«ՍԵՎԱՆ» ԱԶԳԱՅԻՆ ՊԱՐԿԻ ԵՎ ՍԵՎԱՆԱ ԼՃԻ ԱՓԱՄԵՐՁ ՏԱՐԱԾՔՆԵՐՈՒՄ ՊԵՏԱԿԱՆ ՍԵՓԱԿԱՆՈՒԹՅՈՒՆ ...

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՆԻՍՏԻ
ԱՐՁԱՆԱԳՐՈՒԹՅՈՒՆԻՑ ՔԱՂՎԱԾՔ

14 օգոստոսի 2003 թվականի N 32

54. «ՍԵՎԱՆ» ԱԶԳԱՅԻՆ ՊԱՐԿԻ ԵՎ ՍԵՎԱՆԱ ԼՃԻ ԱՓԱՄԵՐՁ ՏԱՐԱԾՔՆԵՐՈՒՄ ՊԵՏԱԿԱՆ ՍԵՓԱԿԱՆՈՒԹՅՈՒՆ ՀԱՆԴԻՍԱՑՈՂ ՀՈՂԱՄԱՍԵՐԻ ՏՐԱՄԱԴՐՈՒՄԸ ԴԱԴԱՐԵՑՆԵԼՈՒ ՄԱՍԻՆ

1. Մինչև 2003 թվականի հոկտեմբերի 30-ը դադարեցնել «Սևան» ազգային պարկի և Սևանա լճի ափամերձ տարածքներում պետական սեփականություն հանդիսացող հողամասերի տրամադրումը ֆիզիկական կամ իրավաբանական անձանց:

2. Հայաստանի Հանրապետության քաղաքաշինության նախարարին` մինչև 2003 թվականի հոկտեմբերի 30-ը ապահովել Սևանա լճի ափամերձ գոտիների առաջնահերթ կառուցապատման ենթակա տարածքների գոտևորման փաստաթղթերի մշակումն ու հաստատումը:

3. Հողային պաշարների կառավարման լիազոր մարմինների ղեկավարներին ու Հայաստանի Հանրապետության Գեղարքունիքի մարզպետին` ըստ անհրաժեշտության աջակցել Հայաստանի Հանրապետության քաղաքաշինության նախարարությանը` սույն որոշման 2-րդ կետում նշված փաստաթղթերի մշակման գործում:

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2003 ԹՎԱԿԱՆԻ ՕԳՈՍՏՈՍԻ 15-ԻՆ