ՏԱՐԱԾՔ ՀԱՏԿԱՑՆԵԼՈՒ ՄԱՍԻՆ

040.0176.120697

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀ
Լ. ՏԵՐ-ՊԵՏՐՈՍՅԱՆ
«12» ՀՈՒՆԻՍԻ 1997 Թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

12 հունիսի 1997 թ. թիվ 176

ՏԱՐԱԾՔ ՀԱՏԿԱՑՆԵԼՈՒ ՄԱՍԻՆ

Երևան քաղաքի Նալբանդյան փողոցի թիվ 4 վարչական նշանակության շենքի 2-րդ հարկի հանրակացարաններում բնակվող 9 ընտանիքի բնակարանային հարցերը կարգավորելու նպատակով, ինչպես նաև հաշվի առնելով Հայներարտբանկի պարտավորությունները, Հայաստանի Հանրապետության կառավարությունը որոշում է.

1. Երևան քաղաքի Նալբանդյան փողոցի թիվ 4 շենքի 2-րդ հարկի 219 քառ. մ տարածքը սեփականության իրավունքով հատկացնել Հայկական բաժնետիրական ներմուծման-արտահանման բանկին (Հայներարտբանկ)` նշված տարածքում բնակվող 9 ընտանիքից յուրաքանչյուրին, որպես փոխհատուցում, Երևան քաղաքում սեփականության իրավունքով մեկ սենյականոց բնակարան հատկացնելու կամ համարժեք դրամական փոխհատուցում տալու պայմանով:

2. Հայներարտբանկին` մեկամսյա ժամկետում նշված ընտանիքներից յուրաքանչյուրի հետ սահմանված կարգով կնքել պայմանագիր` նրանց, որպես փոխհատուցում, բնակարան հատկացնելու կամ համարժեք դրամական փոխհատուցում տալու վերաբերյալ:

3. Սույն որոշումն ուժի մեջ է մտնում 1997 թվականի հունիսի 12-ից: