041.0256.230697
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
23 հունիսի 1997 թ. թիվ 256
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅԱՆ ՄՈՆԹԵ ՄԵԼՔՈՆՅԱՆԻ ԱՆՎԱՆ ՌԱԶՄԱԿԱՆ ՈՒՍՈՒՄՆԱՐԱՆԸ ՌԱԶՄԱՄԱՐԶԱԿԱՆ ԹԵՔՈՒՄՈՎ ԳԻՇԵՐՕԹԻԿ ՎԱՐԺԱՐԱՆԻ ՎԵՐԱԿԱԶՄԱՎՈՐԵԼՈՒ ՄԱՍԻՆ
1. Ընդունել Հայաստանի Հանրապետության պաշտպանության նախարարության առաջարկությունը և Մոնթե Մելքոնյանի անվան ռազմական ուսումնարանը վերակազմավորել Հայաստանի Հանրապետության պաշտպանության նախարարության ռազմամարզական թեքումով գիշերօթիկ վարժարանի` հանրակրթական դպրոցի 9-րդ և 10-րդ դասարանների ուսումնական ծրագրերին համապատասխան ուսումնական գործընթացի կազմակերպմամբ:
2. Հայաստանի Հանրապետության պաշտպանության նախարարությանը` Հայաստանի Հանրապետության կրթության և գիտության նախարարության հետ համաձայնեցնելով, մեկամսյա ժամկետում հաստատել ռազմամարզական թեքումով գիշերօթիկ վարժարանի կանոնադրությունը:
3. Հայաստանի Հանրապետության ֆինանսների և էկոնոմիկայի նախարարությանը` սահմանված կարգով Հայաստանի Հանրապետության կառավարություն ներկայացնել առաջարկություն 1997/98 ուսումնական տարվա ընդունելության պետական պատվերում սույն որոշումից բխող փոփոխություններ կատարելու մասին: