Սեղմել Esc փակելու համար:
ՀԱՅ-ԹՈՒՐՔԱԿԱՆ ՍԱՀՄԱՆՈՒՄ ԳՈՐԾՈՂ ՍԱՀՄԱՆ...
Քարտային տվյալներ

Տեսակ
Գործում է
Ընդունման ամսաթիվ
Համար

Վավերացման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

ՀԱՅ-ԹՈՒՐՔԱԿԱՆ ՍԱՀՄԱՆՈՒՄ ԳՈՐԾՈՂ ՍԱՀՄԱՆԱՅԻՆ ՆԵՐԿԱՅԱՑՈՒՑՉԱԿԱՆ ԱՇԽԱՏԱԿԱԶՄԵՐԻ ՎԵՐԱՆՎԱ ...

 

 

040.0283.170797

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀ
Լ. ՏԵՐ-ՊԵՏՐՈՍՅԱՆ
«17» ՀՈՒԼԻՍԻ 1997 Թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

17 հուլիսի 1997 թ. թիվ 283

 

ՀԱՅ-ԹՈՒՐՔԱԿԱՆ ՍԱՀՄԱՆՈՒՄ ԳՈՐԾՈՂ ՍԱՀՄԱՆԱՅԻՆ ՆԵՐԿԱՅԱՑՈՒՑՉԱԿԱՆ ԱՇԽԱՏԱԿԱԶՄԵՐԻ ՎԵՐԱՆՎԱՆՄԱՆ ԵՎ ԴՐԱՆՑ ՊԱՏԱՍԽԱՆԱՏՎՈՒԹՅԱՆ ՏԵՂԱՄԱՍԵՐԻ ՃՇՏՄԱՆ ՄԱՍԻՆ

 

Սահմանային ներկայացուցիչների աշխատակազմերի գործունեությունը կանոնակարգելու նպատակով և ելնելով Հայաստանի Հանրապետության նոր վարչատարածքային բաժանումից, Հայաստանի Հանրապետության կառավարությունը որոշում է.

1. Լենինականի շրջանի սահմանային ներկայացուցչական աշխատակազմը ( թիվ 41 սահմանային նշանից մինչև թիվ 134 սահմանային նշանը) վերանվանել Շիրակի շրջանի սահմանային ներկայացուցչական աշխատակազմ ( թիվ 41 սահմանային նշանից մինչև թիվ 148 սահմանային նշանը):

Նստավայրը` քաղ. Գյումրի:

Շիրակի շրջանի մեջ մտցնել`

ա) Ալագյոզի տեղամասը ( թիվ 41 սահմանային նշանից մինչև թիվ 50 սահմանային նշանը)` այն վերանվանելով Արագածի տեղամաս.

բ) Անիի տեղամասը ( թիվ 50 սահմանային նշանից մինչև թիվ 55 սահմանային նշանը).

գ) Ախուրյանի տեղամասը ( թիվ 55 սահմանային նշանից մինչև թիվ 101 սահմանային նշանը).

դ) Ամասիայի տեղամասը` (թիվ 101 սահմանային նշանից մինչև թիվ 148 սահմանային նշանը):

2. Էջմիածնի-Երևան շրջանի սահմանային ներկայացուցչական աշխատակազմը (թիվ 4 սահմանային նշանից մինչև թիվ 41 սահմանային նշանը) վերանվանել Արմավիրի-Արարատի շրջանի սահմանային ներկայացուցչական աշխատակազմ:

Նստավայրը` քաղ. Երևան:

Արմավիրի-Արարատի շրջանի մեջ մտցնել`

ա) Արտաշատի տեղամասը ( թիվ 4 սահմանային նշանից մինչև թիվ 16 սահմանային նշանը).

բ) Մարգարայի տեղամասը ( թիվ 16 սահմանային նշանից մինչև թիվ 32 սահմանային նշանը)` այն վերանվանելով Էջմիածնի տեղամաս.

գ) Կարաքալինի տեղամասը ( թիվ 32 սահմանային նշանից մինչև թիվ 41 սահմանային նշանը)` այն վերանվանելով Նոր Արմավիրի տեղամաս:

3. Հայաստանի Հանրապետության արտաքին գործերի նախարարությանը` մեկշաբաթյա ժամկետում սահմանված կարգով տեղեկացնել`

ա) սույն որոշման 1-ին կետի վերաբերյալ` Վրաստանի արտաքին գործերի նախարարությանը.

բ) սույն որոշման 1-ին և 2-րդ կետերի վերաբերյալ` Թուրքիայի Հանրապետության արտաքին գործերի նախարարությանը և Հայաստանի Հանրապետությունում Ռուսաստանի Դաշնության դեսպանությանը:

4. Հայաստանի Հանրապետության ներքին գործերի և ազգային անվտանգության նախարարությանը`

ա) սույն որոշման մասին տեղեկացնել Ռուսաստանի Դաշնության սահմանապահ դաշնային ծառայության սահմանապահ զորքերի «Հայաստան» զորախմբին, ապահովել Հայաստանի Հանրապետության տարածքում սահմանային ներկայացուցիչների հանդիպումների անվտանգ անցկացման համալիր միջոցառումների իրականացումը.

բ) մեկամսյա ժամկետում, Ռուսաստանի Դաշնության սահմանապահ դաշնային ծառայության սահմանապահ զորքերի «Հայաստան» զորախմբի համաձայնությամբ, սահմանված կարգով պատրաստել պահանջվող քանակությամբ ռետինե և մետաղյա կնիքներ (համապատասխան սահմանային ներկայացուցչական աշխատակազմերի պետական խորհրդանիշով), դրոշմներ, բլանկներ, ծրարներ, աշխատանքային թղթապանակներ, սեղանի դրոշներ, կազմտեխնիկա, սահմանային ներկայացուցիչներին ապահովել անհրաժեշտ քանակությամբ ռադիոկապի շարժական միջոցներով և ավտոտրանսպորտով:

5. Շիրակի, Արագածոտնի, Արմավիրի, Արարատի մարզպետներին` Ռուսաստանի Դաշնության համապատասխան սահմանային կոմիսարների համաձայնությամբ, պլանային կարգով գործարար մասնակցություն ունենալ սահմանային ներկայացուցչական աշխատակազմերի աշխատանքին` բազմակողմանի գործարար օգնություն և աջակցություն ցուցաբերելով դրանց` թուրքական կողմի հետ համատեղ անցկացվող միջոցառումների համար նախատեսված հանդիպման կետերը պատշաճ վիճակում պահելիս:

6. Հայաստանի Հանրապետության մաքսային վարչությանը` Արմավիրի մարզպետի հետ համատեղ, սահմանային ներկայացուցչի աշխատակազմի համաձայնությամբ, «Մարգարա» բացթողման կետի շենքում առանձնացնել անհրաժեշտ թվով սենյակներ` թուրքական կողմի ներկայացուցիչների հետ նիստեր կազմակերպելու համար` դրանք ապահովելով պատշաճ սարքավորումներով:

7. Հայաստանի Հանրապետության ֆինանսների և էկոնոմիկայի նախարարությանը` Հայաստանի Հանրապետության ներքին գործերի և ազգային անվտանգության նախարարության հետ համատեղ Հայաստանի Հանրապետության կառավարություն ներկայացնել առաջարկություն սույն որոշման 4-րդ կետի «բ» ենթակետում նշված միջոցառումների իրականացման հետ կապված ծախսերի ֆինանսավորման աղբյուրների և չափերի վերաբերյալ:

8. Սույն որոշումն ուժի մեջ է մտնում 1997 թվականի հուլիսի 17-ից:

 

 

pin
ՀՀ կառավարություն
17.07.1997
N 283
Որոշում