ՀՀ ՏՐԱՆՍՊՈՐՏԻ ՆԱԽԱՐԱՐՈՒԹՅԱՆԸ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ

041.0167.010597

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՈՐՈՇՈՒՄ

1 մայիսի 1997 թ. թիվ 167

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏՐԱՆՍՊՈՐՏԻ ՆԱԽԱՐԱՐՈՒԹՅԱՆԸ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ

1. Հայաստանի Հանրապետության ֆինանսների նախարարությանը` գարնանային հեղեղաջրերի ժամանակ Գյումուշի հիդրոէլեկտրակայանում հնարավոր վթարների կանխարգելիչ աշխատանքներ կատարելու նպատակով Հայաստանի Հանրապետության տրանսպորտի նախարարությանը հատկացնել 50.0 մլն դրամ, 1997 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին:

2. Հայաստանի Հանրապետության տրանսպորտի նախարարությանը`

ա) տասնօրյա ժամկետում կատարել Գյումուշի հիդրոէլեկտրակայանին հարակից Հրազդան գետի հունի ուղղորդ փլուզման կանխարգելիչ աշխատանքները.

բ) մինչև 1997 թվականի հունիսի 1-ը իրականացնել Գյումուշի հիդրոէլեկտրակայանի անվտանգությունն ապահովող համալիր շինարարական աշխատանքները: