Սեղմել Esc փակելու համար:
ԱՐԴԱՐԱԴԱՏՈՒԹՅԱՆ ԽՈՐՀՐԴԻ ԱՇԽԱՏԱԿԱԶՄԻ Մ...
Քարտային տվյալներ

Տեսակ
Գործում է
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

ԱՐԴԱՐԱԴԱՏՈՒԹՅԱՆ ԽՈՐՀՐԴԻ ԱՇԽԱՏԱԿԱԶՄԻ ՄԱՍԻՆ

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ
Կ Ա Ր Գ Ա Դ Ր ՈՒ Թ Յ ՈՒ Ն Ը

 

ԱՐԴԱՐԱԴԱՏՈՒԹՅԱՆ ԽՈՐՀՐԴԻ ԱՇԽԱՏԱԿԱԶՄԻ ՄԱՍԻՆ

 

Արդարադատության խորհրդի բնականոն աշխատանքն ապահովելու նպատակով, որոշում  ե մ.

1. Արդարադատության խորհրդի (այսուհետև` խորհուրդ) աշխատակազմի պարտականությունները դնել Հայաստանի Հանրապետության նախագահի աշխատակազմի ներման, քաղաքացիության, պարգևների, կոչումների բաժնի (այսուհետև` աշխատակազմ) վրա:

Բաժնի վարիչն աշխատակազմի ղեկավարն է:

Աշխատակազմի ղեկավարը մասնակցում է խորհրդի նիստերին խորհրդակցական ձայնի իրավունքով:

2. Սահմանել, որ աշխատակազմն իրականացնում է խորհրդի նիստերի նախապատրաստական աշխատանքները:

Խորհրդում քննարկվելիք հարցերի վերաբերյալ նյութերը նախապես ներկայացվում են աշխատակազմ:

Խորհրդի նախագահի հանձնարարությամբ աշխատակազմը խորհրդի առաջիկա նիստում քննարկվելիք հարցերի վերաբերյալ նյութերն առաքում է խորհրդի անդամներին` դրանց ծանոթացնելու համար:

Խորհրդի նիստում հարցը քննարկվում է նյութերի` ըստ սահմանված կարգի ներկայացված լինելու մասին աշխատակազմի ղեկավարի հաղորդումը լսելուց հետո:

3. Խորհրդի նիստերն արձանագրվում են: Նիստի արձանագրությունը ստորագրում են նիստը նախագահողը և աշխատակազմի ղեկավարը:

4. Դատարանների և դատախազությունների աշխատանքների վերաբերյալ քաղաքացիներից ստացված առաջարկություններում, դիմումներում, գանգատներում բարձրացված հարցերի վերաբերյալ աշխատակազմը յուրաքանչյուր եռամսյակը մեկ անգամ ամփոփ զեկուցագիր է ներկայացնում խորհրդին:

5. Աշխատակազմը կատարում է նաև խորհրդի նախագահի` խորհրդի աշխատանքների հետ առնչվող այլ հանձնարարություններ:

6. Խորհրդի բոլոր աշխատանքային նյութերը պահվում են աշխատակազմում:

7. Սույն կարգադրությունն ուժի մեջ է մտնում ստորագրման պահից:

 

21 նոյեմբերի 1995 թ.

ՆԿ-191

 

 

pin
ՀՀ Նախագահ
21.11.1995
N ՆԿ-191
Կարգադրություն