ՏԱՇԻՐ - ԵՐԵՎԱՆ - ՄԵՂՐԻ ՄԻՋԱԶԳԱՅԻՆ ԿԱՊԻ ՄԱԼՈՒԽԱՅԻՆ ԳԾԻ ՄԱՍԻՆ

040.0143.230597

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀ
Լ. ՏԵՐ-ՊԵՏՐՈՍՅԱՆ
«23» ՄԱՅԻՍԻ 1997 Թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

23 մայիսի 1997 թ. թիվ 143

ՏԱՇԻՐ - ԵՐԵՎԱՆ - ՄԵՂՐԻ ՄԻՋԱԶԳԱՅԻՆ ԿԱՊԻ ՄԱԼՈՒԽԱՅԻՆ ԳԾԻ ՄԱՍԻՆ

Հաշվի առնելով Հայաստանի Հանրապետության տնտեսության համար միջազգային և տեղական կապի օպտիկաթելքային մալուխային գծի կարևորությունը, Հայաստանի Հանրապետության կառավարությունը որոշում է.

1. Բացառության կարգով թույլատրել Հայաստանի Հանրապետության կապի նախարարությանը Տաշիր - Երևան - Մեղրի ավտոմայրուղու առանձին հատվածներում ճանապարհի հողային պաստառով մալուխի տեղադրումը` առանց ավտոճանապարհի ծածկը վնասելու:

2. Հայաստանի Հանրապետության կապի նախարարությանը`

ա/ ապահովել մալուխի տեղադրման հետևանքով ավտոճանապարհների ծածկերի վնասված հատվածների հողային աշխատանքների կատարումը, իսկ մնացած մասնագիտացված աշխատանքների (կողնակների, կահավորանքի տարրերի, ջրահեռացման համակարգի վերականգնում և այլն) կատարումը Հայաստանի Հանրապետության տրանսպորտի նախարարության «Հայավտոճան» միավորման ուժերով` պայմանագրային կարգով մալուխային գծի կառուցման նախահաշվով.

բ/ հետագա շահագործման ընթացքում ավտոճանապարհների նորոգման կամ վերակառուցման անհրաժեշտության դեպքում մալուխի տեղափոխումն իրականացնել Հայաստանի Հանրապետության կապի նախարարության ձեռնարկությունների միջոցով: