040.1859.051202
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«5» դեկտեմբերի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
21 նոյեմբերի 2002 թվականի N 1859-Ա
i
«ԿԱՊԱՆԻ ԼԵՌՆԱՀԱՐՍՏԱՑՄԱՆ ԿՈՄԲԻՆԱՏ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԲԱԺՆԵՏՈՄՍԵՐԻ ՓՈԽԱՆՑՄԱՆ ՄԱՍԻՆ
Նկատի ունենալով Կապանի կենտրոնական և Շահումյանի բազմամետաղային հանքավայրերի համալիր շահագործման առանցքային նշանակությունը որպես տարածաշրջանի տնտեսական զարգացման և առկա սոցիալական հիմնախնդիրների լուծման կարևորագույն գործոն և հաշվի առնելով նշված հանքավայրերից ժամանակակից մեթոդների ու տեխնոլոգիաների կիրառմամբ արդյունավետ հանքարդյունահանում և վերամշակում ապահովելու նպատակով պահանջվող մեծածավալ ներդրումների իրականացման, ինչպես նաև «Կապանի լեռնահարստացման կոմբինատ» փակ բաժնետիրական ընկերության կենսունակության վերականգնման ուղղությամբ անհետաձգելի միջոցառումների ձեռնարկման անհրաժեշտությունը` Հայաստանի Հանրապետության կառավարությունը որոշում է.
1. Ընդունել «Կապանի լեռնահարստացման կոմբինատ» փակ բաժնետիրական ընկերության բաժնետոմսերը ձեռք բերելու վերաբերյալ շվեյցարական «Դենո» ընկերության առաջարկությունը` հաշվի առնելով, որ ընկերությունում ներգրավված անձնակազմի մեծ փորձը հանքարդյունաբերության ոլորտում և ֆինանսական ռեսուրսների առկայությունն ապահովում են անհրաժեշտ նախադրյալներ ընկերության կողմից ներկայացված ներդրումային ծրագիրն իրականացնելու համար:
2. Հայաստանի Հանրապետության առևտրի և տնտեսական զարգացման նախարարին` տասնօրյա ժամկետում նախապատրաստել և Հայաստանի Հանրապետության կառավարության անունից կնքել պայմանագիր` «Կապանի լեռնահարստացման կոմբինատ» փակ բաժնետիրական ընկերության 100 տոկոս պետական սեփականություն հանդիսացող բաժնետոմսերը սեփականության իրավունքով «Դենո» ընկերությանը փոխանցելու վերաբերյալ` պայմանագրում ներառելով հետևյալ հիմնական դրույթները`
2.1. «Դենո» ընկերության կողմից հետևյալ վճարումների իրականացում`
ա) փոխանցվող բաժնետոմսերի դիմաց` 1,250 միլիոն ԱՄՆ-ի դոլարին համարժեք դրամի չափով` հետևյալ ժամկետներում`
2003 թվականի հունիս ամսվա ընթացքում` 500 հազար ԱՄՆ-ի դոլարին համարժեք դրամի չափով,
2004 թվականի մայիս ամսվա ընթացքում` 250 հազար ԱՄՆ-ի դոլարին համարժեք դրամի չափով,
2004 թվականի սեպտեմբեր ամսվա ընթացքում` 500 հազար ԱՄՆ-ի դոլարին համարժեք դրամի չափով.
բ) «Կապանի լեռնահարստացման կոմբինատ» փակ բաժնետիրական ընկերության` Հայաստանի Հանրապետության պետական բյուջեի և Հայաստանի Հանրապետության սոցիալական ապահովագրության պետական հիմնադրամի նկատմամբ պարտքերի մարում` 750 հազար ԱՄՆ-ի դոլարին համարժեք դրամի չափով` հետևյալ ժամկետներում`
2003 թվականի մարտ ամսվա ընթացքում` 250 հազար ԱՄՆ-ի դոլարին համարժեք դրամի չափով,
2003 թվականի նոյեմբեր ամսվա ընթացքում` 500 հազար ԱՄՆ-ի դոլարին համարժեք դրամի չափով.
գ) «Կապանի լեռնահարստացման կոմբինատ» փակ բաժնետիրական ընկերությանը մատուցված էլեկտրաէներգիայի դիմաց առաջացած պարտքերի մարում «ՀայՌուսգազարդ» փակ բաժնետիրական ընկերության և «Հայգազարդ» փակ բաժնետիրական ընկերության հետ կնքվող պայմանագրերի պայմանների հիման վրա, հետևյալ ժամկետներում`
2002 թվականի դեկտեմբերի ամսվա ընթացքում` 1 միլիոն ԱՄՆ-ի դոլարին համարժեք դրամի չափով,
էլեկտրաէներգիայի գծով մնացած պարտքերի մարում` վեց տարվա ընթացքում` վճարումն սկսելով 2006 թվականի հունվարի 1-ից.
