040.0382.160997
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀ
Լ. ՏԵՐ-ՊԵՏՐՈՍՅԱՆ
«16» ՍԵՊՏԵՄԲԵՐԻ 1997 Թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
16 սեպտեմբերի 1997 թ. թիվ 382
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏՐԱՆՍՊՈՐՏԻ ՆԱԽԱՐԱՐՈՒԹՅԱՆԸ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Տավուշի մարզի Ոսկեպար գյուղը շրջանցող ճանապարհի շինարարական աշխատանքները մինչև 1997 թվականի նոյեմբեր ամսվա վերջը կատարելու նպատակով Հայաստանի Հանրապետության տրանսպորտի նախարարությանը հատկացնել 20,0 մլն դրամ` Հայաստանի Հանրապետության 1997 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին:
2. Հայաստանի Հանրապետության ֆինանսների և էկոնոմիկայի նախարարությանը` Հայաստանի Հանրապետության տրանսպորտի նախարարությանը նշված գումարի հատկացումն իրականացնելիս, մեկշաբաթյա ժամկետում տալ կանխավճար` 5,0 մլն դրամի չափով, նշված շինարարական աշխատանքների սկսելու համար, իսկ 15,0 մլն դրամը` նշված շինարարական աշխատանքների ծավալների իրացմանը համապատասխան: