Սեղմել Esc փակելու համար:
ՍՊԻՏԱԿԻ ԵՐԿՐԱՇԱՐԺԻ 10-ՐԴ ՏԱՐԵԼԻՑԻ ԿԱՊ...
Քարտային տվյալներ

Տեսակ
Գործում է
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

ՍՊԻՏԱԿԻ ԵՐԿՐԱՇԱՐԺԻ 10-ՐԴ ՏԱՐԵԼԻՑԻ ԿԱՊԱԿՑՈՒԹՅԱՄԲ ՄԻՋԱԶԳԱՅԻՆ ՀԱՄԱԺՈՂՈՎ ԱՆՑԿԱՑՆԵԼՈՒ ...

 

 

041.0409.290897

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՈՐՈՇՈՒՄ

 

29 օգոստոսի 1997 թ. թիվ 409

 

ՍՊԻՏԱԿԻ ԵՐԿՐԱՇԱՐԺԻ 10-ՐԴ ՏԱՐԵԼԻՑԻ ԿԱՊԱԿՑՈՒԹՅԱՄԲ ՄԻՋԱԶԳԱՅԻՆ ՀԱՄԱԺՈՂՈՎ ԱՆՑԿԱՑՆԵԼՈՒ ՄԱՍԻՆ

 

1. Հայաստանի Հանրապետության սեյսմիկ պաշտպանության ազգային ծառայությանը` Սպիտակի երկրաշարժի 10-րդ տարելիցի կապակցությամբ 1998 թվականի սեպտեմբերի 10-17-ը Երևանում անցկացնել սեյսմոլոգիայի և սեյսմիկ ռիսկի նվազեցման հիմնահարցերին նվիրված միջազգային համաժողով:

2. Միջազգային համաժողովի աշխատանքները կազմակերպելու և համակարգելու նպատակով ստեղծել կազմկոմիտե և հաստատել դրա կազմը (կցվում է):

3. Հայաստանի Հանրապետության սեյսմիկ պաշտպանության ազգային ծառայությանը և Հայաստանի Հանրապետության արտաքին գործերի նախարարությանը` ապահովել միջազգային համաժողովի մասնակիցների մուտքի վիզաների ձևակերպումը:

4. Հայաստանի Հանրապետության արդյունաբերության և առևտրի նախարարությանը` ապահովել միջազգային համաժողովի մասնակիցների տեղավորումը հյուրանոցում` համաձայն Հայաստանի Հանրապետության սեյսմիկ պաշտպանության ազգային ծառայության ներկայացրած հայտերի, ինչպես նաև` նրանց սննդի կազմակերպումը:

5. Հայաստանի Հանրապետության ներքին գործերի և ազգային անվտանգության նախարարությանը` ապահովել միջազգային համաժողովի մասնակիցների անվտանգությունը Հայաստանում գտնվելու ընթացքում:

6. Հայաստանի Հանրապետության առողջապահության նախարարությանը` ապահովել միջազգային համաժողովի մասնակիցների բուժսպասարկումը:

7. Հայաստանի Հանրապետության տրանսպորտի նախարարությանը`

ա/ միջազգային համաժողովի մասնակիցների սպասարկման համար հատկացնել անհրաժեշտ թվով փոխադրամիջոցներ` համաձայն Հայաստանի Հանրապետության սեյսմիկ պաշտպանության ազգային ծառայության ներկայացրած հայտերի.

բ/ լուծել միջազգային համաժողովի մասնակիցների Երևանից մեկնելու հետ կապված հարցերը:

8. Հայաստանի Հանրապետության սեյսմիկ պաշտպանության ազգային ծառայությանը` միջազգային համաժողովի կազմակերպման ու անցկացման հետ կապված ծախսերը որոշելու նպատակով 3-ամսյա ժամկետում Հայաստանի Հանրապետության ֆինանսների և էկոնոմիկայի նախարարություն ներկայացնել ծախսերի նախահաշիվը:

9. Հայաստանի Հանրապետության ֆինանսների և էկոնոմիկայի նախարարությանը` 4-ամսյա ժամկետում Հայաստանի Հանրապետության կառավարություն ներկայացնել առաջարկություն միջազգային համաժողովի կազմակերպման ու անցկացման ֆինանսավորման վերաբերյալ:

 

ՀԱՍՏԱՏՎԱԾ Է

ՀՀ ՎԱՐՉԱՊԵՏԻ 1997 Թ. ՕԳՈՍՏՈՍԻ 29-Ի

ԹԻՎ 409 ՈՐՈՇՄԱՄԲ

 

ԿԱԶՄ

 

ՍԵՅՍՄՈԼՈԳԻԱՅԻ ԵՎ ՍԵՅՍՄԻԿ ՌԻՍԿԻ ՆՎԱԶԵՑՄԱՆ ՀԻՄՆԱՀԱՐՑԵՐԻՆ ՆՎԻՐՎԱԾ ՄԻՋԱԶԳԱՅԻՆ ՀԱՄԱԺՈՂՈՎԻ ԿԱԶՄԿՈՄԻՏԵԻ

 

      Շ. Կարամանուկյան          -  ՀՀ կառավարության աշխատակազմի ղեկավար,

                                   օպերատիվ հարցերի նախարար (նախագահ)

 

      Վ. Հարությունյան          -  ՀՀ կառավարությանն առընթեր արտակարգ

                                   իրավիճակների վարչության պետ

                                   (նախագահի տեղակալ)

 

      Ս. Բալասանյան             -  ՀՀ սեյսմիկ պաշտպանության ազգային

                                   ծառայության պետ (նախագահի տեղակալ)

 

      Ս. Մանասարյան             -  ՀՀ արտաքին գործերի նախարարի տեղակալ

 

      Ռ. Ջրբաշյան               -  ՀՀ ԳԱԱ ակադեմիկոս, երկրաբանական

                                   գիտությունների ինստիտուտի տնօրեն

 

      Ս. Հովհաննիսյան           -  ՀՀ ԳԱԱ երկրաֆիզիկայի և  ինժեներական

                                   սեյսմոլոգիայի ինստիտուտի տնօրեն

 

      Վ. Ամիրբեկյան             -  Հայաստանի սեյսմիկ պաշտպանության ֆոնդի

                                   նախագահ

 

      Թ. Մարգարյան              -  ՀՀ քաղաքաշինության նախարարության

                                   ԳՏՎ-ի պետ

 

 

pin
ՀՀ Վարչապետ
29.08.1997
N 409
Որոշում