Սեղմել Esc փակելու համար:
ՀՀ ՇԻՐԱԿԻ ՄԱՐԶԻ ՄԱՐԱԼԻԿ ՔԱՂԱՔՈՒՄ ՀՈՂԵ...
Քարտային տվյալներ

Տեսակ
Գործում է
Ընդունման ամսաթիվ
Համար

Վավերացման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

ՀՀ ՇԻՐԱԿԻ ՄԱՐԶԻ ՄԱՐԱԼԻԿ ՔԱՂԱՔՈՒՄ ՀՈՂԵՐԻ ՍԵՓԱԿԱՆԱՇՆՈՐՀՈՒՄ ԻՐԱԿԱՆԱՑՆԵԼՈՒ ՄԱՍԻՆ

 

 

040.0336.130897

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀ
Լ.ՏԵՐ-ՊԵՏՐՈՍՅԱՆ
«13» ՕԳՈՍՏՈՍԻ 1997 Թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

13 օգոստոսի 1997 թ. թիվ 336

 

i

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇԻՐԱԿԻ ՄԱՐԶԻ ՄԱՐԱԼԻԿ ՔԱՂԱՔՈՒՄ ՀՈՂԵՐԻ ՍԵՓԱԿԱՆԱՇՆՈՐՀՈՒՄ ԻՐԱԿԱՆԱՑՆԵԼՈՒ ՄԱՍԻՆ

 

Ղեկավարվելով «Հայաստանի Հանրապետության Գերագույն խորհրդի 1991 թվականի փետրվարի 4-ի «Գյուղացիական և գյուղացիական կոլեկտիվ տնտեսությունների մասին» Հայաստանի Հանրապետության օրենքը կիրարկելու մասին» որոշման մեջ լրացում կատարելու մասին» Հայաստանի Հանրապետության օրենքով և հաշվի առնելով Շիրակի մարզի Մարալիկի քաղաքային համայնքի ավագանու խնդրանքն ու Շիրակի մարզպետի միջնորդությունը` Հայաստանի Հանրապետության կառավարությունը որոշում է.

1. Շիրակի մարզի Մարալիկ քաղաքում «Գյուղացիական և գյուղացիական կոլեկտիվ տնտեսությունների մասին» Հայաստանի Հանրապետության օրենքին համապատասխան իրականացնել հողի սեփականաշնորհում:

2. Սերմաբուծական արտադրություն կազմակերպելու նպատակով պետական պահուստային ֆոնդի հողերից 100 հեկտար ջրովի վարելահող հատկացնել Հայաստանի Հանրապետության գյուղատնտեսության նախարարության «Անի» տոհմային սերմաբուծական պետական ձեռնարկությանը:

3. Պետական պահուստային ֆոնդի հողերից 48 հեկտար վարելահող նախատեսել Շիրակի մարզի Բարձրաշեն գյուղի տեղամասում` գյուղի զարգացման համար:

4. Հաստատել Շիրակի մարզի Մարալիկ քաղաքի բնակիչներին սեփականության իրավունքով տրամադրվող գյուղատնտեսական հողատեսքերի համար 1997 թվականի մասնակի հատուցման տարեկան գումարի չափը (կցվում է):

Նշված գյուղատնտեսական հողատեսքերի համար 1998 թվականի մասնակի հատուցման տարեկան գումարի չափը հաշվարկվում է` հաշվի առնելով Հայաստանի Հանրապետության կառավարության կողմից այդ տարվա համար հաստատված հողերի կադաստրի հաշվարկման համար կիրառվելիք ինդեքսավորման գործակիցը:

5. Սահմանել, որ`

ա) գյուղացիական տնտեսություն վարելու նպատակով հողամասերը որպես սեփականություն առաջին հերթին տրամադրվում են Մարալիկի նախկին կոլտնտեսության աշխատողներին.

բ) Շիրակի մարզի Մարալիկ քաղաքի հողային բարեփոխումների և սեփականաշնորհման տեղական հանձնաժողովը սույն որոշումն ուժի մեջ մտնելու պահից 15-օրյա ժամկետում ընդունում է հողը որպես սեփականություն առաջին հերթին ստանալու իրավունք ունեցող քաղաքացիների դիմումները, իսկ հաջորդ հերթերում գտնվողների կողմից հողի սեփականության իրավունքի իրացումն սկսվում է 1998 թվականի փետրվարի 20-ից, ընդ որում, վերջիններիս դիմումներն ընդունվում են 1998 թվականի փետրվարի 20-ից` 15-օրյա ժամկետում.

գ) 1997 և 1998 թվականներին Շիրակի մարզի Մարալիկ քաղաքի բնակիչներին սեփականաշնորհվող գյուղատնտեսական հողատեսքերի համար մասնակի հատուցման գումարները փոխանցվում են Հայաստանի Հանրապետության պետական բյուջե:

6. Շիրակի մարզպետին` մեկամսյա ժամկետում Հայաստանի Հանրապետության կառավարություն ներկայացնել առաջարկություն Շիրակի մարզի Մարալիկ քաղաքին ամրակցված վարելահողերից և այլ հողատեսքերից «Գյուղացիական և գյուղացիական կոլեկտիվ տնտեսությունների մասին» Հայաստանի Հանրապետության օրենքին համապատասխան պետական պահուստային ֆոնդում թողնելու վերաբերյալ:

7. Սույն որոշման կատարման վերահսկողությունը դնել Հայաստանի Հանրապետության գյուղատնտեսության նախարարության և Շիրակի մարզպետի վրա:

 

ՀԱՍՏԱՏՎԱԾ Է

ՀՀ ԿԱՌԱՎԱՐՈՒԹՅԱՆ 1997 ԹՎԱԿԱՆԻ

ՕԳՈՍՏՈՍԻ 13-Ի ԹԻՎ 336 ՈՐՈՇՄԱՄԲ

 

ՇԻՐԱԿԻ ՄԱՐԶԻ ՄԱՐԱԼԻԿ ՔԱՂԱՔԻ ԲՆԱԿԻՉՆԵՐԻՆ ՍԵՓԱԿԱՆՈՒԹՅԱՆ ԻՐԱՎՈՒՆՔՈՎ ՏՐԱՄԱԴՐՎՈՂ ԳՅՈՒՂԱՏՆՏԵՍԱԿԱՆ ՀՈՂԱՏԵՍՔԵՐԻ ՀԱՄԱՐ 1997 ԹՎԱԿԱՆԻ ՄԱՍՆԱԿԻ ՀԱՏՈՒՑՄԱՆ ՏԱՐԵԿԱՆ ԳՈՒՄԱՐԻ ՉԱՓԸ

 

.________________________________________________________________________.

|Համայնքի և  | Հողերի  |                  Վարելահող                      |

|գնահատման   |գնահատման|_________________________________________________|

|  շրջանի    | խմբերը  |            ջրովի       |    անջրդի              |

|անվանումը   |         |________________________|________________________|

|            |         |տարածությունը|հատուցման |տարածությունը|հատուցման |

|            |         |  (հեկտար)   |  չափը    |   (հեկտար)  |  չափը    |

|            |         |             |(հազ.դրամ/|             |(հազ.դրամ/|

|            |         |             | /հեկտար) |             | /հեկտար) |

|____________|_________|_____________|__________|_____________|__________|

| Մարալիկ    |    1    |     -       |    -     |   257,0     |  26,5    |

|____________|_________|_____________|__________|_____________|__________|

|/Ախուրյան-  |    2    |   174,0     |  53,1    |   722,0     |  22,4    |

| -Սպիտակ/   |         |             |          |             |          |

|____________|_________|_____________|__________|_____________|__________|

|            |    3    |    70,0     |  39,8    |   420,0     |  19,0    |

|____________|_________|_____________|__________|_____________|__________|

|            |    4    |     -       |    -     |   101,0     |  14,4    |

|____________|_________|_____________|__________|_____________|__________|

|            |    5    |     -       |    -     |    66,0     |  7,0     |

.________________________________________________________________________.

 

 

pin
ՀՀ կառավարություն
13.08.1997
N 336
Որոշում