(ուժը կորցրել է 25.09.2025 թիվ 1383-Ն որոշում)
i
040.0946.100704
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«10» հուլիսի 2004 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
10 հունիսի 2004 թվականի N 946-Ն
i
ՀՅՈՒՐԱՆՈՑԱՅԻՆ ԾԱՌԱՅՈՒԹՅՈՒՆՆԵՐ ՄԱՏՈՒՑԵԼՈՒ ԿԱՐԳՆ ՈՒ ՊԱՅՄԱՆՆԵՐԸ ՍԱՀՄԱՆԵԼՈՒ, ՀՅՈՒՐԱՆՈՑԱՅԻՆ ՏՆՏԵՍՈՒԹՅԱՆ ՕԲՅԵԿՏՆԵՐԻ ՈՐԱԿԱՎՈՐՄԱՆ ԿԱՐԳԵՐԸ ԵՎ ՈՐԱԿԱՎՈՐՄԱՆ ԸՆԹԱՑԱԿԱՐԳԸ ՀԱՍՏԱՏԵԼՈՒ ՄԱՍԻՆ
(1-ին մաս)
Համաձայն «Զբոսաշրջության և զբոսաշրջային գործունեության մասին» Հայաստանի Հանրապետության օրենքի 6-րդ հոդվածի 2-րդ և 3-րդ կետերի` Հայաստանի Հանրապետության կառավարությունը որոշում է.
i
1. Սահմանել հյուրանոցային ծառայություններ մատուցելու հետևյալ կարգն ու պայմանները`
ա) հյուրանոցային ծառայությունների մատուցման որակը պետք է համապատասխանի նորմատիվ իրավական ակտերի և հյուրանոցային ծառայությունների մատուցման պայմանագրի պահանջներին,
բ) հյուրանոցային տնտեսության օբյեկտները կամավորության սկզբունքով կարող են ստանալ որակավորման կարգ,
գ) հյուրանոցային տնտեսության օբյեկտների որակավորման կարգ շնորհվում է սույն որոշմամբ սահմանված պահանջներին համապատասխան,
դ) որակավորման կարգ ունեցող հյուրանոցային տնտեսության օբյեկտների նյութատեխնիկական ապահովումը և մատուցվող ծառայությունների ցանկը պետք է համապատասխանեն շնորհված որակավորման կարգի պահանջներին.
ե) սույն որոշմամբ սահմանված որակավորման կարգերի պահանջների փոփոխության դեպքում որակավորման կարգ ունեցող հյուրանոցային տնտեսության օբյեկտների նյութատեխնիկական ապահովումը և ծառայությունները ենթակա են համապատասխանեցման որակավորման կարգի պահանջներին` որոնցում փոփոխություն կատարելու մասին Հայաստանի Հանրապետության կառավարության որոշումն ուժի մեջ մտնելու պահից 90 օրվա ընթացքում:
(1-ին կետը փոփ. 02.08.07 թիվ 873-Ն, 31.10.13 թիվ 1200-Ն որոշումներ)
2. Հաստատել`
ա) հյուրանոցային տնտեսության օբյեկտների որակավորման ընթացակարգը` համաձայն N 1 հավելվածի.
բ) հյուրանոցային տնտեսության օբյեկտների որակավորման կարգերը` համաձայն NN 2, 3, 4, 5, 6, 7, 8, 9 և 10 հավելվածների.
գ) հյուրանոցային տնտեսության օբյեկտների որակավորման վկայականի ձևը` համաձայն N 11 հավելվածի:
3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2004 ԹՎԱԿԱՆԻ ՀՈՒՆԻՍԻ 28-ԻՆ
Հավելված N 1
ՀՀ կառավարության
2004 թվականի հունիսի 10-ի
N 946-Ն որոշման
ԸՆԹԱՑԱԿԱՐԳ ՀՅՈՒՐԱՆՈՑԱՅԻՆ ՏՆՏԵՍՈՒԹՅԱՆ ՕԲՅԵԿՏՆԵՐԻ ՈՐԱԿԱՎՈՐՄԱՆ
I. ԸՆԴՀԱՆՈՒՐ ԴՐՈՒՅԹՆԵՐ
1. Սույն կարգով սահմանվում է հյուրանոցային տնտեսության օբյեկտների որակավորման ընթացակարգը (այսուհետ` ընթացակարգ)` համաձայն «Զբոսաշրջության և զբոսաշրջային գործունեության մասին» Հայաստանի Հանրապետության օրենքի պահանջների:
2. Հյուրանոցային տնտեսության օբյեկտների որակավորման հիմնական նպատակներն են`
ա) մատուցվող հյուրանոցային ծառայությունների կայուն որակի ապահովումը.
բ) սպառողի` հյուրանոցային ծառայությունների ընտրությանն աջակցելը.
գ) հյուրանոցային տնտեսության օբյեկտների մրցունակության բարձրացմանն աջակցելը:
i
3. Հյուրանոցային տնտեսության օբյեկտները որակավորում է Հայաստանի Հանրապետության էկոնոմիկայի նախարարությունը (այսուհետ` որակավորող մարմին)` սույն ընթացակարգին և հյուրանոցային տնտեսության օբյեկտների որակավորման կարգերին համապատասխան:
(3-րդ կետը փոփ. 31.10.13 թիվ 1200-Ն որոշում)
------------------------------------------------------------------
ԻՐՏԵԿ - 29.01.16 թիվ 50-Ն որոշման 1-ին կետի 1-ին ենթակետի
համաձայն հավելվածի 3-րդ կետում «Հայաստանի Հանրապետության
էկոնոմիկայի զարգացման նախարարությունը» բառերը պետք է փոխարինել
«Հայաստանի Հանրապետության էկոնոմիկայի նախարարությունը» բառերով,
սակայն 31.10.13 թվականի թիվ 1200-Ն որոշման համաձայն արդեն իսկ
կատարվել էր համապատասխան փոփոխությունը և նոր փոփոխություն
կատարելու անհրաժեշտությունը չկա:
------------------------------------------------------------------
II. ՀՅՈՒՐԱՆՈՑԱՅԻՆ ՏՆՏԵՍՈՒԹՅԱՆ ՕԲՅԵԿՏՆԵՐԻ ՈՐԱԿԱՎՈՐՄԱՆ ՀԱՄԱՐ ՆԵՐԿԱՅԱՑՎՈՂ ԱՆՀՐԱԺԵՇՏ ՓԱՍՏԱԹՂԹԵՐԸ
i
4. Հյուրանոցային տնտեսության օբյեկտի որակավորման կարգ ստանալու նպատակով հյուրանոցային ծառայություններ մատուցող իրավաբանական կամ ֆիզիկական անձը (Հայաստանի Հանրապետության օրենսդրությամբ սահմանված դեպքերում) կամ անհատ ձեռնարկատերը (այսուհետ` հայտատու) որակավորող մարմին է ներկայացնում հայտ` թղթային կամ էլեկտրոնային եղանակով` համաձայն ձևի:
(4-րդ կետը փոփ. 31.10.13 թիվ 1200-Ն, 29.01.16 թիվ 50-Ն որոշումներ)
i
4.1. Էլեկտրոնային եղանակով հայտը ներկայացնելու և ընդունելու գործընթացն իրականացվում է հետևյալ կերպ`
ա) որակավորման կարգ ստանալու համար հայտատուն Հայաստանի Հանրապետության էլեկտրոնային կառավարման համակարգի (www.e-gov.am կայքի) «Լիցենզիաների, վկայականների և հավաստագրերի հայտերի ընդունման համակարգ» բաժնում տրամադրող գերատեսչություններից Հայաստանի Հանրապետության էկոնոմիկայի նախարարությունը նշելուց հետո ընտրում է «Հայաստանի Հանրապետությունում հյուրանոցային տնտեսության օբյեկտների որակավորում» ենթաբաժինը, ինչպես նաև հայտատուի տեսակը և լրացնում հայտը` համաձայն ձևի` կցելով սույն ընթացակարգի 5-րդ կետով սահմանված փաստաթղթերը: Հայտի համապատասխան դաշտերը լրացնելուց հետո հայտն ստորագրվում է Հայաստանի Հանրապետության օրենսդրությամբ սահմանված կարգով էլեկտրոնային թվային ստորագրությամբ` համապատասխան ֆորմատի ֆայլի տեսքով (PDF): Սույն ընթացակարգի 5-րդ կետով սահմանված փաստաթղթերը ներկայացվում են տեսաներածված պատճենի` համապատասխան ֆորմատի ֆայլի տեսքով (DOC, DOCX, PDF, JPEG, XLS կամ XLSX,).
բ) հայտը համարվում է ընդունված` որակավորող մարմին մուտք լինելու օրվանից: Էլեկտրոնային եղանակով հայտի մուտքագրված լինելու փաստը հավաստվում է հետադարձ ծանուցմամբ, որը պարունակում է 12-նիշանոց ծածկագիր: Հայտատուն հայտի ընթացքին կարող է հետևել նշված 12-նիշանոց ծածկագրով համակարգ մուտք գործելու միջոցով,
գ) հայտատուն սույն ընթացակարգի 19-րդ կետով նախատեսված դրական եզրակացությամբ արձանագրությունն ստանալուց հետո երեք աշխատանքային օրվա ընթացքում որակավորող մարմին է ներկայացնում այն փաստաթղթերի բնօրինակները, որոնք օրենքով կամ սույն ընթացակարգով որակավորող մարմին պետք է ներկայացվեն բնօրինակի տեսքով, իսկ լիազորված անձի դեպքում` լիազորագիրը և անձը հաստատող փաստաթուղթը,
դ) որակավորող մարմինը հայտատուի կողմից ներկայացված փաստաթղթերի բնօրինակները համեմատում է էլեկտրոնային եղանակով ներկայացված հայտին կցված փաստաթղթերի տեսաներածված պատճենների հետ` դրանց պատշաճ լինելու մեջ հավաստիանալու նպատակով:
(4.1-ին կետը լրաց. 31.10.13 թիվ 1200-Ն, 29.01.16 թիվ 50-Ն որոշումներ)
5. Հայտին կից ներկայացվում են`
i
ա) (ա ենթակետն ուժը կորցրել է 28.04.11 թիվ 636-Ն որոշում)
i
բ) հայտը ներկայացնելու պահից ոչ ավելի, քան 10 տարի առաջ ուժի մեջ մտած հյուրանոցային տնտեսության օբյեկտի շահագործման փաստագրման ակտը` «Քաղաքաշինության մասին» Հայաստանի Հանրապետության օրենքին համապատասխան, տեխնիկական անձնագիրը` քաղաքաշինության բնագավառում Հայաստանի Հանրապետության կառավարության լիազոր մարմնի սահմանած կարգին համապատասխան, կամ շահագործման ենթակա լինելը հավաստող` Հայաստանի Հանրապետության օրենսդրությամբ նախատեսված այլ փաստաթուղթ.
i
գ) օրենքով և այլ իրավական ակտերով սահմանված հրդեհային անվտանգության պահանջներին հյուրանոցային տնտեսության օբյեկտի համապատասխանության մասին հրդեհային անվտանգության բնագավառում լիազոր մարմնի եզրակացություն` տրված ոչ շուտ, քան հայտը ներկայացնելու պահից 30 օր առաջ.
դ) Հայաստանի Հանրապետության կառավարության լիազոր մարմնի եզրակացությունը սանիտարահամաճարակային անվտանգության ապահովվածության մասին` տրված ոչ շուտ, քան հայտը ներկայացնելու պահից 30 օր առաջ.
ե) հյուրանոցային տնտեսության օբյեկտ հանդիսացող անշարժ գույքի նկատմամբ հայտատուի սեփականության կամ օգտագործման վկայականի պատճենը:
(5-րդ կետը փոփ. 02.08.07 թիվ 873-Ն, 28.04.11 թիվ 636-Ն, 31.10.13 թիվ 1200-Ն որոշումներ)
III. ՀՅՈՒՐԱՆՈՑԱՅԻՆ ՏՆՏԵՍՈՒԹՅԱՆ ՕԲՅԵԿՏՆԵՐԻ ՈՐԱԿԱՎՈՐՈՒՄԸ
i
6. Հայտն ստանալուց հետո 5 աշխատանքային օրվա ընթացքում որակավորող մարմինը քննարկում է այն, շարունակում որակավորման գործընթացը կամ ընդունում որոշում հայտը մերժելու մասին:
(6-րդ կետը փոփ. 31.10.13 թիվ 1200-Ն, 29.01.16 թիվ 50-Ն որոշումներ)
7. Քննարկման արդյունքում որակավորող մարմինը մերժում է հայտը, եթե`
i
ա) բացակայում է սույն ընթացակարգի 4.1-ին կետի «գ» ենթակետով, 5-րդ և 19.1-ին կետերով նախատեսված փաստաթղթերից առնվազն մեկը և սույն ընթացակարգի 9-րդ կետով սահմանված ժամկետում չի վերացվել թերությունը.
բ) ներկայացված փաստաթղթերն ակնհայտորեն խեղաթյուրված են կամ կեղծիք են պարունակում.
գ) սույն ընթացակարգի 9-րդ կետում նշված դեպքում հայտատուն սահմանված ժամկետում չի վերացրել թերությունները.
դ) ներկայացված փաստաթղթերից պարզվում է, որ հյուրանոցային տնտեսության օբյեկտը ենթակա չէ շահագործման կամ հյուրանոցային տնտեսության օբյեկտում ապահովված չէ օրենքով և այլ իրավական ակտերով սահմանված հրդեհային անվտանգության կամ սանիտարական պահանջների կատարումը.
ե) ներկայացված փաստաթղթերը չեն համապատասխանում Հայաստանի Հանրապետության օրենսդրությանը, կամ փաստաթղթերը ներկայացվել են սույն ընթացակարգով սահմանված ժամկետների խախտմամբ.
զ) սույն ընթացակարգի 19.1-ին կետով նախատեսված ժամկետում հայտատուն չի վճարել պետական տուրքը:
(7-րդ կետը փոփ. 02.08.07 թիվ 873-Ն, 31.10.13 թիվ 1200-Ն, 29.01.16 թիվ 50-Ն որոշումներ)
i
8. Որակավորող մարմինը հայտի մերժման մասին որոշումն ընդունելուց հետո 3 աշխատանքային օրվա ընթացքում հայտում նշված եղանակով տեղեկացնում է հայտատուին` նշելով մերժման հիմքերը:
(8-րդ կետը փոփ. 29.01.16 թիվ 50-Ն որոշում)
i
9. Հայտում կամ ներկայացված փաստաթղթերում ոչ էական թերությունների (վրիպակներ, ոչ իրավաբանական անճշտություններ և այլ նման բացթողումներ) առկայության դեպքում որակավորող մարմինը հայտն ստանալուց հետո 5 աշխատանքային օրվա ընթացքում դրա մասին հայտում նշված եղանակով տեղեկացնում է նախազգուշացնում է հայտատուին` հաջորդող 5 աշխատանքային օրվա ընթացքում թերությունները վերացնելու համար:
(9-րդ կետը փոփ. 31.10.13 թիվ 1200-Ն, 29.01.16 թիվ 50-Ն որոշումներ)
10. Որակավորման գործընթացը շարունակվում է, եթե`
i
ա) սույն ընթացակարգի 9-րդ կետում նշված ժամկետում որակավորող մարմինը հայտատուին չի ծանուցել ոչ էական թերությունների մասին.
բ) սույն ընթացակարգի 9-րդ կետում նշված ծանուցումն ստանալուց հետո 5 աշխատանքային օրվա ընթացքումհայտատուն վերացրել է թերությունները:
(10-րդ կետը փոփ. 29.01.16 թիվ 50-Ն որոշում)
11. Սույն ընթացակարգի 10-րդ կետում նշված դեպքում` օրենքով նախատեսված պահանջներին և սույն ընթացակարգով սահմանված ու հայտում նշված որակավորման կարգի պահանջներին, արտաքին ու ներքին հարդարման, սարքավորումների և մատուցվող ծառայությունների առումով միջազգայնորեն ընդունված որակավորման պահանջներին (այսուհետ` որակավորման պայմաններ) հյուրանոցային տնտեսության օբյեկտի որակավորման պայմանների համապատասխանության գնահատման նպատակով որակավորող մարմինն ստեղծում է գնահատող հանձնաժողով (այսուհետ` գնահատող հանձնաժողով) և նշանակում գնահատող հանձնաժողովի նախագահին:
12. Գնահատող հանձնաժողովի նախագահը կազմակերպում և ղեկավարում է հանձնաժողովի աշխատանքը:
i
13. Գնահատող հանձնաժողովը բաղկացած է 11 անդամից և իր կազմում ընդգրկում է ներկայացուցիչներ`
ա) որակավորող մարմնի համապատասխան ստորաբաժանումներից,
բ) հյուրանոցային կամ զբոսաշրջային ծառայությունների բնագավառում` մասնագիտական որակավորում կամ աշխատանքային փորձ ունեցող անձանցից, որոնք ներկայացված կլինեն հյուրանոցային կամ զբոսաշրջային ոլորտները ներկայացնող հասարակական կազմակերպությունների կամ իրավաբանական անձանց միությունների կողմից (համաձայնությամբ),
գ) քաղաքաշինության բնագավառում` Հայաստանի Հանրապետության կառավարության լիազոր մարմնից,
դ) սանիտարահամաճարակային անվտանգության բնագավառում` Հայաստանի Հանրապետության կառավարության լիազոր մարմնից,
ե) արտակարգ իրավիճակների բնագավառում` Հայաստանի Հանրապետության կառավարության լիազոր մարմնից,
զ) տեղական ինքնակառավարման և այլ շահագրգիռ մարմիններից (համաձայնությամբ),
է) սպառողների շահերը ներկայացնող հասարակական կազմակերպություններից (համաձայնությամբ),
ը) նկարիչների, ճարտարապետների և դիզայներների միություններից (համաձայնությամբ),
թ) օտար լեզվի համապատասխան մասնագետներից (համաձայնությամբ):
(13-րդ կետը փոփ. 31.10.13 թիվ 1200-Ն որոշում)
14. Գնահատող հանձնաժողովը`
i
ա) սահմանում է հյուրանոցային տնտեսության օբյեկտի որակավորման գնահատման ժամկետները` գնահատումն սկսվելուց առնվազն 5 աշխատանքային օր առաջ տեղեկացնելով հայտատուին,
բ) գնահատում է որակավորման պայմաններին հյուրանոցային տնտեսության օբյեկտի համապատասխանությունը,
գ) տալիս է եզրակացություն որակավորման պայմաններին հյուրանոցային տնտեսության օբյեկտի համապատասխանության մասին:
(14-րդ կետը փոփ. 29.01.16 թիվ 50-Ն որոշում)
i
14.1. Որակավորման պայմաններին հյուրանոցային տնտեսության օբյեկտի համապատասխանության գնահատումը հանձնաժողովն իրականացնում է տեղում:
(14.1-րդ կետը լրաց. 02.08.07 թիվ 873-Ն որոշում)
14.2. Սույն ընթացակարգի 14-րդ կետի «ա» և «գ» ենթակետերով նախատեսված հարցերը, այդ թվում` նաև գնահատման արդյունքները քննարկվում և դրանց վերաբերյալ որոշումներ են ընդունվում գնահատող հանձնաժողովի նիստերում:
Գնահատող հանձնաժողովի նիստն իրավազոր է (քվորում ունի), եթե նիստին մասնակցում է հանձնաժողովի անդամների կեսից ավելին:
(14.2-րդ կետը լրաց. 02.08.07 թիվ 873-Ն որոշում)
15. Հանձնաժողովի նիստն արձանագրվում է:
i
Արձանագրությունը, որը ներառում է սույն ընթացակարգի 14-րդ կետի «գ» ենթակետով նախատեսված եզրակացությունը, կազմվում է 3 օրինակից և ստորագրվում հանձնաժողովի նախագահի և նիստին մասնակցած հանձնաժողովի անդամների կողմից:
(15-րդ կետը փոփ. 02.08.07 թիվ 873-Ն որոշում)
16. Գնահատող հանձնաժողովի կողմից եզրակացության հաստատման մասին որոշումն ընդունվում է հանձնաժողովի նիստին մասնակցած անդամների ձայների պարզ մեծամասնությամբ:
(16-րդ կետը փոփ. 02.08.07 թիվ 873-Ն որոշում)
17. Գնահատող հանձնաժողովի յուրաքանչյուր անդամ ունի մեկ ձայնի իրավունք, ընդ որում, ձայների հավասարության դեպքում հանձնաժողովի նախագահի ձայնը վճռորոշ է:
18. Գնահատող հանձնաժողովը եզրակացությունն ընդունելիս` հաշվի է առնում սույն ընթացակարգի IV գլխում նշված թույլատրելի շեղումները:
19. Արձանագրության մեկ օրինակը հանձնվում է հայտատուին, որն այն ստանալու փաստը հաստատում է իր ստորագրությամբ` արձանագրության մյուս օրինակների վրա: Արձանագրության մյուս 2 օրինակները հանձնվում են որակավորող մարմնին:
i
19.1. Հայտատուն սույն ընթացակարգի 19-րդ կետով նախատեսված դրական եզրակացությամբ արձանագրությունն ստանալուց հետո 3 աշխատանքային օրվա ընթացքում որակավորող մարմին է ներկայացնում պետական տուրքի վճարման անդորրագիրը, իսկ էլեկտրոնային վճարման պետական համակարգի միջոցով վճարում կատարելու դեպքում` էլեկտրոնային համակարգի կողմից գեներացված անդորրագիրը կամ անդորրագրի 20-նիշանոց համարը: Հայտատուի կողմից պետական տուրքի վճարումը հավաստող փաստաթուղթ չներկայացվելու դեպքում որակավորող մարմինը հայտը բավարարելու մասին որոշումն ընդունելուց հետո 2 աշխատանքային օրվա ընթացքում պետական տուրքի վճարման մասին հավաստիանում է գանձապետական առցանց կառավարման համակարգի կամ պետական վճարումների էլեկտրոնային համակարգի միջոցով:
(19.1-ին կետը լրաց. 31.10.13 թիվ 1200-Ն, 29.01.16 թիվ 50-Ն որոշումներ)
i
20. Գնահատող հանձնաժողովի դրական եզրակացության դեպքում` որակավորող մարմինը եզրակացությունն ստանալուց հետո 5 աշխատանքային օրվա ընթացքում ընդունում է հայտը բավարարելու և հյուրանոցային տնտեսության օբյեկտին համապատասխան որակավորման կարգ շնորհելու մասին որոշում և հայտատուին հանձնում է Հայաստանի Հանրապետության կառավարության 2004 թվականի հունիսի 10-ի N 946-Ն որոշմամբ սահմանված որակավորման վկայական` ընդ որում, էլեկտրոնային եղանակով ներկայացված դիմումի պարագայում կից փաստաթղթերի բնօրինակները ներկայացնելու դեպքում, որոնք Հայաստանի Հանրապետության օրենսդրությամբ սահմանված կարգով լիազորված մարմին պետք է ներկայացվեն բնօրինակի տեսքով (իսկ լիազորված անձի դեպքում` նաև համապատասխան լիազորագիրը և անձը հաստատող փաստաթուղթը ներկայացնելու դեպքում):
Հայտատուի դիմումով սույն կետով նախատեսված որակավորման վկայականը կարող է տրվել նաև այլ լեզվով:
(20-րդ կետը փոփ. 02.08.07 թիվ 873-Ն, 29.01.16 թիվ 50-Ն որոշումներ)
21. Որակավորման վկայականը տրվում է 5 տարի ժամկետով:
i
22. Գնահատող հանձնաժողովի բացասական եզրակացության դեպքում որակավորող մարմինը մերժում է հայտը, եթե`
ա) հայտատուն արձանագրությունն ստանալուց հետո 23 աշխատանքային օրվա ընթացքում առձեռն կամ փոստով կամ էլեկտրոնային եղանակով չի ծանուցել որակավորող մարմնին անհամապատասխանությունները վերացված լինելու մասին, կամ`
բ) սույն կետի «ա» ենթակետով նախատեսված ծանուցումից հետո կատարված գնահատման արդյունքում գնահատող հանձնաժողովի եզրակացությունը կրկին բացասական է:
(22-րդ կետը փոփ. 02.08.07 թիվ 873-Ն, 29.01.16 թիվ 50-Ն որոշումներ)
i
23. Որակավորող մարմինը մերժման մասին որոշումն ընդունելուց հետո 3 աշխատանքային օրվա ընթացքում դրա մասին պատշաճ ձևով ծանուցում է հայտատուին` ծանուցման մեջ նշելով մերժման հիմքերը:
(23-րդ կետը փոփ. 29.01.16 թիվ 50-Ն որոշում)
24. Որակավորման կարգ ստանալու մասին հայտի մերժման վերաբերյալ որոշումը կարող է բողոքարկվել դատական կարգով:
i
25. Սույն ընթացակարգով նախատեսված որակավորման կարգ ունեցող հյուրանոցային տնտեսության օբյեկտի որակավորման կարգը կարող է փոփոխվել կամ որակավորման վկայականի գործողությունը կարող է երկարաձգվել հյուրանոցային ծառայություններ մատուցող անձի հայտի հիման վրա` թղթային կամ էլեկտրոնային եղանակով սույն ընթացակարգին համապատասխան:
Որակավորման վկայականի գործողությունը երկարաձգելու մասին հայտը ներկայացվում է որակավորման վկայականի գործողության ժամկետի ավարտից առնվազն 3 ամիս առաջ:
(25-րդ կետը փոփ. 02.08.07 թիվ 873-Ն, 29.01.16 թիվ 50-Ն որոշումներ)
i
26. Սույն ընթացակարգի 25-րդ կետով նախատեսված դեպքերում հայտին կից կարող են չներկայացվել սույն ընթացակարգի 5-րդ կետի «բ» և «ե» ենթակետերով նախատեսված փաստաթղթերը, եթե գործող որակավորման կարգն ստանալու համար հայտին կից ներկայացված նույն փաստաթղթերում փոփոխություն չի կատարվել, կամ դրանց գործողությունը չի դադարել:
(26-րդ կետը փոփ. 02.08.07 թիվ 873-Ն, 31.10.13 թիվ 1200-Ն որոշումներ)
27. Որակավորման վկայականի գործողությունը դադարում է`
ա) գործողության ժամկետի ավարտմամբ,
բ) որակավորման վկայականի գործողությունը դադարեցնելու մասին հյուրանոցային ծառայություններ մատուցող անձի դիմումով` դիմումը որակավորող մարմնում մուտքագրվելուն հաջորդող օրվանից, եթե հայտատուն դիմումում այլ ժամկետ չի նշել,
գ) որակավորող մարմնի որոշմամբ` սույն ընթացակարգով սահմանված հիմքերով:
(27-րդ կետը փոփ. 02.08.07 թիվ 873-Ն որոշում)
i
27.1. Որակավորման կարգ ունեցող հյուրանոցային տնտեսության օբյեկտի անվանման կամ հյուրանոցային տնտեսության օբյեկտը շահագործող անձի կամ հյուրանոցային տնտեսության օբյեկտի փաստաթղթերի այլ փոփոխության դեպքում` հյուրանոցային ծառայություն մատուցող անձը դրա մասին թղթային կամ էլեկտրոնային եղանակով տեղեկացնում է որակավորող մարմնին: Հյուրանոցային տնտեսության օբյեկտի անվանման փոփոխության դեպքում` հայտատուն որակավորող մարմին է հանձնում նաև որակավորման վկայականը, ինչի հիման վրա որակավորող մարմնի որոշմամբ հայտատուին 5 աշխատանքային օրվա ընթացքում տրվում է նոր որակավորման վկայական:
(27.1-ին կետը լրաց. 31.10.13 թիվ 1200-Ն, 29.01.16 թիվ 50-Ն որոշումներ)
IV. ՈՐԱԿԱՎՈՐՄԱՆ ԿԱՐԳԵՐԻ ՊԱՀԱՆՋՆԵՐԻՑ ԹՈՒՅԼԱՏՐԵԼԻ ՇԵՂՈՒՄՆԵՐԸ
28. Թույլատրվում են շեղումներ Հայաստանի Հանրապետության կառավարության 2004 թվականի հունիսի 10-ի N 946-Ն որոշմամբ հաստատված հյուրանոցային տնտեսության օբյեկտների որակավորման համապատասխան կարգի պահանջներից, եթե հյուրանոցային տնտեսության օբյեկտն ընդգրկված է Հայաստանի Հանրապետության օրենսդրությամբ սահմանված կարգով հաստատված` պատմության և մշակույթի անշարժ հուշարձանների պետական ցուցակում, որպես պատմամշակութային կամ ճարտարապետական հուշարձան, և հայտատուն, ի լրումն սույն ընթացակարգի 5-րդ կետի պահանջների, հայտին կից` որակավորող մարմին է ներկայացնում`
ա) պատմամշակութային հուշարձանների պահպանության ոլորտի լիազոր մարմնի համապատասխան եզրակացությունն այն մասին, որ Հայաստանի Հանրապետության կառավարության 2004 թվականի հունիսի 10-ի N 946-Ն որոշմամբ հաստատված հյուրանոցային տնտեսության օբյեկտների որակավորման համապատասխան կարգի պահանջների կատարումն առանց շինության պատմամշակութային բնույթի խաթարման` հնարավոր չէ,
բ) տեղեկանք այն մասին, որ սույն ընթացակարգի 28-րդ կետով նախատեսված շեղումը, որը նվազեցրել է հայտով ակնկալվող հյուրանոցային տնտեսության օբյեկտի տեսակի և որակավորման կարգի նկատմամբ պահանջների կատարումը, փոխհատուցվել է նույն որակավորման կարգի այլ պահանջների կատարմամբ` ավելի բարձր որակով և մակարդակով:
i
V. ՈՐԱԿԱՎՈՐՄԱՆ ՊԱՅՄԱՆՆԵՐԻ ՊԱՀՊԱՆՄԱՆ ԱՊԱՀՈՎՈՒՄԸ ԵՎ ՈՐԱԿԱՎՈՐՄԱՆ ՎԿԱՅԱԿԱՆԻ ԳՈՐԾՈՂՈՒԹՅԱՆ ՎԱՂԱԺԱՄԿԵՏ ԴԱԴԱՐՈՒՄԸ
(V գլուխը խմբ. 02.08.07 թիվ 873-Ն որոշում)
29. Որակավորման պայմանների պահպանումն ապահովելու նպատակով որակավորող մարմինը պարբերաբար իրականացնում է որակավորման պայմաններին հյուրանոցային տնտեսության օբյեկտի համապատասխանության գնահատում (այսուհետ` պարբերական գնահատում):
29.1. Պարբերական գնահատումն իրականացվում է որակավորող մարմնի ղեկավարի հրամանով, որտեղ նշվում են պարբերական գնահատմանը մասնակցող անձի (անձանց) անունը, ազգանունը, պաշտոնը, պարբերական գնահատման ենթակա հյուրանոցային տնտեսության օբյեկտի անվանումը, պարբերական գնահատման ժամկետները:
29.2. Պարբերական գնահատումն իրականացվում է առանց դրա մասին հյուրանոցային ծառայություններ մատուցող անձին նախազգուշացնելու:
29.3. Պարբերական գնահատմանը մասնակցող անձը`
ա) իրավունք ունի հյուրանոցային ծառայություններ մատուցող անձի ներկայացուցչի կամ աշխատակցի ներկայությամբ մուտք գործելու հյուրանոցային տնտեսության օբյեկտի այն մասերը, որոնք անհրաժեշտ են որակավորման պայմաններին հյուրանոցային տնտեսության օբյեկտի համապատասխանության գնահատումն իրականացնելու համար, պահանջելու և ստանալու պարբերական գնահատման համար անհրաժեշտ փաստաթղթեր,
