041.0315.150797
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
15 հուլիսի 1997 թ. թիվ 315
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍՅՈՒՆԻՔԻ ՄԱՐԶԻ ԳՈՐԻՍ ՔԱՂԱՔԻ ՏԱՐԱԾՔՈՒՄ ՍԵԼԱՎԻ ՀԵՏԵՎԱՆՔՆԵՐԻ ՎԵՐԱՑՄԱՆ ԱՌԱՋՆԱՀԵՐԹ ԱՇԽԱՏԱՆՔՆԵՐԻ ՄԱՍԻՆ
Սյունիքի մարզի Գորիս քաղաքի տարածքում 1997 թվականի հունիսի 22-ին տեղի ունեցած սելավի հետևանքների վերացման առաջնահերթ աշխատանքներն իրականացնելու և վառելիքաքսանյութեր ձեռք բերելու նպատակով`
1. Հայաստանի Հանրապետության ֆինանսների և էկոնոմիկայի նախարարությանը`
ա) Գորիսի քաղաքապետարանին հատկացնել 50 մլն դրամ կանխավճար` Հայաստանի Հանրապետության 1997 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին,
բ) Գորիսի քաղաքապետարանի ներկայացրած մասնագիտական ակտերի և սահմանված կարգով կազմված նախահաշվային փաստաթղթերի հիման վրա Հայաստանի Հանրապետության կառավարություն ներկայացնել առաջարկություն առաջնահերթ աշխատանքների հետագա ֆինանսավորման ծավալների և աղբյուրների վերաբերյալ:
2. Սույն որոշման կատարման նկատմամբ վերահսկողությունը դնել Հայաստանի Հանրապետության տարածքային կառավարման նախարարի վրա: