

|101.|Բազմացնող (ռոտատոր) մեքենա           | 1    |    33100    |

|102.|Սելեկտոր                             | 1    |   120000    |

|103.|Սելեկտոր                             | 1    |    72300    |

|104.|Սելեկտոր                             | 1    |   102000    |

|105.|Սելեկտոր                             | 1    |    33886    |

|106.|Սելեկտոր                             | 1    |    20113    |

|107.|Օդափոխիչ                             | 2    |   464084    |

|108.|Օդափոխիչ                             | 2    |    65300    |

|109.|Օդափոխիչ                             | 1    |    30954    |

|110.|Օդափոխիչ                             | 1    |             |

|111.|Համակարգիչ                           | 1    |   700014    |

|112.|Համակարգիչ                           | 1    |   103750    |

|113.|Տրանսֆորմատոր                        | 1    |    20750    |

|114.|Ֆաքս                                 | 1    |     7695    |

|115.|Պատճենահանման սարք «Canon» PC-6KE    | 1    |   126000    |

|116.|Համակարգիչ                           | 2    |   982975    |

|117.|Լազերային տպիչ                       | 1    |   415752    |

|118.|Zip Drive կամ համարժեք               | 1    |    60906    |

|119.|U P S-600                            | 2    |    96391    |

|120.|Autoswitches 2Pc-1prn                | 1    |     9533    |

|121.|Ֆաքսի հարթ թուղթ 9600 bod            | 1    |   140349    |

|122.|Ֆոտոտպիչներ A4 ֆորմատ (12 էջ րոպեում)| 1    |   423696    |

|123.|Ֆաքս «Մուրատա - 5»                   | 1    |   514800    |

|124.|Պատճենահանման սարք                   | 1    |  1404000    |

|125.|Համակարգիչ /Ռոբոտրոն/                | 1    |    65300    |

|126.|Համակարգիչ XI-DA-456 ԲՆ              | 1    |   504400    |

|127.|Համակարգիչ ՍՄՍ -1427X                | 1    |   312000    |

|128.|Հեռաֆաքս «Մուրատա-5 ԺՆ»              | 1    |   748800    |

|129.|Պատճենահանման սարք «XD -104          | 1    |   723600    |

|    |2957716248»                          |      |             |

|130.|Պատճենահանման սարք «Canon»           | 1    |   276200    |

|131.|Պատճենահանման սարք                   | 1    |   310000    |

|132.|Էլ. ջեռուցիչ                         | 12   |   212620    |

|133.|Էլ. ջեռուցիչ (կախովի)                | 1    |     2308    |

|134.|Էլ. հաշվիչ մեքենա                    | 1    |    45785    |

|135.|Էլ. հաշվիչ մեքենա                    | 1    |     6695    |

|136.|Հաշվիչ մեքենա                        | 2    |    28000    |

|137.|«Գազ 31-02»  ավտոմեքենա  038 ԼԼ - 10 | 1    |  1994590    |

|138.|«Հոնդայի-Պոնի»  ավտոմեքենա 426 ԼԼ -  | 1    |  3770000    |

|    |01                                   |      |             |

|139.|«Հոնդայի - Ակցետ» ավտոմեքենա  266 ԼԼ | 1    |  4800000    |

|    |- 01                                 |      |             |

|140.|«Գազ 24-10» ավտոմեքենա 205 ՏՍ - 45   | 1    |   207280    |

|141.|«Գազ 24-10» ավտոմեքենա               | 1    |   207280    |

|142.|«Գազ 24-10» ավտոմեքենա 37-18 ԱԴՎ     | 1    |    34000    |

|143.|«Վազ 21-21» ավտոմեքենա 258 ՏՍ - 46   | 1    |   702400    |

|144.|«Վազ 21-21» ավտոմեքենա 16-30 ԱԴՎ     | 1    |   702410    |

|145.|«Վազ 21-06» ավտոմեքենա 76-80 ԱԴՎ     | 1    |   638470    |

|146.|«Վազ 21-03» ավտոմեքենա 82-43 ԱԴՎ     | 1    |   647310    |

|147.|«Վազ 21-63» ավտոմեքենա 45-01 ԱԴՎ     | 1    |   649110    |

|148.|«ԻԺ 27-15»  ավտոմեքենա 25-97 ԱԴՎ     | 1    |   160000    |

|149.|«ԻԺ 27-15»  ավտոմեքենա 82-02 ԱԴՎ     | 1    |   427000    |

|150.|«ԻԺ 27-15»  ավտոմեքենա 88-93 ԱԴՎ     | 1    |   189400    |

|151.|«ԻԺ 27-15»  ավտոմեքենա 92-67 ԱԴՎ     | 1    |    32180    |

|152.|«ԻԺ 27-412»  ավտոմեքենա 35-39 ԱԴՎ    | 1    |    30840    |

|153.|«ՈՒԱԶ 31-512» ավտոմեքենա 37-31 ԱԴՎ   | 1    |  1150000    |

|154.|Շրջանառու միջոցներ                   |      |  7206272    |

|155.|Առողջապահության մասնաշենք փայտյա     | 1    |  1964990    |

|    |հավաքովի շինություն                  |      |             |

|156.|Առողջապահության մասնաշենք երկաթյա    | 1    |  2381730    |

|    |կոնստրուկցիաներով (հավաքովի          |      |             |

|    |շինություն)                          |      |             |

|157.|Ավստրիական երկհարկանի փայտյա տնակ    | 1    | 37000000    |

|    |(ժամանակավոր կացարան)                |      |             |

|158.|Փայտյա տնակ բնակելի տիպի             | 9    |  2700000    |

|    |(արտասահմանյան)                      |      |             |

|159.|«Լենինական» հյուրանոց (2-րդ հարկ)    | 1    |  8648000    |

|160.|«Վան» պանսիոնատ                      | 1    |  2702440    |

|161.|Շիրակի մարզի կիսակառույցներ          |      |143755440    |

|162.|Գյումրու պետական մանկավարժական քոլեջ | 1    | 26406400    |

|163.|Ճարտարագիտական համալսարանի նախկին    | 1    | 11183700    |

|    |հանրակացարանի շենք                   |      |             |

|164.|Հայկաձորի դպրոց                      | 1    |    89000    |

|165.|Աղինի դպրոց                          | 1    | 11008000    |

|166.|Մարզային ենթակայության ճանապարհներ   |      |149769600    |

|167.|(167-րդ տողը հանվել է 29.06.06 թիվ 928-Ն որոշում)         |

|168.|(168-րդ տողը հանվել է 29.06.06 թիվ 928-Ն որոշում)         |

|169.|Ախուրյանի սոցիալական ծառայությունների|      |  1549500    |

|    |տարածքային գործակալության գույք      |      |             |

|170.|Ամասիայի սոցիալական աջակցության      |      |  1885800    |

|    |տարածքային գործակալության գույք      |      |             |

|171.|Աշոցքի սոցիալական աջակցության        |      |  1976800    |

|    |տարածքային գործակալության գույք      |      |             |

|172.|Արթիկի սոցիալական աջակցության        |      |  2032600    |

|    |տարածքային գործակալության գույք      |      |             |

|173.|Մարալիկի սոցիալական աջակցության      |      |  1856800    |

|    |տարածքային գործակալության գույք      |      |             |

|174.|Ընդամենը                             |      |456659494    |

._______________________________________________________________.

 

(3-րդ հավելվածը փոփ. 04.06.15 թիվ 582-Ն որոշում)

 

 

pin
ՀՀ կառավարություն
19.09.2002
N 1792-Ն
Որոշում