բ) պարտավոր է չխոչընդոտել հյուրանոցային տնտեսության օբյեկտի բնականոն գործունեությանը:
29.4 Հյուրանոցային ծառայություններ մատուցող անձը`
ա) իրավունք ունի պարբերական գնահատում իրականացնող անձանցից պահանջելու չխոչընդոտել հյուրանոցային տնտեսության օբյեկտի բնականոն գործունեությանը, պարբերական գնահատում իրականացնող անձանց ներկայացնելու հիմնավորված առարկություններ սույն ընթացակարգին չհամապատասխանող գործողությունների վերաբերյալ, պարբերական գնահատմանը մասնակցող անձանց` սույն ընթացակարգին հակասող գործողությունները բողոքարկելու որակավորող մարմնին,
բ) պարտավոր է ապահովել պարբերական գնահատմանը մասնակցող անձանց մուտքը հյուրանոցային տնտեսության օբյեկտի այն մասերը, որոնք անհրաժեշտ են որակավորման պայմաններին հյուրանոցային տնտեսության օբյեկտի համապատասխանության գնահատումն իրականացնելու համար, տրամադրել գնահատման համար անհրաժեշտ փաստաթղթեր, պարբերական գնահատում իրականացնող անձանց պահանջով ապահովել իր ներկայացուցչի մասնակցությունը պարբերական գնահատմանը, չխոչընդոտել պարբերական գնահատման գործընթացին:
29.5. Պարբերական գնահատման արդյունքում կազմվում է արձանագրություն` 2 օրինակից, որում արձանագրվում են այն կազմելու ամսաթիվը և տեղը, որակավորող մարմնի և հյուրանոցային տնտեսության օբյեկտի անվանումները, պարբերական գնահատմանը մասնակցող անձանց կազմը, պարբերական գնահատման ժամկետը և արդյունքները:
29.6. Պարբերական գնահատման մասին արձանագրությունն ստորագրում են պարբերական գնահատում իրականացնող անձինք և հյուրանոցային ծառայություններ մատուցող անձի ղեկավարը կամ ներկայացուցիչը:
29.7. Պարբերական գնահատման մասին արձանագրության մեջ արձանագրվում են նաև արձանագրությունն ստորագրելուց հյուրանոցային ծառայություններ մատուցող անձի ղեկավարի կամ ներկայացուցչի հրաժարվելը և արձանագրության մասին վերջիններիս առարկությունները` դրանց առկայության դեպքում:
30. Պարբերական գնահատման ընթացքում որակավորման կարգի պահանջներին հյուրանոցային տնտեսության օբյեկտի անհամապատասխանություն հայտնաբերվելու դեպքում որակավորող մարմինն իր որոշմամբ նախազգուշացնում է հյուրանոցային ծառայություններ մատուցող անձին` առաջարկելով վերացնել հայտնաբերված անհամապատասխանությունը:
30.1. Որակավորող մարմինն իր որոշմամբ դադարեցնում է հյուրանոցային տնտեսության օբյեկտի որակավորման վկայականի գործողությունը, եթե`
ա) հյուրանոցային ծառայություններ մատուցող անձը սույն ընթացակարգի 30-րդ կետով նախատեսված նախազգուշացումն ստանալուց հետո 10 օրվա ընթացքում գրավոր չի ծանուցում որակավորող մարմին այն անհամապատասխանությունը վերացնելու մասին, որի համար նախազգուշացվել էր.
բ) սույն կետի «ա» ենթակետով նախատեսված ծանուցումն ստանալուց հետո կատարված գնահատման արդյունքում պարզվում է, որ սույն ընթացակարգի 30-րդ կետով նախատեսված որոշման մեջ նշված անհամապատասխանությունը վերացված չէ: Սույն կետով նախատեսված դեպքում գնահատում իրականացնելու համար որակավորող մարմնի ղեկավարի լրացուցիչ հրամանի առկայությունը պարտադիր չէ,
գ) հյուրանոցային տնտեսության օբյեկտը շահագործող անձի կողմից սույն ընթացակարգի 30-րդ կետով նախատեսված նախազգուշացումն ստանալուց հետո մեկ տարվա ընթացքում կրկին թույլ է տրվել որակավորման կարգի պահանջների խախտում,
դ) հյուրանոցային տնտեսության օբյեկտը շահագործող անձը խոչընդոտում է պարբերական գնահատմանը:
30.2. Որակավորող մարմնի որոշումները կարող են բողոքարկվել դատական կարգով:
i
VI. ՀՅՈՒՐԱՆՈՑԱՅԻՆ ՏՆՏԵՍՈՒԹՅԱՆ ՕԲՅԵԿՏՆԵՐԻ` ԸՍՏ ՏԵՍԱԿԻ ՆԵՐԿԱՅԱՑՆԵԼԸ, ՈՐԱԿԱՎՈՐՄԱՆ ԿԱՐԳԻ ՆՇԱՆՆԵՐԸ ԵՎ ԴՐԱՆՑ ՕԳՏԱԳՈՐԾՈՒՄԸ
(VI գլուխը խմբ. 31.10.13 թիվ 1200-Ն որոշում)
31. Հյուրանոցային տնտեսության օբյեկտի որակավորման կարգը հավաստվում է համապատասխան որակավորման վկայականով:
32. Հյուրանոցային տնտեսության օբյեկտի որակավորման կարգի նշանի գրաֆիկական պատկերը ցանկացած չափի համապատասխան հնգաթև աստղերն են կամ ցանկացած չափի հռոմեական թվանշանները, իսկ հինգաստղանի «Դելյուքս» հյուրանոցների համար` ցանկացած չափի հինգ հնգաթև աստղեր և «Դելյուքս» գրառումը: Ընդ որում, հյուրանոցային ծառայություններ մատուցող անձի ցանկությամբ «Դելյուքս» գրառումը կարող է նշվել նաև անգլերեն` «Deluxe» տառադարձությամբ:
33. Հյուրանոցային տնտեսության օբյեկտի տեսակը, անվանումը, որակավորման վկայականով հավաստված որակավորման կարգին համապատասխանող նշանը նշվում են հյուրանոցային տնտեսության օբյեկտի ճակատային մասում` սպառողների համար դրսից տեսանելի հատվածում, ընդունելության նախասրահում, ինչպես նաև գլխավոր մուտքի հարակից պատին տեղադրվող ցուցանակի վրա: Որակավորման կարգ ունեցող հյուրանոցային տնտեսության օբյեկտի ցուցանակի վրա նշվում է նաև որակավորող մարմնի անվանումը: Սույն կետով նախատեսված տեղեկատվությունը հյուրանոցային ծառայություններ մատուցող անձի ցանկությամբ կարող է նշվել նաև այլ լեզուներով:
34. Հյուրանոցային ծառայություններ մատուցող անձը հյուրանոցային տնտեսության օբյեկտն ինտերնետային կայքում կամ գովազդային նյութերում (գովազդային պրակներ, զանգվածային լրատվության միջոցներով գովազդներ և այլն) ներկայացնելիս պետք է նշի հյուրանոցային տնտեսության օբյեկտի անվանումը, տեսակը և որակավորման վկայականով հավաստված որակավորման կարգին համապատասխանող նշանը` սույն կարգին համապատասխան:
35. Որակավորող մարմինը, համաձայն հյուրանոցային տնտեսության օբյեկտների առանձին տեսակների, վարում է որակավորման կարգ ստացած հյուրանոցային տնտեսության օբյեկտի գրանցամատյան, որը բաց է հանրության համար:
Ձև
i
ՀԱՅՏ
ՀՅՈՒՐԱՆՈՑԱՅԻՆ ՏՆՏԵՍՈՒԹՅԱՆ ՕԲՅԵԿՏԻ ՈՐԱԿԱՎՈՐՄԱՆ ԿԱՐԳ ՍՏԱՆԱԼՈՒ ՄԱՍԻՆ
Հայտատու ______________________________________________________________
(իրավաբանական անձի անվանումը և կազմակերպաիրավական ձևը,
հեռախոսահամարը, էլեկտրոնային հասցեն, (առկայության դեպքում)
