Սեղմել Esc փակելու համար:
ՀՀ ՖԻՆԱՆՍՆԵՐԻ ՆԱԽԱՐԱՐՈՒԹՅԱՆ ՊԵՏԱԿԱՆ Բ...
Քարտային տվյալներ

Տեսակ
Գործում է
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

ՀՀ ՖԻՆԱՆՍՆԵՐԻ ՆԱԽԱՐԱՐՈՒԹՅԱՆ ՊԵՏԱԿԱՆ ԲՅՈՒՋԵԻ ԿԱՏԱՐՄԱՆ ՎԵՐԱՀՍԿՈՂՈՒԹՅԱՆ-ՎԵՐՍՏՈՒԳՄԱՆ ...

 

 

ՀԱՍՏԱՏՎԱԾ Է

ՀՀ ՖԻՆԱՆՍՆԵՐԻ ՆԱԽԱՐԱՐՈՒԹՅԱՆ

1996 թ. օգոստոսի 6-ի

թիվ 306 հրամանով

 

i

ԿԱՆՈՆԱԴՐՈՒԹՅՈՒՆ

 

Հայաստանի Հանրապետության ֆինանսների նախարարության պետական

i

բյուջեի կատարման վերահսկողության-վերստուգման վարչության և

պետական բյուջեի կատարման վերահսկողության տեղական մարմինների

 

I. ԸՆԴՀԱՆՈՒՐ ԴՐՈՒՅԹՆԵՐ

 

i

1. Սույն կանոնադրությունը մշակվել է ՀՀ վարչապետի 1996 թ. մայիսի 26-ի «Հայաստանի Հանրապետության ֆինանսների նախարարության կանոնադրությունը հաստատելու» թիվ 312 որոշմամբ հաստատված կանոնադրության հիման վրա:

Հայաստանի Հանրապետության ֆինանսների նախարարության պետական բյուջեի կատարման վերահսկողության-վերստուգման վարչությունը /այսուհետ` վարչություն/ Հայաստանի Հանրապետության ֆինանսների նախարարության կենտրոնական ապարատի կառուցվածքային ստորաբաժանում է, որը Հայաստանի Հանրապետության ֆինանսների նախարարության համակարգի պետական բյուջեի կատարման վերահսկողության տեղական մարմինների հետ միասին իրականացնում է վերահսկողություն` պետական բյուջեի եկամուտների հավաքագրման աշխատանքների իրականացման, պետական բյուջեով նախատեսված հատկացումների /ծախսերի/ օգտագործման ճշտության, նպատակայնության և արդյունավետության ուղղությամբ:

Պետական բյուջեի կատարման վերահսկողության տեղական մարմիններն են Հայաստանի Հանրապետության մարզերում և Երևան քաղաքում ստեղծված մարզային գլխավոր վերահսկիչ-վերստուգիչ ապարատները /այսուհետ` վերահսկիչ-վերստուգիչ ապարատներ/, որոնք անմիջականորեն ենթարկվում են վարչությանը:

2. Վարչությունը և վերահսկիչ-վերստուգիչ ապարատներն իրենց գործունեության ընթացքում ղեկավարվում են Հայաստանի Հանրապետության օրենսդրությամբ, Հայաստանի Հանրապետության ֆինանսների նախարարության կանոնադրությամբ, Հայաստանի Հանրապետության ֆինանսների նախարարի հրամաններով, հրահանգներով և սույն կանոնադրությամբ:

3. Վերահսկիչ-վերստուգիչ ապարատներն իրավաբանական անձինք են, ունեն ծախսերի ինքնուրույն նախահաշիվ, բյուջետային և արտաբյուջետային հաշիվներ բանկում, պետական զինանշանի պատկերով և իրենց անվամբ կնիք, դրոշմակնիք, ձևաթուղթ: Դրանց պահպանման ծախսերը կատարվում են Հայաստանի Հանրապետության հանրապետական բյուջեի միջոցների հաշվին:

 

II. ՎԱՐՉՈՒԹՅԱՆ ԵՎ ՎԵՐԱՀՍԿԻՉ-ՎԵՐՍՏՈՒԳԻՉ ԱՊԱՐԱՏՆԵՐԻ ՀԻՄՆԱԿԱՆ ԽՆԴԻՐՆԵՐԸ ԵՎ ԳՈՐԾԱՌՈՒՅԹՆԵՐԸ

 

4. Վարչության և վերահսկիչ-վերստուգիչ ապարատների հիմնական խնդիրներն են.

ա/ պետական բյուջեով նախատեսված`

- եկամուտների հավաքագրման աշխատանքների իրականացման նկատմամբ

վերահսկողությունը,

- հատկացումների /ծախսերի/ օգտագործման ճշտության, նպատակայնության և

արդյունավետության ուղղությամբ ստուգումների իրականացումը և

վերահսկողությունը.

