Սեղմել Esc փակելու համար:
ՄՈՍԿՎԱ ՔԱՂԱՔԻ «ՄՈՍԿՎԱՅԻ ԿՐԵՄԼ» ՊԵՏԱԿԱ...
Քարտային տվյալներ

Տեսակ
Գործում է
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

ՄՈՍԿՎԱ ՔԱՂԱՔԻ «ՄՈՍԿՎԱՅԻ ԿՐԵՄԼ» ՊԵՏԱԿԱՆ ՊԱՏՄԱՄՇԱԿՈՒԹԱՅԻՆ ԹԱՆԳԱՐԱՆ-ԱՐԳԵԼՈՑՈՒՄ «ՀԱՅ ...

 

 

041.0218.100697

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՈՐՈՇՈՒՄ

 

10 հունիսի 1997 թ. թիվ 218

 

ՄՈՍԿՎԱ ՔԱՂԱՔԻ «ՄՈՍԿՎԱՅԻ ԿՐԵՄԼ» ՊԵՏԱԿԱՆ ՊԱՏՄԱՄՇԱԿՈՒԹԱՅԻՆ ԹԱՆԳԱՐԱՆ-ԱՐԳԵԼՈՑՈՒՄ «ՀԱՅ ԵԿԵՂԵՑՈՒ ԳԱՆՁԵՐԸ» ԺԱՄԱՆԱԿԱՎՈՐ ՑՈՒՑԱՀԱՆԴԵՍ ԿԱԶՄԱԿԵՐՊԵԼՈՒ ՄԱՍԻՆ

 

«Մոսկվայի Կրեմլ» պետական պատմամշակութային թանգարան-արգելոցում 1997 թվականի հուլիսի 2-ից մինչև օգոստոսի 20-ը «Հայ եկեղեցու գանձերը» ժամանակավոր ցուցահանդեսի նախապատրաստման և անցկացման աշխատանքները պատշաճ ձևով կազմակերպելու համար`

1. Ընդունել ի գիտություն, որ «Հայ եկեղեցու գանձերը» ժամանակավոր ցուցահանդեսը (Սուրբ Էջմիածնի կաթողիկոսարանի հավաքածուից) «Մոսկվայի Կրեմլ» պետական պատմամշակութային թանգարան-արգելոցում կազմակերպվում է Մայր աթոռ Սուրբ Էջմիածնի կաթողիկոսարանի և «Մոսկվայի Կրեմլ» պետական պատմամշակութային թանգարան-արգելոցի տնօրինության միջև կնքված պայմանագրի հիման վրա և նվիրվում է Հայաստանում քրիստոնեությունը որպես պետական կրոն հռչակելու 1700 և Մոսկվա քաղաքի 850-ամյակներին:

2. Հայաստանի Հանրապետության մշակույթի, երիտասարդության հարցերի և սպորտի նախարարությանը`

ա) աջակցել Մայր աթոռ Սուրբ Էջմիածնի կաթողիկոսարանին Մոսկվայում «Հայ եկեղեցու գանձերը» ժամանակավոր ցուցահանդեսի նախապատրաստման, ինչպես նաև ցուցահանդեսի ցուցանմուշների վերականգնման, փաթեթավորման և տեղափոխման գործերում.

բ) ապահովել 4 անձից բաղկացած պատվիրակության մասնակցությունը ժամանակավոր ցուցահանդեսի բացման արարողությանը:

3. Հայաստանի Հանրապետության կրոնի գործերի պետական խորհրդին` համակարգել Մոսկվայում «Հայ եկեղեցու գանձերը» ժամանակավոր ցուցահանդեսի կազմակերպման, անցկացման գիտական և տեխնիկական խնդիրների լուծման աշխատանքները:

4. Հայաստանի Հանրապետության արտաքին գործերի նախարարությանը` Մոսկվայում «Հայ եկեղեցու գանձերը» ժամանակավոր ցուցահանդեսի նախապատրաստման և անցկացման նպատակով հանձնարարել Ռուսաստանի Դաշնությունում Հայաստանի Հանրապետության դեսպանատանը անհրաժեշտ օժանդակություն ցուցաբերել Մայր աթոռ Սուրբ Էջմիածնի կաթողիկոսարանին:

5. Հայաստանի Հանրապետության ներքին գործերի և ազգային անվտանգության նախարարությանը` ապահովել ժամանակավոր ցուցահանդեսի ցուցանմուշների անվտանգ տեղափոխումը Մայր աթոռ Սուրբ Էջմիածնից Երևանի «Զվարթնոց» օդանավակայան և հետ, ինչպես նաև նպաստել ցուցանմուշների անվտանգության ապահովմանը Մոսկվա քաղաքում:

6. Հայաստանի Հանրապետության տրանսպորտի նախարարությանը` ապահովել ժամանակավոր ցուցահանդեսի ցուցանմուշների ուղեբեռի (900 կգ) տեղափոխումը Երևանից Մոսկվա և Մոսկվայից Երևան:

7. Ժամանակավոր ցուցահանդեսի նախապատրաստման և անցկացման հետ կապված ծախսերը կատարել Հայաստանի Հանրապետության մշակույթի, երիտասարդության հարցերի և սպորտի նախարարությանը Հայաստանի Հանրապետության 1997 թվականի պետական բյուջեով նախատեսված միջոցների հաշվին:

 

 

pin
ՀՀ Վարչապետ
10.06.1997
N 218
Որոշում