Սեղմել Esc փակելու համար:
ԿԵՆՍԱԲԱՆԱԿԱՆ ԲԱԶՄԱԶԱՆՈՒԹՅԱՆ ՎԵՐԱԲԵՐՅԱ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Վավերացման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ԿԵՆՍԱԲԱՆԱԿԱՆ ԲԱԶՄԱԶԱՆՈՒԹՅԱՆ ՎԵՐԱԲԵՐՅԱԼ ԿՈՆՎԵՆՑԻԱՅԻ «ԿԵՆՍԱԲԱՆԱԿԱՆ ԱՆՎՏԱՆԳՈՒԹՅԱՆ Մ ...

 

 

040.1219.100904

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

 

«10» սեպտեմբերի 2004 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

2 սեպտեմբերի 2004 թվականի N 1219-Ն

 

ԿԵՆՍԱԲԱՆԱԿԱՆ ԲԱԶՄԱԶԱՆՈՒԹՅԱՆ ՎԵՐԱԲԵՐՅԱԼ ԿՈՆՎԵՆՑԻԱՅԻ «ԿԵՆՍԱԲԱՆԱԿԱՆ ԱՆՎՏԱՆԳՈՒԹՅԱՆ ՄԱՍԻՆ» ԿԱՐԹԱԳԵՆՅԱՆ ԱՐՁԱՆԱԳՐՈՒԹՅԱՄԲ ՆԱԽԱՏԵՍՎԱԾ ԱԶԳԱՅԻՆ ԻՐԱՎԱՍՈՒ ՄԱՐՄԻՆ ԵՎ ԱԶԳԱՅԻՆ ՀԱՄԱԿԱՐԳՈՂ ԿԵՆՏՐՈՆ ՃԱՆԱՉԵԼՈՒ ՄԱՍԻՆ

 

2000 թվականի հունվարի 29-ին Մոնրեալում ստորագրված «Կենսաբանական բազմազանության վերաբերյալ կոնվենցիայի «Կենսաբանական անվտանգության մասին» կարթագենյան արձանագրությամբ Հայաստանի Հանրապետության ստանձնած պարտավորությունների կատարումն ապահովելու նպատակով Հայաստանի Հանրապետության կառավարությունը որոշում է.

1. «Կենսաբանական բազմազանության վերաբերյալ կոնվենցիայի «Կենսաբանական անվտանգության մասին» կարթագենյան արձանագրության (այսուհետ` արձանագրություն) 19-րդ հոդվածի 1-ին կետի համաձայն Հայաստանի Հանրապետության ազգային իրավասու մարմին և ազգային համակարգող կենտրոն ճանաչել Հայաստանի Հանրապետության շրջակա միջավայրի նախարարությունը:

2. Սահմանել, որ`

ա) արձանագրության քարտուղարության հետ և կողմերի միջև կենսաբանական անվտանգության վերաբերյալ տեղեկատվության փոխանակումն իրականացնում է Հայաստանի Հանրապետության շրջակա միջավայրի նախարարությունը` իրազեկելով Հայաստանի Հանրապետության առողջապահության նախարարությանը, Հայաստանի Հանրապետության առևտրի և տնտեսական զարգացման նախարարությանն ու Հայաստանի Հանրապետության գյուղատնտեսության նախարարությանը.

բ) Հայաստանի Հանրապետության այն նախարարությունները և այլ պետական կառավարման մարմինները, որոնց իրավասությանն է վերապահված արձանագրությամբ Հայաստանի Հանրապետության ստանձնած առանձին պարտավորությունների կատարումը, այդ սահմաններում իրենց գործառույթներն իրականացնում են իրավասու մարմնի կողմից համակարգման միջոցով` Հայաստանի Հանրապետության օրենքներով և այլ իրավական ակտերով այդ մարմիններից յուրաքանչյուրի վրա դրված լիազորություններին համապատասխան:

3. Սույն որոշման 2-րդ կետի «բ» ենթակետով սահմանված` Հայաստանի Հանրապետության նախարարներին ու այլ պետական կառավարման մարմինների ղեկավարներին`

ա) ազգային իրավասու մարմնին տրամադրել արձանագրությամբ Հայաստանի Հանրապետության ստանձնած պարտավորությունների կատարման մասին անհրաժեշտ տվյալներ, տեղեկություններ և այլ նյութեր.

բ) արձանագրությամբ Հայաստանի Հանրապետության ստանձնած պարտավորությունների կատարումն ապահովելու համար Հայաստանի Հանրապետության կառավարության որոշում ընդունելու անհրաժեշտության դեպքում` սահմանված կարգով Հայաստանի Հանրապետության շրջակա միջավայրի նախարարություն ներկայացնել համապատասխան առաջարկություններ:

4. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

(որոշումը փոփ. 10.10.2019 թիվ 1442-Ն որոշում)

 

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2004 ԹՎԱԿԱՆԻ ՍԵՊՏԵՄԲԵՐԻ 8-ԻՆ

 

 

pin
ՀՀ կառավարություն
02.09.2004
N 1219-Ն
Որոշում