ՀՀ ՊԵՏԱԿԱՆ ՁԵՌՆԱՐԿՈՒԹՅՈՒՆՆԵՐԻ ԵՎ ԱՆԱՎԱՐՏ ՇԻՆԱՐԱՐՈՒԹՅԱՆ ՕԲՅԵԿՏՆԵՐԻ ՍԵՓԱԿԱՆԱՇՆՈՐՀՄ ...

040.0114.010597

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀ
Լ. ՏԵՐ-ՊԵՏՐՈՍՅԱՆ
«1» ՄԱՅԻՍԻ 1997 Թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

1 մայիսի 1997 թ. թիվ 114

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ՁԵՌՆԱՐԿՈՒԹՅՈՒՆՆԵՐԻ ԵՎ ԱՆԱՎԱՐՏ ՇԻՆԱՐԱՐՈՒԹՅԱՆ ՕԲՅԵԿՏՆԵՐԻ ՍԵՓԱԿԱՆԱՇՆՈՐՀՄԱՆ ԵՎ ԱՊԱՊԵՏԱԿԱՆԱՑՄԱՆ 1995 ԹՎԱԿԱՆԻ ԾՐԱԳՐՈՎ ՆԱԽԱՏԵՍՎԱԾ ԵՎ ՉԲԱՇԽՎԱԾ ՍԵՓԱԿԱՆԱՇՆՈՐՀՄԱՆ ՍԵՐՏԻՖԻԿԱՏՆԵՐԻ ՈՉՆՉԱՑՄԱՆ ՄԱՍԻՆ

Հայաստանի Հանրապետության պետական ձեռնարկությունների և անավարտ շինարարության օբյեկտների սեփականաշնորհման և ապապետականացման 1995 թվականի ծրագրի (այսուհետև` սեփականաշնորհման ծրագիր) շրջանակներում թողարկված սեփականաշնորհման սերտիֆիկատների` բնակչությանը բաշխումն ապահովելու կապակցությամբ Հայաստանի Հանրապետության կառավարությունը որոշում է.

1. 1995 թվականի սեփականաշնորհման ծրագրով նախատեսված և չբաշխված սեփականաշնորհման սերտիֆիկատների ոչնչացման նպատակով ստեղծել հանձնաժողով ու հաստատել դրա կազմը (կցվում է):

2. Հանձնաժողովին`

ա) Հայխնայբանկի միջոցով մինչև 1997 թվականի հուլիսի 15-ը սահմանված կարգով իրականացնել սեփականաշնորհման ծրագրով նախատեսված և չբաշխված սեփականաշնորհման սերտիֆիկատների հավաքագրումը և հաշվառումը.

բ) սեփականաշնորհման ծրագրով նախատեսված և չբաշխված սեփականաշնորհման սերտիֆիկատների ոչնչացման աշխատանքների իրականացման նպատակով 1997 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին Հայխնայբանկին հատկացնել միջոցներ` փաստացի կատարված ծախսերին համապատասխան:

3. Հայաստանի Հանրապետության ֆինանսների նախարարությանը` 1997 թվականի հուլիսի 15-ից հետո Հայաստանի Հանրապետության կառավարություն զեկուցել կատարված աշխատանքների մասին:

4. Սույն որոշումն ուժի մեջ է մտնում 1997 թվականի մայիսի 1-ից:

ՀԱՍՏԱՏՎԱԾ Է

ՀՀ ԿԱՌԱՎԱՐՈՒԹՅԱՆ 1997 ԹՎԱԿԱՆԻ

ՄԱՅԻՍԻ 1-Ի ԹԻՎ 114 ՈՐՈՇՄԱՄԲ

ԿԱԶՄ

1995 ԹՎԱԿԱՆԻ ՍԵՓԱԿԱՆԱՇՆՈՐՀՄԱՆ ԾՐԱԳՐՈՎ ՆԱԽԱՏԵՍՎԱԾ ԵՎ ՉԲԱՇԽՎԱԾ ՍԵՓԱԿԱՆԱՇՆՈՐՀՄԱՆ ՍԵՐՏԻՖԻԿԱՏՆԵՐԻ ՈՉՆՉԱՑՄԱՆ ՀԱՆՁՆԱԺՈՂՈՎԻ

          Ա. Ավետիսյան        -  ՀՀ ֆինանսների նախարարի առաջին տեղակալ

                                 (նախագահ)

          Ա. Մարկոսյան        -  ՀՀ սեփականաշնորհման և  օտարերկրյա

                                 ներդրումների նախարարի տեղակալ

                                 (նախագահի տեղակալ)

          Գ. Գրիգորյան        -  ՀՀ ներքին գործերի և  ազգային

                                 անվտանգության նախարարի առաջին տեղակալ

          Դ. Դերձակյան        -  ՀՀ կապի նախարարի տեղակալ

          Ս. Հայրապետյան      -  ՀՀ սոցիալական ապահովության նախարարի

                                 առաջին տեղակալ

          Հ. Մանդակունի       -  Հայխնայբանկի վարչության նախագահ

          Գ. Ջհանգիրյան       -  ՀՀ արդարադատության նախարարի առաջին

                                 տեղակալ

          Ա. Սալնազարյան      -  ՀՀ ֆինանսների նախարարության արժեթղթերի

                                 շուկայի պետական կարգավորման և վերահսկման

                                 տեսչության պետ (քարտուղար)