Սեղմել Esc փակելու համար:
«ՍՊԱՍԱՐԿՈՒՄ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Վավերացման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

«ՍՊԱՍԱՐԿՈՒՄ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆ ՍՏԵՂԾԵԼՈՒ, «ՀՀ ԿԱՌԱՎԱՐՈՒԹՅԱՆ ...

 

 

040.0666.110603

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

 

«11» հունիսի 2003 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

5 հունիսի 2003 թվականի N 666-Ն

 

«ՍՊԱՍԱՐԿՈՒՄ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆ ՍՏԵՂԾԵԼՈՒ, «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԱՇԽԱՏԱԿԱԶՄ» ՊԵՏԱԿԱՆ ԿԱՌԱՎԱՐՉԱԿԱՆ ՀԻՄՆԱՐԿԻՆ ԳՈՒՅՔ ԱՄՐԱՑՆԵԼՈՒ ԵՎ ՊԵՏԱԿԱՆ ՄԱՐՄԻՆՆԵՐԻՆ ՏԱՐԱԾՔՆԵՐ ԱՆՀԱՏՈՒՅՑ ՕԳՏԱԳՈՐԾՄԱՆ ՏՐԱՄԱԴՐԵԼՈՒ ՄԱՍԻՆ

 

«Պետական ոչ առևտրային կազմակերպությունների մասին» Հայաստանի Հանրապետության օրենքի 9-րդ հոդվածին համապատասխան` Հայաստանի Հանրապետության կառավարությունը որոշում է.

1. Ստեղծել «Սպասարկում» պետական ոչ առևտրային կազմակերպություն (այսուհետ` պետական կազմակերպություն):

2. Սահմանել, որ`

ա) պետական կազմակերպության գործունեության առարկան և հիմնական նպատակը պետական մարմիններին ամրացված շենքերի և այլ գույքի սպասարկումն է.

բ) պետական կազմակերպությունն իրականացնում է ձեռնարկատիրական գործունեության հետևյալ տեսակները`

ավտոմեքենաների տեխնիկական սպասարկում և նորոգում,

էլեկտրամոնտաժման աշխատանքներ,

սանիտարատեխնիկական աշխատանքներ,

հարդարման աշխատանքներ,

կազմակերպություններին կից ճաշարանների ծառայություններ և

պատրաստի սննդի մատակարարում:

(2-րդ կետը փոփ. 08.04.04 թիվ 469-Ն, 20.01.05 թիվ 10-Ն որոշումներ)

3. Պետական կազմակերպության կառավարումն իրականացնող լիազորված պետական մարմնի իրավասությունները վերապահել Հայաստանի Հանրապետության վարչապետի աշխատակազմին` նրան վերապահելով նաև «Պետական ոչ առևտրային կազմակերպությունների մասին» Հայաստանի Հանրապետության օրենքի 8-րդ հոդվածի առաջին մասով և 13-րդ հոդվածի 2-րդ մասի «գ», «դ», «ե» և «է» ենթակետերով սահմանված հիմնադրի լիազորությունները:

(3-րդ կետը փոփ. 04.07.18 թիվ 744-Ն որոշում)

4. Հայաստանի Հանրապետության կառավարության աշխատակազմի ղեկավար-նախարարին` երկամսյա ժամկետում`

ա) հաստատել պետական կազմակերպության կանոնադրությունը,

բ) ապահովել պետական կազմակերպության պետական գրանցումը:

5. Հայաստանի Հանրապետության կառավարությանն առընթեր պետական գույքի կառավարման վարչության տնօրինության NN 2 և 3 կառավարական տները` համապատասխանաբար 741487665 դրամ և 197454289 դրամ հաշվեկշռային արժեքով, ամրացնել «Հայաստանի Հանրապետության կառավարության աշխատակազմ» պետական կառավարչական հիմնարկին:

(5-րդ կետը փոփ. 21.08.03 թիվ 998-Ն որոշում)

6. Հայաստանի Հանրապետության կառավարության աշխատակազմի ղեկավար-նախարարին`

ա) ապահովել համապատասխան տարածքների անհատույց օգտագործման տրամադրումը պետական մարմիններին` համաձայն հավելվածի.

բ) տարածքներ օգտագործողների հետ համատեղ ապահովել համապատասխան պայմանագրերի սահմանված կարգով կնքումն ու գույքային իրավունքների պետական գրանցումը:

7. Սահմանել, որ մինչև պետական կազմակերպության սահմանված կարգով պետական գրանցումը NN 2 և 3 կառավարական տների սպասարկումը պետք է իրականացվի «Հայաստանի Հանրապետության կառավարության աշխատակազմ» պետական կառավարչական հիմնարկի կողմից:

8. Հայաստանի Հանրապետության ֆինանսների և էկոնոմիկայի նախարարին` մեկամսյա ժամկետում Հայաստանի Հանրապետության կառավարություն ներկայացնել առաջարկություններ սույն որոշումից բխող` Հայաստանի Հանրապետության պետական բյուջեում համապատասխան վերաբաշխումներ կատարելու վերաբերյալ:

9. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

 

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2003 ԹՎԱԿԱՆԻ ՀՈՒՆԻՍԻ 9-ԻՆ

 

Հավելված

Հայաստանի Հանրապետության

կառավարության 2003 թվականի

հունիսի 5-ի N 666-Ն որոշման

 

ՑԱՆԿ

N 2 ԵՎ 3 ԿԱՌԱՎԱՐԱԿԱՆ ՏԱՆ ՇԵՆՔԻՑ ՊԵՏԱԿԱՆ ՄԱՐՄԻՆՆԵՐԻՆ ԱՆՀԱՏՈՒՅՑ ՕԳՏԱԳՈՐԾՄԱՆ ՏՐԱՄԱԴՐՎՈՂ ՏԱՐԱԾՔՆԵՐԻ

 

.__________________________________________________________________.

|NN |  Պետական մարմնի անվանումը |      Անհատույց օգտագործման       |

|ը/կ|                           |   տրամադրվող տարածքի նկարագիրը   |

|___|___________________________|__________________________________|

|1. |ՀՀ առողջապահության         |N 3 կառավարական շենքի             |

|   |նախարարություն             |նորակառույց մասնաշենքի 2-րդ հարկը |

|   |                           |(31 սենյակ)                       |

|___|___________________________|__________________________________|

|2. |ՀՀ առևտրի  և  տնտեսական    |N 3 կառավարական շենքի             |

|   |զարգացման նախարարություն   |գործող մասնաշենքի 2-րդ հարկի      |

|   |                           |ձախակողմյան թևը  (13 սենյակ)      |

|___|___________________________|__________________________________|

|3. |ՀՀ բնապահպանության         |N 3 կառավարական շենքի             |

|   |նախարարություն             |նորակառույց մասնաշենքի 5-րդ հարկը |

|   |                           |(31 սենյակ) և  գործող մասնաշենքի  |

|   |                           |5-րդ հարկը (27 սենյակ)            |

|   |                           |8 հարկանի կենտրոնական հատվածի     |

|   |                           |100 քառ. մետր տարածքը             |

|___|___________________________|__________________________________|

|4. |ՀՀ գյուղատնտեսության       |N 3 կառավարական շենքի             |

|   |նախարարություն             |նորակառույց մասնաշենքի 1-ին հարկը |

|   |                           |(31 սենյակ)                       |

|___|___________________________|__________________________________|

|5. |ՀՀ կրթության և  գիտության  |N 3 կառավարական շենքի             |

|   |նախարարություն             |նորակառույց մասնաշենքի 6-րդ հարկը |

|   |                           |(31 սենյակ) և  7-րդ հարկից 4      |

|   |                           |սենյակ                            |

|   |                           |8 հարկանի կենտրոնական հատվածի     |

|   |                           |100 քառ. մետր տարածքը             |

|___|___________________________|__________________________________|

|6. |ՀՀ մշակույթի,              |N 3 կառավարական շենքի             |

|   |երիտասարդության հարցերի և  |նորակառույց մասնաշենքի 7-րդ       |

|   |սպորտի նախարարություն      |հարկից 27 սենյակ                  |

|   |                           |8 հարկանի կենտրոնական հատվածի     |

|   |                           |170 քառ. մետր տարածքը             |

|___|___________________________|__________________________________|

|7. |ՀՀ սոցիալական ապահովության |N 3 կառավարական շենքի             |

|   |նախարարություն             |նորակառույց մասնաշենքի 3-րդ հարկը |

|   |                           |(31 սենյակ) և  գործող մասնաշենքի  |

|   |                           |3-րդ հարկի ձախակողմյան թևը  (13   |

|   |                           |սենյակ)                           |

|___|___________________________|__________________________________|

|7.1|ՀՀ տարածքային կառավարման   |N 2 կառավարական մասնաշենքից 2280  |

|   |նախարարություն             |քառ. մետր տարածք (48 սենյակ և  6  |

|   |                           |սանհանգույց)                      |

|___|___________________________|__________________________________|

|8. |ՀՀ քաղաքաշինության         |N 3 կառավարական շենքի             |

|   |նախարարություն             |նորակառույց մասնաշենքի 4-րդ հարկը |

|   |                           |(31 սենյակ) և  գործող մասնաշենքի  |

|   |                           |4-րդ հարկը (27 սենյակ)            |

|___|___________________________|__________________________________|

|9. |ՀՀ ազգային վիճակագրական    |N 3 կառավարական շենքի             |

|   |ծառայություն               |գործող մասնաշենքի 6-րդ և  7-րդ    |

|   |                           |հարկերը (54 սենյակ)               |

|   |                           |8-րդ հարկից 120 մետր օժանդակ      |

|   |                           |տարածք                            |

.__________________________________________________________________.

(ցանկը փոփ. 25.03.04 թիվ 410-Ն, 03.05.07 թիվ 573-Ն որոշումներ)

 

 

pin
ՀՀ կառավարություն
05.06.2003
N 666-Ն
Որոշում