կամ անհատ ձեռնարկատիրոջ կամ ֆիզիկական անձի անունը, ազգանունը
և հեռախոսահամարը, էլեկտրոնային հասցեն (առկայության դեպքում)
Գտնվելու վայրը ________________________________________________________
(իրավաբանական անձի գտնվելու կամ անհատ ձեռնարկատիրոջ
կամ ֆիզիկական անձի բնակության վայրը)
Գործունեության իրականացման վայրը (հյուրանոցային տնտեսության օբյեկտի
գտնվելու վայրը) և հեռախոսահամարը
_______________________________________________________________________
(լրացվում է հայտատուի ցանկությամբ)
Հյուրանոցային տնտեսության օբյեկտի անվանումը, տեսակը
_______________________________________________________________________
Ակնկալվող որակավորման կարգը ___________________________________________
_______________________________________________________________________
Իրավաբանական անձի պետական գրանցման կամ անհատ ձեռնարկատիրոջ պետական
հաշվառման համարը
_______________________________________________________________________
Հետադարձ ծանուցման եղանակը (առձեռն, էլեկտրոնային, փոստ)`
_______________________________________________________________________
(դաշտը լրացվում է հայտատուի ցանկությամբ)
Խնդրում եմ տրամադրել հյուրանոցային տնտեսության օբյեկտի որակավորման կարգ:
Հայտին կից ներկայացնում եմ հետևյալ փաստաթղթերը`
1) հայտը ներկայացնելու պահից ոչ ավելի, քան 10 տարի առաջ ուժի մեջ մտած հյուրանոցային տնտեսության օբյեկտի շահագործման փաստագրման ակտը` «Քաղաքաշինության մասին» Հայաստանի Հանրապետության օրենքին համապատասխան, տեխնիկական անձնագիրը` քաղաքաշինության բնագավառում Հայաստանի Հանրապետության կառավարության լիազոր մարմնի սահմանած կարգին համապատասխան, կամ շահագործման ենթակա լինելը հավաստող` Հայաստանի Հանրապետության օրենսդրությամբ նախատեսված այլ փաստաթուղթ.
2) օրենքով և այլ իրավական ակտերով սահմանված հրդեհային անվտանգության պահանջներին հյուրանոցային տնտեսության օբյեկտի համապատասխանության մասին հրդեհային անվտանգության բնագավառում լիազոր մարմնի եզրակացություն` տրված ոչ շուտ, քան հայտը ներկայացնելու պահից 30 օր առաջ.
3) Հայաստանի Հանրապետության կառավարության լիազոր մարմնի եզրակացությունը սանիտարահամաճարակային անվտանգության ապահովվածության մասին` տրված ոչ շուտ, քան հայտը ներկայացնելու պահից 30 օր առաջ.
4) հյուրանոցային տնտեսության օբյեկտ հանդիսացող անշարժ գույքի նկատմամբ հայտատուի սեփականության կամ օգտագործման վկայականի պատճենը.
5) այլ փաստաթղթեր (հայտարարատուի ցանկությամբ):
Որակավորող մարմին ներկայացված փաստաթղթերում առկա տվյալներն ամբողջական են և հավաստի:
Հայտատու ______________________________ _____________________
(պաշտոնը, անունը, ազգանունը) (ստորագրությունը)
______ ___________ 20 թ.
(ձևը լրաց. 29.01.16 թիվ 50-Ն որոշում)
Հավելված N 2
i
ՀՀ կառավարության
2004 թվականի հունիսի 10-ի
N 946-Ն որոշման
ԿԱՐԳ
ՀՅՈՒՐԱՆՈՑՆԵՐԻ ԵՎ ՄՈԹԵԼՆԵՐԻ ՈՐԱԿԱՎՈՐՄԱՆ
._________________________________________________________________________.
|NN |Նվազագույն պահանջները | Կարգերը |
|ը/կ| |______________________________________________|
| | |* ****|* **** |**** |*** |** |* |
| | |«Դել- | | | | | |
| | |յուքս»| | | | | |
| | |______|_______|_______|_______|___________|___|
| | | Հ | Հ | Մ | Հ | Մ | Հ | Մ | Հ | Մ | Հ | Մ |
|___|______________________|______|___|___|___|___|___|___|___|___|___|___|
| 1 | 2 | 3 | 4 | 5 | 6 | 7 | 8 | 9 |10 |11 |12 |13 |
|___|______________________|______|___|___|___|___|___|___|___|___|___|___|
| |I. Շինությունը, | | | | | | | | | | | |
| |արտաքին բարեկարգման | | | | | | | | | | | |
| |տարրերը, ավտոկայանման | | | | | | | | | | | |
| |հնարավորությունը, | | | | | | | | | | | |
| |մուտքը | | | | | | | | | | | |
|___|______________________|______|___|___|___|___|___|___|___|___|___|___|
|1. |Օբյեկտը հանդիսանում է | + | + | + | + | + | + | + | + | + | + | + |
| |առանձին շինություն կամ| | | | | | | | | | | |
| |շինության առանձնացված | | | | | | | | | | | |
| |մաս կամ շինությունների| | | | | | | | | | | |
| |համալիր | | | | | | | | | | | |
|___|______________________|______|___|___|___|___|___|___|___|___|___|___|
|2. |Շինության առանձին | + | + | | + | | + | | | | | |
| |մասերը պետք է միացված | | | | | | | | | | | |
| |լինեն իրար ստացիոնար | | | | | | | | | | | |
| |կառուցված անցումներով`| | | | | | | | | | | |
| |օբյեկտի բոլոր | | | | | | | | | | | |
| |ծառայությունների | | | | | | | | | | | |
| |հասանելիությունն | | | | | | | | | | | |
| |ապահովելու համար: | | | | | | | | | | | |
| | | | | | | | | | | | | |
| |Չի վերաբերում քաղաքներ| | | | | | | | | | | |
| |վարչական տարածքներից | | | | | | | | | | | |
| |դուրս գտնվող | | | | | | | | | | | |
| |օբյեկտներին: | | | | | | | | | | | |
|___|______________________|______|___|___|___|___|___|___|___|___|___|___|
|3. |Դեպի ընդունելության | + | + | + | | | | | | | | |
| |նախասրահ տանող ուղղակի| | | | | | | | | | | |
| |մուտք, որը պետք է | | | | | | | | | | | |
| |պաշտպանված լինի սառը | | | | | | | | | | | |
| |օդի ներխուժումից | | | | | | | | | | | |
|___|______________________|______|___|___|___|___|___|___|___|___|___|___|
|4. |Դեպի ընդունելության | + | + | + | + | + | + | + | + | + | + | + |
| |նախասրահ տանող մուտքը | | | | | | | | | | | |
| |պետք է հարմարեցված | | | | | | | | | | | |
| |լինի հաշմանդամների | | | | | | | | | | | |
| |տեղաշարժման համար | | | | | | | | | | | |
|___|______________________|______|___|___|___|___|___|___|___|___|___|___|
|5. |Գլխավոր մուտքի վրա | + | + | + | + | + | + | + | | | | |
| |ծածկ, որմնախորշում | | | | | | | | | | | |
| |գտնվող մուտք կամ | | | | | | | | | | | |
| |ավտոմատ եղանակով | | | | | | | | | | | |
| |գործող դռներ | | | | | | | | | | | |
|___|______________________|______|___|___|___|___|___|___|___|___|___|___|
|6. |Ավտոմեքենաների համար | + | + | + | + | + | | | | | | |
| |օբյեկտի մուտքի վրա | | | | | | | | | | | |
| |ծածկ` 4,5 մ | | | | | | | | | | | |
| |բարձրությամբ | | | | | | | | | | | |
| | | | | | | | | | | | | |
| |Չի վերաբերում այն | | | | | | | | | | | |
| |հյուրանոցներին, որոնք | | | | | | | | | | | |
| |գտնվում են քաղաքային | | | | | | | | | | | |
| |խիտ կառուցապատման | | | | | | | | | | | |
| |գոտում, և առկա է | | | | | | | | | | | |
| |տեղական | | | | | | | | | | | |
| |ինքնակառավարման մարմնի| | | | | | | | | | | |
| |(Երևան քաղաքում` | | | | | | | | | | | |
| |Երևանի քաղաքապետի) | | | | | | | | | | | |
| |համապատասխան | | | | | | | | | | | |
| |եզրակացությունը | | | | | | | | | | | |
|___|______________________|______|___|___|___|___|___|___|___|___|___|___|
|7. |Առանձնացված մուտք ու | + | + | + | | | | | | | | |
| |ճանապարհ` հյուրերի | | | | | | | | | | | |
| |ուղեբեռի համար | | | | | | | | | | | |
|___|______________________|______|___|___|___|___|___|___|___|___|___|___|
|8. |Մատակարարման համար | + | + | + | + | + | + | + | | | | |
| |առանձնացված ճանապարհ | | | | | | | | | | | |
| | | | | | | | | | | | | |
| |Չի վերաբերում *** | | | | | | | | | | | |
| |հյուրանոցներին, որոնք | | | | | | | | | | | |
| |գտնվում են քաղաքային | | | | | | | | | | | |
| |խիտ կառուցապատման մեջ | | | | | | | | | | | |
|___|______________________|______|___|___|___|___|___|___|___|___|___|___|
|9. |Օբյեկտի շրջակայքը պետք| + | + | + | + | + | + | + | + | + | + | + |
| |է լինի բարեկարգված, | | | | | | | | | | | |
| |պետք է ունենա | | | | | | | | | | | |
| |ավտոմեքենաների և | | | | | | | | | | | |
| |հետիոտների համար կոշտ | | | | | | | | | | | |
| |ծածկով ճանապարհներ և | | | | | | | | | | | |
| |արահետներ, դեկորատիվ | | | | | | | | | | | |
| |կանաչապատում ու կանաչ | | | | | | | | | | | |
| |գոտի` համապատասխան | | | | | | | | | | | |
| |արտաքին | | | | | | | | | | | |
| |լուսավորությամբ: | | | | | | | | | | | |
| | | | | | | | | | | | | |
| |Օբյեկտի շրջակայքում | | | | | | | | | | | |
| |տնտեսական մասի | | | | | | | | | | | |
| |առկայության դեպքում | | | | | | | | | | | |
| |այն պետք է առանձնացված| | | | | | | | | | | |
| |լինի հյուրերի համար | | | | | | | | | | | |
| |հասանելի մասից: | | | | | | | | | | | |
| |Քաղաքների վարչական | | | | | | | | | | | |
| |տարածքներում գտնվող | | | | | | | | | | | |
| |***** Դելյուքս, ***** | | | | | | | | | | | |
| |և **** օբյեկտների | | | | | | | | | | | |
| |շենքերը պետք է | | | | | | | | | | | |
| |գեղարվեստական արտաքին | | | | | | | | | | | |
| |լուսավորում ունենան: | | | | | | | | | | | |
| |Կանաչ գոտու | | | | | | | | | | | |
| |առկայությունը չի | | | | | | | | | | | |
| |վերաբերում քաղաքների | | | | | | | | | | | |
| |վարչական տարածքներում | | | | | | | | | | | |
| |գտնվող ***-ից * | | | | | | | | | | | |
| |հյուրանոցներին: | | | | | | | | | | | |
|___|______________________|______|___|___|___|___|___|___|___|___|___|___|
|10.|Հսկվող ավտոտնակներ կամ| + | + | | + | | + | | + | | + | |
| |ավտոկայանատեղիներ | | | | | | | | | | | |
| |Ընդ որում, 100 և | | | | | | | | | | | |
| |ավելի ննջատեղ ունեցող | | | | | | | | | | | |
| |***** Դելյուքս | | | | | | | | | | | |
| |հյուրանոցները պետք է | | | | | | | | | | | |
| |ապահովված լինեն 20, | | | | | | | | | | | |
| |***** հյուրանոցները` | | | | | | | | | | | |
| |15, **** | | | | | | | | | | | |
| |հյուրանոցները` 10, իսկ| | | | | | | | | | | |
| |*** հյուրանոցները` 6 | | | | | | | | | | | |
| |մեքենայի տեղերով: | | | | | | | | | | | |
| | | | | | | | | | | | | |
| |Չի վերաբերում այն | | | | | | | | | | | |
| |հյուրանոցներին, որոնք | | | | | | | | | | | |
| |գտնվում են քաղաքային | | | | | | | | | | | |
| |խիտ կառուցապատման | | | | | | | | | | | |
| |գոտում և առկա է | | | | | | | | | | | |
| |տեղական | | | | | | | | | | | |
| |ինքնակառավարման մարմնի| | | | | | | | | | | |
| |համապատասխան | | | | | | | | | | | |
| |եզրակացությունը: Այդ | | | | | | | | | | | |
| |դեպքում պետք է | | | | | | | | | | | |
| |ապահովել ավտոմեքենաներ| | | | | | | | | | | |
| |կանգնեցնելու տեղեր | | | | | | | | | | | |
| |հյուրերի ժամանման և | | | | | | | | | | | |
| |մեկնման ընթացքում: | | | | | | | | | | | |
|___|______________________|______|___|___|___|___|___|___|___|___|___|___|
|11.|Օբյեկտին կից | | | + | | + | | + | | + | | + |
| |ավտոտնակներում կամ | | | | | | | | | | | |
| |ավտոկայանատեղիներում | | | | | | | | | | | |
| |պետք է ապահովված տեղեր| | | | | | | | | | | |
| |լինեն բոլոր բ/մ-ների | | | | | | | | | | | |
| |համար | | | | | | | | | | | |
|___|______________________|______|___|___|___|___|___|___|___|___|___|___|
| |II. Տեխնիկական | | | | | | | | | | | |
| |սարքավորումներ, | | | | | | | | | | | |
| |հարմարանքներ, այլ | | | | | | | | | | | |
|___|______________________|______|___|___|___|___|___|___|___|___|___|___|
|12.|Հանրամատչելի մասերում`| | | | | | | | | | | |
| |ներառյալ | | | | | | | | | | | |
| |ընդունելության սրահը, | | | | | | | | | | | |
| |հասարակական սննդի և | | | | | | | | | | | |
| |բազմաֆունկցիոնալ | | | | | | | | | | | |
| |սրահներն ու | | | | | | | | | | | |
| |դահլիճները` | | | | | | | | | | | |
|___|______________________|______|___|___|___|___|___|___|___|___|___|___|
| |1) օդակարգավորում կամ | + | + | + | + | + | | | | | | |
| |այլ սարքավորումների և | | | | | | | | | | | |
| |համակարգերի միջոցով | | | | | | | | | | | |
