Սեղմել Esc փակելու համար:
ՋՐԱՅԻՆ ՌԵՍՈՒՐՍՆԵՐԻ ՄՈՆԻՏՈՐԻՆԳԻ ԻՐԱԿԱՆ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Վավերացման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ՋՐԱՅԻՆ ՌԵՍՈՒՐՍՆԵՐԻ ՄՈՆԻՏՈՐԻՆԳԻ ԻՐԱԿԱՆԱՑՄԱՆ ԵՎ ՀԱՇՎԵՏՎՈՒԹՅՈՒՆՆԵՐԻ ԳՐԱՆՑՄԱՆ ԿԱՐԳԸ ...

 

 

040.0639.070603

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

 

«7» հունիսի 2003 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

22 մայիսի 2003 թվականի N 639-Ն

 

ՋՐԱՅԻՆ ՌԵՍՈՒՐՍՆԵՐԻ ՄՈՆԻՏՈՐԻՆԳԻ ԻՐԱԿԱՆԱՑՄԱՆ ԵՎ ՀԱՇՎԵՏՎՈՒԹՅՈՒՆՆԵՐԻ ԳՐԱՆՑՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

 

Հայաստանի Հանրապետության ջրային օրենսգրքի 19-րդ հոդվածին և 121-րդ հոդվածի հինգերորդ մասի 18-րդ կետին համապատասխան` Հայաստանի Հանրապետության կառավարությունը որոշում է.

1. Հաստատել ջրային ռեսուրսների մոնիտորինգի իրականացման և հաշվետվությունների գրանցման կարգը` համաձայն հավելվածի:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

 

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2003 ԹՎԱԿԱՆԻ ՀՈՒՆԻՍԻ 5-ԻՆ

 

Հավելված

Հայաստանի Հանրապետության

կառավարության 2003 թվականի

մայիսի 22-ի N 639-Ն որոշման

 

ԿԱՐԳ

ՋՐԱՅԻՆ ՌԵՍՈՒՐՍՆԵՐԻ ՄՈՆԻՏՈՐԻՆԳԻ ԻՐԱԿԱՆԱՑՄԱՆ ԵՎ ՀԱՇՎԵՏՎՈՒԹՅՈՒՆՆԵՐԻ ԳՐԱՆՑՄԱՆ

 

1. Սույն կարգով կանոնակարգվում են ջրային ռեսուրսների մոնիտորինգի իրականացման, օպերատիվ տվյալների հավաքագրման, մշակման և ամփոփման, հաշվետվությունների գրանցման, ինչպես նաև պետական լիազորված մարմինների կողմից նշված գործառույթների իրականացման հետ կապված իրավահարաբերությունները:

2. Ջրային ռեսուրսների մոնիտորինգը ներառում է`

ա) մոնիտորինգի իրականացման առաջադրանք,

բ) կանխատեսումներ,

գ) իրականացում,

դ) օպերատիվ տվյալների մշակում և ամփոփում,

ե) հաշվետվությունների կազմում և հրատարակում,

զ) ջրերի պետական կադաստրում համապարփակ տվյալների գրանցում:

3. Ջրային ռեսուրսների մոնիտորինգի իրականացման առաջադրանքը ձևավորում է Հայաստանի Հանրապետության շրջակա միջավայրի նախարարությունը` ելնելով ջրի ազգային քաղաքականության հիմնադրույթների և ջրի ազգային ծրագրի իրականացման պահանջներից:

Մոնիտորինգի իրականացման առաջադրանքը բովանդակում է`

ա) քանակական ցուցանիշներ`

ջրային ռեսուրսների հիդրոլոգիական, հիդրոերկրաբանական դիտարկումները և պաշարների գնահատումը,

հիդրոլոգիական դիտակետերի, հիդրոերկրաբանական դիտահորերի ցանկը և տեղաբաշխման սխեման,

դիտակետերում և հիդրոերկրաբանական դիտահորերում ջրային ռեսուրսների չափման մեթոդները և չափման հաճախականությունը,

քանակական մոնիտորինգի մասին հաշվետվությանը ներկայացվող պահանջները.

բ) որակական ցուցանիշներ`

ջրային ռեսուրսների հիդրոֆիզիկական, հիդրոքիմիական դիտարկումները, ջրային էկոհամակարգերի վրա վնասակար ազդեցությունների գնահատումը,

նմուշառման կետերի ցանկը (տեղաբաշխման սխեման),

ըստ դիտակետերի և հիդրոերկրաբանական դիտահորերի պարտադիր ու յուրահատուկ ուսումնասիրման ենթակա վնասակար նյութերի ցանկը, աղտոտվածության աստիճանը, ինչպես նաև այդ ուսումնասիրությունների հաճախականությունը և իրականացման մեթոդները,

որակական մոնիտորինգի մասին հաշվետվությանը ներկայացվող պահանջները.

գ) կանխատեսումներ`

ջրային ռեսուրսների վիճակի կայունության,

ջրային համակարգերի անվտանգության,

մթնոլորտի ջերմաստիճանային ռեժիմի,

ջրային բնագավառում աղետալի իրավիճակների առաջացման հնարավորության և ռիսկի տարածքների:

Մոնիտորինգի իրականացման առաջադրանքը ներառում է նաև այլ պահանջներ` պայմանավորված ջրային ռեսուրսների վերականգնման, կառավարման, ջրաէկոհամակարգերի պահպանման խնդիրներով, ինչպես նաև ստորերկրյա ջրերի տարածաշրջանային (տարածաշրջանային ցանցի միջոցով) և լոկալ (հանքավայրերի շահագործման պաշարների մոնիտորինգի կապտաժային դիտակետերի միջոցով) մոնիտորինգի առանձնահատկություններով:

Հայաստանի Հանրապետության մակերևութային և ստորերկրյա ջրերի մոնիթորինգի դիտակետերի ցանկը հաստատում է ջրային ռեսուրսների կառավարման և պահպանության պետական լիազորված մարմինը:

(3-րդ կետը փոփ. 18.07.2019 թիվ 898-Ն, 10.10.2019 թիվ 1442-Ն որոշումներ)

4. Մակերևութային ջրային ռեսուրսների մոնիտորինգն իրականացնում է Հայաստանի Հանրապետության շրջակա միջավայրի նախարարության առանձնացված համապատասխան ստորաբաժանումը` Հայաստանի Հանրապետության պետական բյուջեի միջոցների հաշվին:

Մակերևութային ջրային ռեսուրսների մոնիտորինգի իրականացման գործառույթներն են`

ա) Հայաստանի Հանրապետության ջրային օրենսգրքի 19-րդ հոդվածի 3-րդ մասով սահմանված պահանջի կատարումը,

բ) սույն կարգի 3-րդ կետով սահմանված մակերևութային ջրերի մասով` ջրային ռեսուրսների մոնիտորինգի իրականացման առաջադրանքի կատարումը,

գ) մակերևութային ջրերի քանակական և որակական մոնիտորինգի կարճաժամկետ ու երկարաժամկետ կանխատեսումների համար տվյալների հավաքագրումն ու կանխատեսումների կազմումը,

դ) վարարումներից, սելավներից և սողանքներից պաշտպանվելու համար կանխատեսումների կազմումը,

ե) հիդրոլոգիական դիտակետերում չափումների իրականացումը, օպերատիվ տվյալների հավաքագրումը, մշակումը և ամփոփումը,

զ) ամփոփ տվյալների հիման վրա հաշվետվությունների կազմումը և դրանք ջրային պետական կադաստր ներկայացնելը:

(4-րդ կետը փոփ. 10.10.2019 թիվ 1442-Ն որոշում)

5. Ստորերկրյա ջրային ռեսուրսների մոնիտորինգն իրականացնում է Հայաստանի Հանրապետության շրջակա միջավայրի նախարարության առանձնացված համապատասխան ստորաբաժանումը` Հայաստանի Հանրապետության պետական բյուջեի միջոցների հաշվին:

Ստորերկրյա ջրային ռեսուրսների մոնիտորինգի իրականացման գործառույթներն են`

ա) Հայաստանի Հանրապետության ջրային օրենսգրքի 19-րդ հոդվածի 3-րդ մասով սահմանված պահանջի կատարումը,

բ) սույն կարգի 3-րդ կետով սահմանված ստորերկրյա ջրային ռեսուրսների մասով` մոնիտորինգի իրականացման առաջադրանքի կատարումը,

գ) ստորերկրյա ջրերի բնական ու խախտված ռեժիմների և դրանց ձևավորման օրինաչափությունների ուսումնասիրությունները,

դ) ստորերկրյա ջրերի ռեժիմի կարճաժամկետ ու երկարաժամկետ կանխատեսումների համար տվյալների հավաքագրումը և կանխատեսումների կազմումը,

ե) ստորերկրյա ջրերի աղտոտման և սպառման աստիճանի գնահատման մասին հենակետային տվյալների ստացումը,

զ) ստորերկրյա ջրերի որակի փոփոխման կանխատեսումների կազմումը,

է) հիդրոերկրաբանական դիտահորերում հիդրոերկրաբանական, հիդրոքիմիական և հիդրոֆիզիկական չափումների իրականացման, ստորերկրյա ջրերի պաշարների գնահատման մասին օպերատիվ տվյալների հավաքագրումը, մշակումն ու ամփոփումը,

ը) ամփոփ տվյալների հիման վրա հիդրոերկրաբանական հաշվետվությունների ու քարտեզների կազմումը և դրանք ջրային պետական կադաստր ներկայացնելը:

(5-րդ կետը փոփ. 10.10.2019 թիվ 1442-Ն որոշում)

6. Ջրային ռեսուրսների մոնիտորինգի իրականացման մասին հաշվետվությունները գրանցվում են ջրային պետական կադաստրում` փաստաթղթերի գրանցման և տեղեկատվության տրամադրման կարգի պահանջներին համապատասխան:

7. Ջրային պետական կադաստրում գրանցված մոնիտորինգային տվյալները հայտատուներին տրամադրվում են ջրային պետական կադաստրում փաստաթղթերի գրանցման, տեղեկատվության տրամադրման կարգի համաձայն:

8. Հայաստանի Հանրապետության պետական բյուջեի միջոցների հաշվին իրականացվող ջրային ռեսուրսների մոնիտորինգի շրջանակներից դուրս մնացած ջրային ռեսուրսներից ջրօգտագործման հայտի դեպքում տվյալ ջրային ռեսուրսի կամ դրա հատվածի դիտարկումներն իրականացվում են սույն կարգի 3-րդ կետի պահանջներին համապատասխան` Հայաստանի Հանրապետության շրջակա միջավայրի նախարարության կամ համապատասխան լիցենզիա ունեցող կազմակերպության կողմից` հայտատուի դիմումի համաձայն` նրա միջոցների հաշվին:

(8-րդ կետը փոփ. 10.10.2019 թիվ 1442-Ն որոշում)

 

 

pin
ՀՀ կառավարություն
22.05.2003
N 639-Ն
Որոշում