բ/ պետական կառավարման հանրապետական մարմինների կողմից, ինչպես նաև

հանրապետական նպատակային հատուկ ֆոնդերից և պետական այլ աղբյուրներից

ձեռնարկություններին /անկախ նրանց սեփականության ձևից և

կազմակերպական-իրավական տեսակից/ և կազմակերպություններին տրամադրված

հատկացումների, վարկերի և փոխատվությունների արդյունավետ և

նպատակային օգտագործման ուղղությամբ վերահսկողության իրականացումը.

գ/ Հայաստանի Հանրապետության ֆինանսների նախարարության համակարգի պետական

կառավարման հանրապետական մարմիններում, ձեռնարկություններում,

հիմնարկներում և կազմակերպություններում պետական սեփականություն

հանդիսացող գույքի պահպանության նկատմամբ հսկողության իրականացումը:

5. Իր հիմնական խնդիրներին համապատասխան, վարչությունը`

ա/ իրականացնում է վերահսկողություն

- ՀՀ հարկային և մաքսային մարմինների կողմից պետական բյուջեի եկամուտների

ճիշտ հաշվարկման և ժամանակին գանձման նկատմամբ,

- Հայաստանի Հանրապետության ֆինանսների նախարարության համակարգի հարկային

և մաքսային մարմինների կողմից բյուջեի փաստացի մուտքերի, ապառքների,

կատարված ստուգումների քանակի, հայտնաբերված գումարների, կիրառված

պատժամիջոցների և պահանջվող այլ տեղեկությունների վերաբերյալ

ներկայացված հաշվետվությունների վերլուծության և դրանց կազմման

ճշտության ուղղությամբ,

- մարդասիրական օգնության կարգով ստացվող ապրանքների իրացումից բյուջե

գանձման ենթակա գումարների հաշվարկման ճշտության և ժամանակին բյուջե

փոխանցման նկատմամբ.

բ/ Հայաստանի Հանրապետության ֆինանսների նախարարի հանձնարարությամբ

իրականացնում է վերահսկողություն`

- Հայաստանի Հանրապետության հարկային տեսչության մարմինների կողմից

առանձին հարկատուների մոտ պետական բյուջեի հետ փոխհարաբերությունների

գծով կատարված ստուգումների արդյունքների ճշտության ուղղությամբ,

- Հայաստանի Հանրապետության հարկային տեսչության և Հայաստանի

Հանրապետության մաքսային վարչության կողմից կատարված ստուգումներով և

վերստուգումներով արձանագրված սխալների և խախտումների վերաբերյալ

ընդունված որոշումների կատարման նկատմամբ,

- Հայաստանի Հանրապետության մաքսային սահմանով ապրանքների և առարկաների

տեղափոխման ժամանակ դրանց մաքսային արժեքի որոշման, մաքսասակագնային

մեխանիզմի կիրառման, մաքսատուրքերի ակցիզային հարկի, ավելացված արժեքի

հարկի հաշվարկման ճշտության և ժամանակին բյուջե փոխանցման նկատմամբ.

գ/ իր իրավասության սահմաններում իրականացնում է`

- Հայաստանի Հանրապետության ֆինանսների նախարարության համակարգի, նրա

պետական կառավարման հանրապետական մարմինների և նրանց ենթակա

ձեռնարկությունների, հիմնարկների և կազմակերպությունների, ինչպես նաև

նրանց տեղական մարմինների պաշտոնատար անձանց գործողությունների

վերաբերյալ գանգատների սահմանված կարգով ուսումնասիրությունը և

քննարկումը, բացառությամբ ՀՀ օրենսդրությամբ սահմանված դեպքերի,

- քաղաքացիների, ինչպես նաև ձեռնարկությունների, հիմնարկների և

կազմակերպությունների նամակների, առաջարկների, դիմումների և գանգատների

սահմանված կարգով քննարկումը.

6. Իրենց հիմնական խնդիրներին համապատասխան, վարչությունը և

վերահսկիչ-վերստուգիչ ապարատները`

ա/ Հայաստանի Հանրապետության օրենսդրությամբ սահմանված կարգով

իրականացնում են ստուգումներ ՀՀ պետական բյուջեից հատկացված միջոցների

օգտագործման նկատմամբ` Հայաստանի Հանրապետության նախարարություններում,

վարչություններում, գերատեսչություններում, պետական կառավարման

տարածքային և տեղական ինքնակառավարման մարմիններում, ինչպես նաև

ձեռնարկություններում, հիմնարկներում, կազմակերպություններում.

բ/ իրականացնում են վերահսկողություն իրենց խնդիրների և գործառույթների

վերաբերյալ Հայաստանի Հանրապետության ֆինանսների նախարարի հրամանների,

հրահանգների, ցուցումների և հանձնարարականների կատարման ուղղությամբ.

գ/ իրականացնում են Հայաստանի Հանրապետության ֆինանսների նախարարության և

սույն կանոնադրությամբ իրենց իրավասությանը վերապահված այլ

գործառույթներ:

 

III. ԻՐԱՎՈՒՆՔՆԵՐԸ, ՊԱՐՏԱԿԱՆՈՒԹՅՈՒՆՆԵՐԸ ԵՎ ԱՇԽԱՏԱՆՔԻ ԿԱԶՄԱԿԵՐՊՈՒՄԸ

 

7. Վարչությունը և վերահսկիչ-վերստուգիչ ապարատներն իրավունք ունեն`

ա/ ՀՀ պետական բյուջեից հատկացված միջոցների օգտագործման հարցերով ստուգել

ձեռնարկություններում, հիմնարկներում և կազմակերպություններում

դրամական և հաշվապահական հաշվառման փաստաթղթերը,

հաշվետվությունները, նախահաշիվները, դրամական միջոցների և մյուս

ապրանքանյութական արժեքների ծախսը հաստատող փաստաթղթերը,

անհրաժեշտության դեպքում սահմանված կարգով ներգրավել պետական

մարմինների, ձեռնարկությունների, հիմնարկների, կազմակերպությունների

համապատասխան մարմիններին` ստուգումներին ու վերստուգումներին որպես

փորձագետներ մասնակցելու համար.

բ/ ստուգում /վերստուգում/ կատարելու հրամանի /որոշման/ մեջ նշված հարցերի

շրջանակներում, անհրաժեշտության դեպքում պահանջել ստուգվող

ձեռնարկությունների, հիմնարկների, կազմակերպությունների ղեկավարներից`

անցկացնել հիմնական ֆոնդերի, ապրանքանյութական արժեքների, դրամական

միջոցների և հաշվարկների գույքագրումներ, Հայաստանի Հանրապետության

օրենսդրությամբ սահմանված կարգով առգրավել ստուգման նպատակներին

անմիջականորեն առնչվող փաստաթղթեր, իրեր, փորձանմուշներ և այլ

անհրաժեշտ նյութեր.

գ/ Հայաստանի Հանրապետության օրենսդրությամբ նախատեսված դեպքերում

բանկերից, ձեռնարկություններից, հիմնարկներից և կազմակերպություններից

պահանջել ստուգվող օբյեկտի գործարքների, հաշիվների վիճակի ու շարժի

մասին տեղեկանքներ, փաստաթղթերի պատճեններ և այլ անհրաժեշտ

տեղեկատվություն, սահմանված կարգով կատարել հանդիպակաց ստուգումներ.

դ/ տալ հանձնարարականներ` ֆինանսատնտեսական գործունեության ստուգումներով

հայտնաբերված խախտումների վերացման, պետական բյուջե և արտաբյուջետային

ֆոնդեր լրացուցիչ հաշվարկված գումարների վճարումը կատարելու

ուղղությամբ.

ե/ ֆինանսատնտեսական գործունեության ստուգումների արդյունքների հիման

վրա ներկայացնել համապատասխան առաջարկություններ` պատճառված նյութական

վնասի փոխհատուցման և մեղավոր անձանց պատասխանատվության ենթարկելու

վերաբերյալ, ստանալ առաջարկությունների կատարումը հաստատող

փաստաթղթեր:

8. Ստուգումների և վերստուգումների արդյունքներով հայտնաբերված

խախտումների ու թերությունների մասին վարչությունը երկշաբաթյա

ժամկետում տեղյակ է պահում համապատասխան պետական կառավարման

հանրապետական մարմինների ղեկավարներին:

9. Վարչությունը, իր իրավասության սահմաններում իրականացնում է`

- Հայաստանի Հանրապետության ֆինանսների նախարարության համակարգում

կատարվող ստուգումների /այդ թվում տեսչական/ և վերստուգումների

մեթոդական ղեկավարումն ու համակարգումը,

- ստուգումների, այդ թվում տեսչական, արդյունքների հիման վրա ներկայացնում

է համապատասխան առաջարկություններ Հայաստանի Հանրապետության ֆինանսների

նախարարին, իրականացնում է ստուգման և վերստուգման աշխատանքների

վերաբերյալ օրենսդրական և ենթաօրենսդրական ակտերի գործնական կիրառման

արդյունքների ամփոփումը և դրանց կատարելագործման ուղղությամբ

առաջարկությունների նախապատրաստումը,

- ստուգումների և վերստուգումների արդյունքների ամփոփման և

վերլուծության, թույլ տրված խախտումների բնույթին համապատասխան

դասակարգման, խախտումներ ծնող պատճառների ուսումնասիրության հիման վրա

համապատասխան առաջարկությունների և կանխարգելող միջոցառումների

մշակումը:

11. Վարչությունը, իր խնդիրների և գործառույթների իրականացման նպատակով, սերտորեն համագործակցում է Հայաստանի Հանրապետության ֆինանսների նախարարության կենտրոնական ապարատի մյուս ստորաբաժանումների, ինչպես նաև համակարգի համապատասխան ծառայությունների հետ:

12. Վարչությունը կազմակերպում է Հայաստանի Հանրապետության ֆինանսների նախարարության համակարգի համապատասխան ծառայությունների աշխատողների որակավորման բարձրացման միջոցառումներ, մասնակցում նրանց մասնագիտական համապատասխանության և որակավորման պահանջների սահմանման, կադրերի ընտրության և տեղաբաշխման աշխատանքներին:

13. Վարչության կողմից ստուգումները /վերստուգումները/ իրականացվում են Հայաստանի Հանրապետության ֆինանսների նախարարի հրամանով:

Վերահսկիչ-վերստուգիչ ապարատների կողմից ստուգումները /վերստուգումները/ իրականացվում են.

- աշխատանքային ծրագրերի շրջանակներում` գլխավոր վերահսկիչ-վերստուգիչի

հրամանով,

- աշխատանքային ծրագրերից դուրս` Հայաստանի Հանրապետության ֆինանսների

նախարարի հրամանով:

14. Վարչությունը գլխավորում է վարչության պետը, որը նշանակվում և ազատվում է պաշտոնից Հայաստանի Հանրապետության ֆինանսների նախարարի կողմից:

Վարչության պետը`

1. Իրականացնում է վարչության գործունեության կազմակերպումն ու

ղեկավարումը, պատասխանատվություն է կրում վարչության խնդիրների

ու գործառույթների ժամանակին և որակով կատարման համար,

2. ապահովում է ստուգումների և վերստուգումների նյութերի ամփոփումն ու

վերլուծությունը, դրանց արդյունքներով զեկուցագրերի, տեղեկանքների և

այլ տեղեկատվության նախապատրաստումը, անհրաժեշտության դեպքում դրանք

ներկայացնում է Հայաստանի Հանրապետության ֆինանսների նախարարության

կոլեգիայի քննարկմանը,

3. սահմանում է վարչության ստորաբաժանումների գործառույթների շրջանակները,

իր տեղակալների և մյուս աշխատողների պաշտոնային պարտականությունները,

ստեղծում է գործառույթներն ու պարտականությունները հաջողությամբ

կատարելու համար անհրաժեշտ պայմաններ, վերահսկողություն իրականացնում

դրանց ժամանակին և ճիշտ կատարման նկատմամբ,

4. առաջարկություններ է ներկայացնում վարչության կառուցվածքի բարեփոխման,

ինչպես նաև Հայաստանի Հանրապետության օրենսդրությամբ սահմանված կարգով

աշխատողներին այլ աշխատանքի տեղափոխման, աշխատանքից ազատման,

խրախուսման և կարգապահական տույժերի ենթարկման մասին,

5. վարչության անունից, առանց լիազորագրերի հանդես է գալիս պետական

մարմիններում ձեռնարկություններում, հիմնարկներում և

կազմակերպություններում,

6. նախապատրաստում և Հայաստանի Հանրապետության ֆինանսների նախարարի

հաստատմանն է ներկայացնում վարչության աշխատանքային ծրագրերը, դրանց

հիման վրա հաստատում է վերահսկիչ-վերստուգիչ ապարատների աշխատանքային

ծրագրերը:

15. Վարչության , վերահսկիչ-վերստուգիչ ապարատների աշխատողներին աշխատանքի նշանակում և աշխատանքից ազատում է Հայաստանի Հանրապետության ֆինանսների նախարարը:

16. Վարչության կառուցվածքը, ինչպես նաև վերահսկիչ-վերստուգիչ ապարատների պահպանման ծախսերի նախահաշիվները և հաստիքային ցուցակները հաստատվում են Հայաստանի Հանրապետության ֆինանսների նախարարության կողմից:

 

ԳՐԱՆՑՎԱԾ Է

ՀԱՅԱՍՏԱՆԻ  ՀԱՆՐԱՊԵՏՈՒԹՅԱՆ

ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅՈՒՆ ԿՈՂՄԻՑ

21.08.1996թ.

ՊԵՏԱԿԱՆ ԳՐԱՆՑՄԱՆ ԹԻՎ 20960045

 

 

pin
Ֆինանսների (նախկին Ֆինանս. եւ էկոն.
06.08.1996
Կանոնադրություն