դ) «Զանգեզուրի պղնձամոլիբդենային կոմբինատ» փակ բաժնետիրական ընկերության նկատմամբ պարտքի մարում` պայմանագրի կնքման պահից հինգ տարվա ընթացքում` վճարումն սկսելով 2005 թվականի հունվարի 1-ից:
2.2. «Դենո» ընկերության կողմից հետևյալ ներդրումային ծրագրի իրականացում.
._________________________________________________________________________.
|Փու-|Նախատեսվող |Նախատեսվող | Տնտեսական | Սոցիալական |
|լերը|միջոցառումները |ներդրումներն| արդյունքը | արդյունքը |
| | |ըստ | | |
| | |ժամկետների | | |
| | | | | |
|____|____________________|____________|________________|_________________|
|I |Արտադրանքի թողարկման| |Աշխատանքային |Գործազրկության |
| |ծավալների ավելացում | |պրակտիկայի |բացասական |
| |և կորզման աստիճանի | |բարելավում, |արդյունքի |
| |բարձրացում | |ֆինանսական |մեղմացում, |
| | |2000000 |վճարունակության |մասնագիտացված |
| | |ԱՄՆ-ի դոլար |ապահովում, |բարձրորակ |
| | |6-8 ամիս |նախագծային |աշխատուժի |
| |Բազմամետաղային | |ծավալների |ներգրավում |
| |հարստացուցչի | |թողարկում, |մասնագիտական |
| |գործարկում | |350.000 տոննա |աշխատանքում: |
| | | |հանքաքարի | |
| | | |արդյունահանում` | |
| | | |6-8 մլն ԱՄՆ-ի | |
| | | |դոլար ապրանքա- | |
| | | |շրջանառությամբ: | |
|____|____________________|____________|________________|_________________|
|II |Հանքի և |մինչև |Հանքաքարի | |
| |հարստացուցչի |3500000 |արդյունահանման | |
| |ուսումնասիրություն` |ԱՄՆ-ի դոլար |ավելացում, | |
| |ուղղված հանքի |18 ամիս |մինչև 600.000 | |
| |արտադրողականության | |տոննա, 12-14 մլն| |
| |մեծացման ծրագրի | |ԱՄՆ-ի դոլար | |
| |իրականացմանը | |ապրանքաշրջանա- | |
| | | |ռության | |
| | | |ապահովում | |
|____|____________________|____________|________________|_________________|
|III |Բաց հանքի |1500000 |Արտադրանքի |Ներգրավված |
| |(կենտրոնական հանք) |ԱՄՆ-ի դոլար |հաշվարկային |աշխատուժի |
| |վերագործարկում, |2-3 տարի |ծավալի |աշխատանքային |
| |հանքարդյունահանման | |թողարկում` 18-20|պայմանների |
| |ամբողջական պլանի | |մլն ԱՄՆ-ի դոլար |բարելավում, |
| |մշակում և | |ապրանքաշրջանա- |տեղական բյուջեի |
| |իրականացում: | |ռությամբ, և |համալրում: |
| |Սարքավորումների | |նախագծային | |
| |վերանորոգում և | |արտադրողականու- | |
| |արդիականացում | |թյունից մինչև | |
| | | |1 մլն տոննայի | |
| | | |գերազանցում: | |
|____|____________________|_______________________________________________|
|IV |Նոր պղնձաձուլարանի |Տնտեսական համապատասխան հիմնավորվածության |
| |նախագծում և |առկայության դեպքում |
| |կառուցում | |
._________________________________________________________________________.
3. Հայաստանի Հանրապետության էներգետիկայի նախարարին` Հայաստանի Հանրապետության առևտրի և տնտեսական զարգացման նախարարի հետ համատեղ մինչև 2002 թվականի դեկտեմբերի 1-ը ապահովել սույն որոշման 2-րդ կետի 2.1-ին ենթակետի «գ» պարբերությամբ սահմանված պայմանագրերի կնքումը:
4. Սահմանել, որ սույն որոշման 2-րդ կետում նշված բաժնետոմսերի փոխանցման մասին պայմանագրի կնքման պահից պայմանագրային պարտավորությունների, այդ թվում` ներդրումային ծրագրի կատարման ընթացքի նկատմամբ հսկողությունն իրականացնում է Հայաստանի Հանրապետության առևտրի և տնտեսական զարգացման նախարարությունը:
(որոշումը փոփ. 22.05.03 թիվ 598-Ա որոշում)
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2002 ԹՎԱԿԱՆԻ ԴԵԿՏԵՄԲԵՐԻ 3-ԻՆ