Սեղմել Esc փակելու համար:
2002 ԹՎԱԿԱՆԻ ՆՈՅԵՄԲԵՐԻ 1-Ի ԴՐՈՒԹՅԱՄԲ ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Վավերացման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

2002 ԹՎԱԿԱՆԻ ՆՈՅԵՄԲԵՐԻ 1-Ի ԴՐՈՒԹՅԱՄԲ ՀՀ ՊԵՏԱԿԱՆ ՀԻՄՆԱՐԿՆԵՐԻ` ԷԼԵԿՏՐԱԷՆԵՐԳԻԱՅԻ ԳԾ ...

 

 

040.2059.271202

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

 

«27» դեկտեմբերի 2002 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

26 դեկտեմբերի 2002 թվականի N 2059-Ն

 

2002 ԹՎԱԿԱՆԻ ՆՈՅԵՄԲԵՐԻ 1-Ի ԴՐՈՒԹՅԱՄԲ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ՀԻՄՆԱՐԿՆԵՐԻ` ԷԼԵԿՏՐԱԷՆԵՐԳԻԱՅԻ ԳԾՈՎ ԱՌԿԱ, ԻՆՉՊԵՍ ՆԱԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌԱՆՁԻՆ ՊԵՏԱԿԱՆ ՄԱՐՄԻՆՆԵՐԻՆ ՆԱԽՈՐԴ ԲՅՈՒՋԵՏԱՅԻՆ ՏԱՐԻՆԵՐԻ ԱՐԴՅՈՒՆՔՆԵՐՈՎ ԱՌԱՋԱՑԱԾ ՊԱՐՏՔԵՐԻ ՄԱՐՄԱՆ ՀԱՄԱՐ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ

 

Հայաստանի Հանրապետության կառավարությունը որոշում է.

1. Հայաստանի Հանրապետության ֆինանսների և էկոնոմիկայի նախարարին` 2002 թվականի նոյեմբերի 1-ի դրությամբ էլեկտրաէներգիայի գծով պետական հիմնարկների պարտքերի մարման նպատակով «Հայաստանի Հանրապետության 2002 թվականի պետական բյուջեի մասին» Հայաստանի Հանրապետության օրենքի N 1 հավելվածի 14 խմբի 06 ենթախմբի «07. Նախորդ բյուջետային տարիների արդյունքներով առաջացած պարտքերի մարում» ծրագրով նախատեսված միջոցներից «Հայգազարդ փակ բաժնետիրական ընկերությանը հատկացնել 794108,2 հազար դրամ գումար:

2. Հայաստանի Հանրապետության նախարարներին, գերատեսչությունների ղեկավարներին, մարզպետներին`

ա) «Հայգազարդ» փակ բաժնետիրական ընկերություն ներկայացնել այն պետական հիմնարկների ցանկը, որոնք 2002 թվականի նոյեմբերի 1-ի դրությամբ էլեկտրաէներգիայի գծով ունեցել են պարտքեր.

բ) Հայաստանի Հանրապետության ֆինանսների և էկոնոմիկայի նախարարություն ներկայացվող` Հայաստանի Հանրապետության 2002 թվականի պետական բյուջեի կատարման մասին տարեկան հաշվետվություններում 2003 թվականի հունվարի 1-ի դրությամբ էլեկտրաէներգիայի գծով առկա պարտքերը ներկայացնել զրոյական` վերջինիս մասին նշելով բացատրագրում.

գ) ձեռնարկել անհրաժեշտ միջոցներ` 2002 թվականի նոյեմբեր և դեկտեմբեր ամիսներին իրենց ու իրենց ենթակայության հիմնարկների կողմից էլեկտրաէներգիայի գծով պարտքերի առաջացումը բացառելու համար:

3. Հայաստանի Հանրապետության ֆինանսների և էկոնոմիկայի նախարարին` Հայաստանի Հանրապետության ֆինանսների և էկոնոմիկայի նախարարություն ներկայացված` Հայաստանի Հանրապետության 2002 թվականի պետական բյուջեի կատարման մասին տարեկան հաշվետվություններում 2003 թվականի հունվարի 1-ի դրությամբ էլեկտրաէներգիայի գծով առկա պարտքերը ոչ զրոյական ներկայացված լինելու դեպքում ստուգել դրանց արժանահավատությունը, իսկ պարտքեր լինելու դեպքում հարցը ներկայացնել Հայաստանի Հանրապետության կառավարության քննարկմանը:

4. «Հայաստանի Հանրապետության 2002 թվականի պետական բյուջեի մասին» Հայաստանի Հանրապետության օրենքի N 1 հավելվածի 14 խմբի 06 ենթախմբի «07. Նախորդ բյուջետային տարիների արդյունքներով առաջացած պարտքերի մարում» ծրագրով նախատեսված հատկացումներից`

ա) Հայաստանի Հանրապետության Ազգային ժողովին հատկացնել 56886,9 հազար դրամ` ապարատի պահպանման` կապի ծառայությունների վճարման գծով առաջացած պարտքերը մարելու համար.

բ) Հայաստանի Հանրապետության ֆինանսների և էկոնոմիկայի նախարարությանը հատկացնել 37823,3 հազար դրամ` ապարատի պահպանման` կապի ծառայությունների վճարման գծով առաջացած պարտքերը մարելու համար.

գ) Հայաստանի Հանրապետության կառավարությանն առընթեր հարկային պետական ծառայությանը հատկացնել 2161,0 հազար դրամ` ապարատի պահպանման` կապի ծառայությունների վճարման գծով առաջացած պարտքերը մարելու համար.

դ) Հայաստանի Հանրապետության գլխավոր դատախազությանը հատկացնել 52111,0 հազար դրամ` ապարատի պահպանման` կապի ծառայությունների վճարման գծով առաջացած պարտքերը մարելու համար.

ե) Հայաստանի Հանրապետության էներգետիկայի նախարարությանը հատկացնել 24433,9 հազար դրամ` ապարատի պահպանման` կապի ծառայությունների վճարման գծով առաջացած պարտքերը մարելու համար.

զ) Հայաստանի Հանրապետության տրանսպորտի և կապի նախարարությանը հատկացնել 12697,1 հազար դրամ` ապարատի պահպանման` կապի ծառայությունների վճարման գծով առաջացած պարտքերը մարելու համար.

է) Հայաստանի Հանրապետության գիտությունների ազգային ակադեմիային հատկացնել 113212,1 հազար դրամ` թեմատիկ ֆինանսավորման և դրա հետ կապված ծախսերի գծով առաջացած պարտքերը մարելու համար:

5. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

 

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2002 ԹՎԱԿԱՆԻ ԴԵԿՏԵՄԲԵՐԻ 26-ԻՆ

 

 

pin
ՀՀ կառավարություն
26.12.2002
N 2059-Ն
Որոշում