ՀՀ ՊԵՏԱԿԱՆ ԲՈՒՀԵՐԻ ՊՐՈՖԵՍՈՐԱԴԱՍԱԽՈՍԱԿԱՆ ԿԱԶՄԻ ՁԵՎԱՎՈՐՄԱՆ ՄԱՍԻՆ

110.0311.251196

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ ԵՎ ԳԻՏՈՒԹՅԱՆ
ՆԱԽԱՐԱՐՈՒԹՅՈՒՆ Հ Ր Ա Մ Ա Ն

«25» 11. 1996 Թ. ԹԻՎ 311-Մ

ՀՀ ՊԵՏԱԿԱՆ ԲՈՒՀԵՐԻ ՊՐՈՖԵՍՈՐԱԴԱՍԱԽՈՍԱԿԱՆ ԿԱԶՄԻ ՁԵՎԱՎՈՐՄԱՆ ՄԱՍԻՆ

«ՀՀ պետական բուհերի պրոֆեսորադասախոսական կազմի ձևավորման կանոնակարգ» - ի ներդրման նպատակով

Հ Ր Ա Մ Ա Յ Ո Ւ Մ  Ե Մ

1. Հաստատել «Հայաստանի Հանրապետության պետական բուհերի

պրոֆեսորադասախոսական կազմի ձևավորման կանոնակարգ» - ը:

2. Սույն կանոնակարգը ներկայացնել Հայաստանի Հանրապետության

արդարադատության նախարարություն` պետական գրանցման:

ՀԱՍՏԱՏՈՒՄ ԵՄ

ՀՀ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐ

___________________ Ա. ՊԵՏՐՈՍՅԱՆ

«12» ԴԵԿՏԵՄԲԵՐԻ 1996 Թ.

ՀՀ ՊԵՏԱԿԱՆ ԲՈՒՀԵՐԻ ՊՐՈՖԵՍՈՐԱԴԱՍԱԽՈՍԱԿԱՆ ԿԱԶՄԻ ՁԵՎԱՎՈՐՄԱՆ Կ Ա Ն Ո Ն Ա Կ Ա Ր Գ

1. ՊՐՈՖԵՍՈՐԱԴԱՍԱԽՈՍԱԿԱՆ ՏԱՐԱԿԱՐԳԵՐԻ ՏԱՐԻՖԱՎՈՐԱԿԱՎՈՐՄԱՆ ԲՆՈՒԹԱԳՐԵՐ

Բուհի պրոֆեսորադասախոսական կազմը ընդգրկում է հետևյալ տարակարգերը` դասախոս, ասիստենտ, դոցենտ, պրոֆեսոր:

Տարակարգերի ուսումնական, մեթոդական և գիտական բեռնվածությունն ունի ներքոհիշյալ բովանդակությունը:

ԴԱՍԱԽՈՍ. Աշխատանքների բնութագիրը.

- գործնական և լաբորատոր պարապմունքների, ուսումնական սեմինարների

անցկացում.

- հանրակրթական առարկաների դասավանդում,

- մասնագիտական առարկաներից հաշվեգրաֆիկական, կուրսային աշխատանքների և

նախագծերի ղեկավարում:

ԱՍԻՍՏԵՆՏ. Աշխատանքների բնութագիրը.

- դասախոսությունների, գործնական և լաբորատոր պարապմունքների վարում

/հիմնականում բակալավրատում/,

- ուսանողների կանոնավոր խորհրդատվությունների անցկացում,

- բակալավրատի շրջանավարտների ավարտական աշխատանքների ղեկավարում,

- մասնակցություն ուսումնական ստորաբաժանման ուսումնամեթոդական և

գիտահետազոտական աշխատանքներին:

ԴՈՑԵՆՏ. Աշխատանքների բնութագիրը.

- դասախոսությունների վարում /հիմնականում բակալավրատում, ինչպես նաև

մագիստրատուրայում և ասպիրանտուրայում/,

- գիտամեթոդական սեմինարների անցկացում,

- ասպիրանտների և մասնագետների ատենախոսությունների ղեկավարում,

- թենկածուական ատենախոսության պաշտպանությունից հետո գիտական և

ուսումնամեթոդական աշխատանքների հրատարակում,

- հետազոտական աշխատանքների կազմակերպում և իրականացում,

- զեկուցումներ հանրապետական գիտաժողովներում,

- մասնակցություն ներբուհական ծրագրային, մեթոդական և մշտական

հանձնախմբերի, խորհուրդների, որակավորման և գիտական աստիճաններ

շնորհող մարմինների, փորձագիտական և խորհրդատվական հանձնախմբերի

աշխատանքներին:

ՊՐՈՖԵՍՈՐ. Աշխատանքների բնութագիրը.

- դասախոսությունների վարում / հիմնականում մագիստրատուրայում և

ասպիրանտուրայում/,

- գիտամեթոդական սեմինարների անցկացում, ասպիրանտների և մագիստրանտների

ատենախոսությունների ղեկավարում,

- մագիստրոսական և ասպիրանտական ծրագրերով նախատեսված նոր

մասնագիտությունների, դասընթացների հիմնում և կազմակերպում,

- ատենախոսության /թեկնածուական, դոկտորական/ պաշտպանությունից հետո

գիտական և ուսումնամեթոդական աշխատանքների, մասնավորապես, գիտական

մենագրությունների և ուսումնական ձեռնարկների հրատարակում,

- զեկուցումներ հանրապետական և միջազգային գիտաժողովներում,

- ամբիոնում հետազոտական ծրագրի, խմբի, լաբորատորիայի հիմնում և

ղեկավարում,

- մասնակցություն բուհական և արտասահմանյան գիտակազմակերպական,

գիտամեթոդական, փորձագիտական, ինչպես նաև գիտական աստիճաններ շնորհող

խորհուրդների, հանձնախմբերի, հանրապետական և միջազգային

գիտատեխնիկական միությունների, ընկերակցությունների և այլ մարմինների

աշխատանքներին,

- խորհրդատվական գործունեություն,

- գիտության տվյալ բնագավառում ստացած արդյունքների բավարար ճանաչում

հանրապետությունում և նրա սահմաններից դուրս:

Բացի վերը նշված տարակարգերից, բուհերում գործում են նաև մանկավարժական այլ ՏԱՐԱԿԱՐԳԵՐ` խորհրդատու պրոֆեսոր, հրավիրված պրոֆեսոր /դոցենտ, ասիստենտ/, ուսումնական ասիստենտ, որոնց տեղակալումը բուհի ռեկտորի իրավասությունն է:

2. ՊՐՈՖԵՍՈՐԱԴԱՍԱԽՈՍԱԿԱՆ ԿԱԶՄԻ ԱՆՑՈՒՄԸ ՍԱՀՄԱՆՎԱԾ ՏԱՐԱԿԱՐԳԵՐԻՆ

Սույն կանոնակարգի 1 բաժնում նշված պրոֆեսորադասախոսական կազմի` տարակարգերին անցման /նշանակման և առաջքաշման/ որակական չափանիշներն են`

- որակավորումը, գիտական աստիճանը,

- մանկավարժական աշխատանքի ստաժը, տարիքը,

- ուսումնական, հետազոտական, մեթոդական-կազմակերպչական գործունեության

արդյունքը,

- ուսանողների կողմից դասախոսի աշխատանքի որակի գնահատականը:

ՊՐՈՖԵՍՈՐԻ տարակարգի կարող են հավակնել.

- թափուր տեղերի տեղակալման կարգով` պրոֆեսորի գիտական կոչում ունեցող

անձինք, որոնք որպես կանոն, ունեն գիտությունների դոկտորի գիտական

աստիճան,

- առաջքաշման կարգով` դոցենտի գիտական կոչում ունեցող անձինք, որոնք

ունեն գիտությունների դոկտորի գիտական աստիճան և իրականացնում են

պրոֆեսորի պաշտոնին համապատասխանող գիտամանկավարժական գործունեություն:

Անցումն իրականացվում է 9 տարվա գիտամանկավարժական աշխատանքի ստաժի

առկայության դեպքում, որից ոչ պակաս, քան 5 տարին դոցենտի տարակարգում:

ԴՈՑԵՆՏԻ տարակարգի կարող են հավակնել.

- թափուր տեղերի տեղակալման կարգով` դոցենտի գիտական կոչում ունեցող և

համապատասխան պաշտոն զբաղեցնող անձինք,

- առաջքաշման կարգով` դասախոսի և ասիստենտի պաշտոն զբաղեցնող անձինք,

որոնք գիտությունների թեկնածու են, և որոնց գիտամանկավարժական

գործունեությունը համապատասխանում է դոցենտի տարակարգին ներկայացվող

չափանիշներին:

Անցումն իրականացվում է ոչ պակաս, քան 4 տարվա գիտամանկավարժական

աշխատանքի ստաժի առկայության դեպքում:

ԱՍԻՍՏԵՆՏԻ տարակարգի կարող են հավակնել.

- թափուր տեղերի տեղակալման կարգով` ասիստենտի պաշտոն զբաղեցնող անձինք,

որոնք գիտությունների թեկնածու են,

- առաջքաշման կարգով` ուսումնական ասիստենտի կամ դասախոսի պաշտոն

զբաղեցնող անձինք, որոնք ավարտել են ասպիրանտուրան և պատրաստվում են

թեկնածուական ատենախոսության պաշտպանության:

ԴԱՍԱԽՈՍԻ տարակարգի կարող են հավակնել.

- թափուր տեղերի տեղակալման կարգով` անձինք, որոնք ունեն մագիստրոսին

համարժեք որակավորում, սակայն չունեն գիտական աստիճան, բացառությամբ`

«ֆիզկուլտուրա» և «բուժպատրաստություն» մասնագիտությունների,

- առաջքաշման կարգով` ուսումնական ասիստենտի պաշտոն զբաղեցնող անձինք:

Արվեստի և ֆիզիկական կուլտուրայի բուհերում և մանկավարժական բուհերի արվեստների ֆակուլտետներում պրոֆեսորի, դոցենտի, ասիստենտի և դասախոսի պաշտոնները զբաղեցնելու համար, մյուս բոլոր չափանիշներին համապատասխանելու դեպքում, գիտական աստիճանի առկայությունը պարտադիր պայման չէ: Առաջնայինը հավակնորդի ստեղծագործական ավանդն է արվեստի, սպորտի տվյալ ճյուղի զարգացման գործում, նրա ստեղծագործական գործունեության լայն ճանաչումը հանրապետությունում և նրա սահմաններից դուրս, ինչպես նաև տված շրջանավարտների ստեղծագործական մակարդակը:

Պրոֆեսորադասախոսական պաշտոնատեղեր զբաղեցնելու տարիքային սահմանափակումը սահմանված է օրենսդրությամբ:

2.1. ԲԱՑԱՌԻԿ ԴԵՊՔՈՒՄ ՊԱՇՏՈՆՆԵՐԻ ԱՆՑՄԱՆ ԿԱՐԳԸ

Պրոֆեսորադասախոսական կազմի տարակարգերի անցման գործընթացում նախատեսված են հետևյալ բացառիկ դեպքերը.

- ԴՈՑԵՆՏԻ տարակարգի կարող են անցնել.

- բուհում երկարամյա արդյունավետ ուսումնագիտական գործունեություն իրականացրած դասախոսները /ավագ դասախոսները/, որոնք չունեն գիտական աստիճան և դոցենտի կոչում, բայց որոնց գիտամանկավարժական գործունեությունը համապատասխանում է դոցենտին ներկայացվող որակական չափանիշներին,

- առանց մանկավարժական ստաժի սահմանափակման` բուհ հիմնական աշխատանքի հրավիրվող առաջատար մասնագետները, որոնք ունեն գիտական աստիճան և որոնց գիտամանկավարժական գործունեությունը համապատասխանում է դոցենտին ներկայացվող որակական չափանիշներին:

- ՊՐՈՖԵՍՈՐԻ տարակարգի կարող են անցնել.

- բուհում երկարամյա արդյունավետ ուսումնագիտական գործունեություն իրականացրած անձինք, ինչպես նաև համատեղության կարգով աշխատած և բուհ հիմնական աշխատանքի հրավիրվող առաջատար մասնագետները, որոնք ունեն թեկնածուի գիտական աստիճան և դոցենտի կոչում, և որոնց գիտամանկավարժական գործունեությունը համապատասխանում է պրոֆեսորին ներկայացվող որակական չափանիշներին,

- առանց մանկավարժական ստաժի սահմանափակման` բուհ հիմնական աշխատանքի հրավիրվող առաջատար մասնագետները, որոնք ունեն դոկտորի գիտական աստիճան և դոցենտի կոչում և որոնց գիտամանկավարժական գործունեությունը համապատասխանում է պրոֆեսորին ներկայացվող որակական չափանիշներին:

3. ՊՐՈՖԵՍՈՐԱԴԱՍԱԽՈՍԱԿԱՆ ԿԱԶՄԻ ՀԱՄԱԼՐՈՒՄԸ

Բուհ-ում սահմանվում է պրոֆեսորադասախոսական կազմի համալրման պայմանագրային եղանակ, որին նախորդում է թեկնածուների ընտրման մրցութային կարգը:

Պայմանագիրը կնքվում է գրավոր, 2 օրինակից, համաձայն հավելված 1-ի, ստորագրվում է և պահվում պայմանագիր կնքող կողմերից յուրաքանչյուրի մոտ:

Պայմանագրի բովանդակությունը, ձևը և մրցույթի անցկացման կարգը կցվում են /Հավելվածներ 1, 2, 3/:

Սույն կանոնակարգը ընդունվում է ՀՀ վարչապետի 1996 թ. փետրվարի 1-ի թիվ 36 որոշմամբ հաստատված «Հայաստանի Հանրապետության կրթության և գիտության նախարարության ԿԱՆՈՆԱԴՐՈՒԹՅԱՆ» 5 կետի խ/ ենթակետի հիման վրա:

ՀԱՎԵԼՎԱԾ 1

ՀՀ ՊԵՏԱԿԱՆ ԲՈՒՀԵՐԻ ՊՐՈՖԵՍՈՐԱԴԱՍԱԽՈՍԱԿԱՆ

ԿԱԶՄԻ ՁԵՎԱՎՈՐՄԱՆ ԿԱՆՈՆԱԿԱՐԳԻ

Պ Ա Յ Մ Ա Ն Ա Գ Ի Ր

      «____» ________________199  Թ.                  Քաղ. ԵՐԵՎԱՆ

___________________________________________________ ի դեմս ռեկտորի

/ բուհի անվանումը/

/պրեզիդենտի/ _________________________________ /այսուհետև` ԳՈՐԾԱՏՈՒ/ մի

/անուն, հայրանուն, ազգանուն/

կողմից և քաղ. _______________________________ /այսուհետև` ՄԱՍՆԱԳԵՏ/

/անուն, հայրանուն, ազգանուն/ մյուս կողմից, կնքեցին սույն պայմանագիրը հետևյալի մասին.

1. Գործատուն նշանակում է քաղ. _______________________________________

որպես __________________________________________________________________ համաձայն բուհի օրենսդրության, պրոֆեսորադասախոսական կազմի հետ աշխատանքային պայմանագրեր կնքելու կարգի /այսուհետև` ԿԱՐԳ/ և ՀՀ գործող աշխատանքային օրենսդրության` սույն պայմանագրի գործողության սահմաններում:

2. Սույն պայմանագիրը կարգավորում է աշխատանքային և այլ հարաբերությունները Գործատուի և Մասնագետի միջև:

3. Մասնագետը աշխատանքները սույն պայմանագրով իրականացնում է __________ դրույքով: Մասնագետի համար սահմանվում է փորձաշրջան ____________ ամսով:

4. Մասնագետին հանձնարարվում է իրականացնել հետևյալ աշխատանքները.

._______________________________________________________________________.

|Թիվ     Գործունեության    Աշխատանքի տեսակները,  Ժամկետը  Հաշվետվության |

|           ձևերը           ձևերը  և  ծավալը                  ձևը       |

|_______________________________________________________________________|

| 1.     Ուսումնական                                                    |

|_______________________________________________________________________|

| 2.     Հետազոտական                                                    |

|_______________________________________________________________________|

| 3.     Մեթոդական -                                                    |

|        կազմակերպական                                                  |

._______________________________________________________________________.

5. Սույն պայմանագիրը կնքվում է _________________ տարի ժամկետով

«_____» _______________ 199 թ. մինչև «_____» ____________ 199 թ.:

6. Մասնագետի մշտական աշխատավայրը գտնվում է թիվ ____ սենյակում / ______ մասնաշենք, հեռ. _____________/:

7. Մասնագետի համար սահմանվում է 5/6/-օրյա աշխատանքային շաբաթ / 36, 40 ժամ / մեկ/երկու/ ազատ օրով /շաբաթ, կիրակի/: Մասնագետի աշխատակարգը սահմանվում է Գործատուի կողմից` համաձայն բուհի հերթափոխային գրաֆիկի:

8. Մասնագետի համար սահմանվում է ամսական պաշտոնային դրույք ___________ ___________ դրամ:

Լրացուցիչ սահմանվում է նաև`

8.1 Ամսական հավելավճար ______________________ դրամ:

8.2 Պարգևատրում մինչև ______________________ դրամ:

8.3 Խրախուսում` բարձր մակարդակով կատարված որոշակի աշխատանքի համար, մինչև ________________ դրամ:

9. Մասնագետի համար սահմանվում է ամենամյա վճարովի արձակուրդ ___________ աշխատանքային օր տևողությամբ:

10. Մասնագետի աշխատավարձի ինդեքսավորումը, աշխատավարձի և օրենքով սահմանված այլ եկամուտների գումարից գանձվող հարկը կարգավորվում են ՀՀ գործող օրենսդրությամբ սահմանված չափով և կարգով:

11. Մասնագետի աշխատանքային գրքույկում կատարվում է գրանցում, համաձայն ՀՀ գործող աշխատանքային օրենսդրության:

12. Մասնագետը օգտվում է բոլոր երաշխիքներից և իրավունքներից, որոնք սահմանված են ՀՀ գործող աշխատանքային օրենսդրությամբ և բուհի օրինադրությամբ: Մասնագետը սույն պայմանագրի գործողության ընթացքում ենթակա է պետական սոցիալական ապահովագրման բոլոր ձևերին:

13. Պայմանագիր կնքող կողմերի միջև վեճերը լուծվում են Մասնագետի և Գործատուի անմիջական բանակցություններով կամ ՀՀ գործող աշխատանքային օրենսդրությամբ սահմանված կարգով:

14. Պայմանագիրը կարող է վաղաժամկետ դադարեցվել օրենսդրությամբ սահմանված կարգով`

- կողմերից մեկի նախաձեռնությամբ, եթե մյուս կողմը չի կատարել պայմանագրի պայմանները.

- կողմերի համաձայնությամբ` կապված մասնագետի առաջքաշման հետ:

15. Սույն պայմանագրի կետերը ունեն պարտադիր իրավական ուժ և կարող են փոփոխվել միայն կողմերի համաձայնությամբ:

16. Պայմանագրի փոփոխումները և լրացումները շարադրվում են սույն պայմանագրին կցվող լրացուցիչ համաձայնագրերում, որոնք պայմանագրի անբաժանելի մասերն են:

17. Սույն պայմանագիրը կազմվում է 2 օրինակից, ստորագրվում և պահվում է կողմերից յուրաքանչյուրի մոտ:

18. Սույն պայմանագիրը ուժի մեջ է մտնում ստորագրման պահից, եթե նրանում այլ ժամկետ չի նախատեսված:

19. Հատուկ պայմաններ

ա/ _________________________________________________________________

բ/ _________________________________________________________________

գ/ _________________________________________________________________

           ՄԱՍՆԱԳԵՏ                         ԳՈՐԾԱՏՈՒ

 ________________________________      _______________________________

         / Ա.Հ.Ա./                         /բուհի անվանումը/

Անձնագրի սերիան ________________

 ________________________________      հեռ. __________________________

տրված «____»______________ 199 թ.

 գրանցված _______________________           ՌԵԿՏՈՐ /ՊՐԵԶԻԴԵՆՏ/

________________________________

 հեռ. ___________________________      _______________________________

________________________________

     / ստորագրություն /                     / ստորագրություն/

ՀԱՎԵԼՎԱԾ 2

ՀՀ ՊԵՏԱԿԱՆ ԲՈՒՀԵՐԻ ՊՐՈՖԵՍՈՐԱԴԱՍԱԽՈՍԱԿԱՆ

ԿԱԶՄԻ ՁԵՎԱՎՈՐՄԱՆ ԿԱՆՈՆԱԿԱՐԳԻ

ՊԱՅՄԱՆԱԳՐԻ ԲՈՎԱՆԴԱԿՈՒԹՅՈՒՆԸ

- Պայմանագրում նշվում են`

պայմանագիր կնքող կողմերը,

պայմանագրի կնքման նպատակը, առարկան, իրագործվելիք աշխատանքների

որակական և քանակական ցուցանիշները,

պայմանագրի գործողության ժամկետը, աշխատանքի կազմակերպման և

վարձատրման պայմանները,

աշխատանքի ընթացքի հսկման, գնահատման և ընդունման կարգը,

կողմերի իրավունքները, պարտականություններն ու պատասխանատվությունը,

կողմերի ստանձնած պարտականությունների կատարման համար անհրաժեշտ

սոցիալ-կենցաղային և այլ պայմանները,

պայմանագրի գործողության դադարեցման և լուծման հիմքերը:

- Պայմանագրում արտացոլվում են` Մասնագետին առաջադրվող պաշտոնը,

նրան հանձնարարվող աշխատանքների թեմատիկան /տեխնիկական առաջադրանքը/ և

աշխատանքի տարբեր ձևերին ներկայացվող որակական պահանջները, առանձին

բաժինների ծավալները, կատարման ժամկետներն ու հաշվետվության ձևերը:

- Պայմանագիրը կարող է կնքվել մինչև 5 տարի ժամկետով` համաձայն բուհի

օրինադրությամբ սահմանված կարգի: Պաշտոնում առաջին անգամ նշանակվող անձի

համար կարող է սահմանվել փորձաշրջան` մինչև 6 ամիս ժամկետով: Պայմանագրում

նշվում են աշխատանքի բնույթը /հիմնական, համատեղում/ և դրույքի չափը:

- Պայմանագրով իրագործվող աշխատանքը, որպես կանոն, Մասնագետի հիմնական

դրույքն է:

- Մասնագետի աշխատանքային գրքույկում կատարվում է համապատասխան գրանցում

ՀՀ գործող օրենսդրության համաձայն:

- Գործատուն իրագործում է Մասնագետի աշխատանքի ծավալի, որակի և

կատարման ժամկետների վերահսկողություն: Պայմանագրի իրականացման ժամկետները

խախտելու դեպքում նրա նկատմամբ կիրառում են օրենսդրությամբ սահմանված

ներգործության միջոցները:

ՀԱՎԵԼՎԱԾ 3

ՀՀ ՊԵՏԱԿԱՆ ԲՈՒՀԵՐԻ ՊՐՈՖԵՍՈՐԱԴԱՍԱԽՈՍԱԿԱՆ

ԿԱԶՄԻ ՁԵՎԱՎՈՐՄԱՆ ԿԱՆՈՆԱԿԱՐԳԻ

ՄՐՑՈՒՅԹԻ ԱՆՑԿԱՑՄԱՆ ԿԱՐԳԸ

Բարձրագույն ուսումնական հաստատությունը մրցույթ է հայտարարում պրոֆեսորադասախոսական տարակարգերի թափուր պաշտոնների զբաղեցման համար:

Մրցույթի անցկացման մասին հայտարարվում է մամուլում: Դիմումնեի ընդունումը կատարվում է հայտարարության հրապարակումից մեկ ամսվա ընթացքում:

Մրցույթին մասնակցել ցանկացողները ներկայացնում են դիմում ռեկտորի անունով` կցելով հետևյալ փաստաթղթերը.

- կադրերի հաշվառման անձնական թերթիկ,

- ինքնակենսագրություն,

- բարձրագույն կրթության դիպլոմի պատճեն,

- գիտական աստիճանի դիպլոմի, գիտական կոչման վկայականի պատճենները,

- բնութագիր վերջին աշխատավայրից,

- գիտական աշխատանքների և հայտնագործությունների ցանկը:

Տվյալ բուհում աշխատող և մրցույթին մասնակցել ցանկացողները ներկայացնում են դիմում ռեկտորի անունով և գիտական աշխատանքների ու հայտնագործությունների ցանկը:

Պրոֆեսորների մրցույթը անց է կացվում բուհի, իսկ դոցենտների, ասիստենտների և դասախոսներինը ֆակուլտետի /դեպարտամենտի/ գիտխորհուրդներում:

Համաբուհական ամբիոնների պրոֆեսորադասախոսական տարակարգերի մրցույթն անց է կացվում բուհի գիտխորհրդում:

Մրցույթին ներկայացված փաստաթղթերը և թեկնածուի որակական չափանիշները նախօրոք քննարկվում են համապատասխան ամբիոնի նիստում, ընդունված եզրակացությունը ներկայացվում է համապատասխան գիտխորհրդին:

Գիտական խորհրդի նիստում յուրաքանչյուր թեկնածուի համար հրապարակվում են ամբիոնի եզրակացությունը:

Քվեարկության համար գիտխորհուրդը իր կազմից, ոչ պակաս 3 անդամից, ընտրում է ձայներ հաշվող հանձնաժողով, որը հրապարակում է ընտրության արդյունքները ըստ յուրաքանչյուր թեկնածուի:

Մրցույթը անց է կացվում փակ, գաղտնի քվեարկությամբ:

Ձայներ հաշվող հանձնաժողովի արձանագրությունը հաստատվում է գիտխորհրդի կողմից և կցվում մրցույթի նյութերին:

Մրցույթն անցկացնելիս գիտխորհրդի որոշումը համարվում է օրինական եթե մրցույթի անցկացմանը մասնակցել է գիտխորհրդի հաստատված կազմի 2/3-ը: Մրցույթով անցած է համարվում այն թեկնածուն, որը հավաքել է ձայների մեծամասնություն, բայց ոչ պակաս գիտխորհրդի ներկա անդամների ձայների 50 տոկոսը:

Մեկից ավելի թեկնածուների դեպքում բուհի ռեկտորին իրավունք է վերապահվում իր հայեցողությամբ պայմանագիր կնքել նրանցից մեկի հետ:

ԳՐԱՆՑՎԱԾ Է

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ

ՆԱԽԱՐԱՐՈՒԹՅԱՆ ԿՈՂՄԻՑ «16» 12 1996 Թ.

ՊԵՏԱԿԱՆ ԳՐԱՆՑՄԱՆ ԹԻՎ 12960084