| |օդափոխության, օդի | | | | | | | | | | | |
| |18-21o ջերմաստիճանի և | | | | | | | | | | | |
| |45-60% խոնավության | | | | | | | | | | | |
| |ապահովում և պահպանում| | | | | | | | | | | |
|___|______________________|______|___|___|___|___|___|___|___|___|___|___|
| |2) մեխանիկական | | | | | | + | + | | | | |
| |օդափոխում - 1/ | | | | | | | | | | | |
|___|______________________|______|___|___|___|___|___|___|___|___|___|___|
| |3) գրավիտացիոն կամ | | | | | | | | + | + | + | + |
| |մեխանիկական օդափոխում | | | | | | | | | | | |
|___|______________________|______|___|___|___|___|___|___|___|___|___|___|
|13.|Բնակելի մասում - բ/մ` | | | | | | | | | | | |
|___|______________________|______|___|___|___|___|___|___|___|___|___|___|
| |1) օդակարգավորում կամ | + | + | + | + | + | + | | | | | |
| |այլ սարքավորումների և | | | | | | | | | | | |
| |համակարգերի միջոցով | | | | | | | | | | | |
| |օդափոխության, օդի | | | | | | | | | | | |
| |18-21o ջերմաստիճանի և | | | | | | | | | | | |
| |45-60% խոնավության | | | | | | | | | | | |
| |ապահովում և | | | | | | | | | | | |
| |պահպանում` ***** | | | | | | | | | | | |
| |Դելյուքս | | | | | | | | | | | |
| |հյուրանոցներում | | | | | | | | | | | |
| |անհատական կարգավորման | | | | | | | | | | | |
| |հնարավորությամբ | | | | | | | | | | | |
|___|______________________|______|___|___|___|___|___|___|___|___|___|___|
| |2) գրավիտացիոն կամ | | | | | | | + | + | + | + | + |
| |մեխանիկական օդափոխում | | | | | | | | | | | |
|___|______________________|______|___|___|___|___|___|___|___|___|___|___|
|14.|Արտաքաշող մեխանիկական | + | + | + | + | + | + | + | + | + | + | + |
| |օդափոխում ս.հ.հ-ում: | | | | | | | | | | | |
| |** և * օբյեկտներում | | | | | | | | | | | |
| |թույլատրվում է | | | | | | | | | | | |
| |գրավիտացիոն | | | | | | | | | | | |
| |օդափոխում, եթե | | | | | | | | | | | |
| |ս.հ.հ-ներն ապահովված | | | | | | | | | | | |
| |են կենտրոնացված տաք | | | | | | | | | | | |
| |ջրամատակարարմամբ և | | | | | | | | | | | |
| |ունեն պատուհաններ կամ | | | | | | | | | | | |
| |ս.հ.հ-ի խցիկի ծավալը | | | | | | | | | | | |
| |գերազանցում է | | | | | | | | | | | |
| |6,5 խ/մ-ը: | | | | | | | | | | | |
|___|______________________|______|___|___|___|___|___|___|___|___|___|___|
|15.|Ջեռուցում ամբողջ | + | + | + | + | + | + | + | + | + | + | + |
| |օբյեկտում կամ դրա | | | | | | | | | | | |
| |չօդակարգավորվող մասում| | | | | | | | | | | |
| | | | | | | | | | | | | |
| |***** Դելյուքս, ***** | | | | | | | | | | | |
| |և **** օբյեկտներում | | | | | | | | | | | |
| |պետք է ապահովվի | | | | | | | | | | | |
| |կենտրոնացված | | | | | | | | | | | |
| |ջեռուցում: | | | | | | | | | | | |
|___|______________________|______|___|___|___|___|___|___|___|___|___|___|
|16.|Գործող պահանջներին | + | + | + | + | + | + | + | + | + | + | + |
| |համապատասխանող որակի | | | | | | | | | | | |
| |տաք և սառը ջրի | | | | | | | | | | | |
| |շուրջօրյա | | | | | | | | | | | |
| |ջրամատակարարում | | | | | | | | | | | |
| |կենտրոնացված տաք | | | | | | | | | | | |
| |ջրամատակարարման | | | | | | | | | | | |
| |համակարգով | | | | | | | | | | | |
| | | | | | | | | | | | | |
| |(Պարբերությունն ուժը | | | | | | | | | | | |
| |կորցրել է 02.08.07 թ. | | | | | | | | | | | |
| |N 873-Ն) | | | | | | | | | | | |
| | | | | | | | | | | | | |
| |****-ից * օբյեկտների | | | | | | | | | | | |
| |ջրամատակարարման | | | | | | | | | | | |
| |տեխնիկական | | | | | | | | | | | |
| |հնարավորություններից | | | | | | | | | | | |
| |կախված` թույլատրվում է| | | | | | | | | | | |
| |շուրջօրյա | | | | | | | | | | | |
| |ջրամատակարարումն | | | | | | | | | | | |
| |ապահովել | | | | | | | | | | | |
| |այլընտրանքային | | | | | | | | | | | |
| |միջոցներով (օրինակ` | | | | | | | | | | | |
| |հատուկ | | | | | | | | | | | |
| |տարողություններում | | | | | | | | | | | |
| |կուտակված խմելու ջրի | | | | | | | | | | | |
| |հաշվին) | | | | | | | | | | | |
|___|______________________|______|___|___|___|___|___|___|___|___|___|___|
|17.|Լրացուցիչ | + | + | + | + | + | | | | | | |
| |ձայնամեկուսացում | | | | | | | | | | | |
| |բ/մ-ներում և | | | | | | | | | | | |
| |կոնֆերանս դահլիճներում| | | | | | | | | | | |
|___|______________________|______|___|___|___|___|___|___|___|___|___|___|
|18.|Տարածքների բնույթին | + | + | + | + | + | + | + | + | + | + | + |
| |հարմարեցված ներքին | | | | | | | | | | | |
| |լուսավորություն | | | | | | | | | | | |
|___|______________________|______|___|___|___|___|___|___|___|___|___|___|
|19.|Հյուրերին հասանելի | + | + | + | + | + | + | + | + | + | + | + |
| |հեռախոս և ֆաքս` | | | | | | | | | | | |
| |ընդունելության սրահում| | | | | | | | | | | |
|___|______________________|______|___|___|___|___|___|___|___|___|___|___|
|20.|Սենյակներում կամ | + | + | + | + | + | + | + | | | | |
| |առանձնացված կետերում | | | | | | | | | | | |
| |ինտերնետից օգտվելու | | | | | | | | | | | |
| |հնարավորություն | | | | | | | | | | | |
| |***** Դելյուքս | | | | | | | | | | | |
| |հյուրանոցի ամբողջ | | | | | | | | | | | |
| |տարածքում ինտերնետից | | | | | | | | | | | |
| |(հանրամատչելի մասում` | | | | | | | | | | | |
| |անլար) օգտվելու | | | | | | | | | | | |
| |հնարավորություն: | | | | | | | | | | | |
|___|______________________|______|___|___|___|___|___|___|___|___|___|___|
(2-րդ հավելվածը փոփ. 02.08.07 թիվ 873-Ն, 31.10.13 թիվ 1200-Ն որոշումներ)
---------------------------------------------------
ԻՐՏԵԿ - շարունակությունը հաջորդ մասերում