Սեղմել Esc փակելու համար:
ՀՀ-ՈՒՄ ՀԱՅ-ՌՈՒՍԱԿԱՆ ԳՈՐԾԱՐԱՐ ՀԱՄԱԺՈՂՈ...
Քարտային տվյալներ

Տեսակ
Գործում է
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

ՀՀ-ՈՒՄ ՀԱՅ-ՌՈՒՍԱԿԱՆ ԳՈՐԾԱՐԱՐ ՀԱՄԱԺՈՂՈՎ ԱՆՑԿԱՑՆԵԼՈՒ ՄԱՍԻՆ

 

 

041.0443.170997

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ

ՈՐՈՇՈՒՄ

 

17 սեպտեմբերի 1997 թ. թիվ 443

 

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՀԱՅ-ՌՈՒՍԱԿԱՆ ԳՈՐԾԱՐԱՐ ՀԱՄԱԺՈՂՈՎ ԱՆՑԿԱՑՆԵԼՈՒ ՄԱՍԻՆ

 

1997 թվականի հոկտեմբերի 8-10-ը Երևանում հայ-ռուսական գործարար համաժողովի անցկացման կապակցությամբ`

1. Հայաստանի Հանրապետության արդյունաբերության և առևտրի նախարարությանը`

ա) ապահովել հայ-ռուսական գործարար համաժողովի նախապատրաստական աշխատանքները.

բ) կազմել հայ-ռուսական գործարար համաժողովի անցկացման ծրագիրը և ապահովել միջոցառումների իրականացումն ըստ ծրագրի.

գ) հյուրերին տեղավորել «Արմենիա» հյուրանոցային համալիրում.

դ) կազմակերպել Հայաստանի արդյունաբերական արտադրանքի ցուցահանդես և Հայաստանի Հանրապետության գյուղատնտեսության նախարարության, էներգետիկայի նախարարության, կապի նախարարության և այլ շահագրգիռ նախարարությունների հետ համատեղ ապահովել Հայաստանում արտադրվող և արտահանվող արտադրանքը ցուցահանդես ներկայացնելը, ինչպես նաև միջոցներ ձեռնարկել Ռուսաստանի արդյունաբերական արտադրանքի ցուցահանդեսի կազմակերպման համար:

2. Հայաստանի Հանրապետության կառավարության աշխատակազմին`

ա) հայ-ռուսական գործարար համաժողովի անցկացման համար տրամադրել Հայաստանի Հանրապետության կառավարության նիստերի դահլիճը.

բ) բարձրաստիճան հյուրերին տեղավորել Հայաստանի Հանրապետության կառավարության ընդունելությունների տանը.

գ) հատկացնել 2 ավտոմեքենա բարձրաստիճան հյուրերի սպասարկման համար:

3. Հայաստանի Հանրապետության ներքին գործերի և ազգային անվտանգության նախարարությանը` ապահովել հայ-ռուսական գործարար համաժողովի մասնակիցների անվտանգությունը Հայաստանում գտնվելու ընթացքում:

4. Հայաստանի Հանրապետության առողջապահության նախարարությանը` ապահովել հայ-ռուսական գործարար համաժողովի մասնակիցների բուժսպասարկումը:

5. Հայաստանի Հանրապետության քաղաքացիական ավիացիայի գլխավոր վարչությանը` ապահովել հայ-ռուսական գործարար համաժողովի մասնակիցների պատշաճ դիմավորումն ու ճանապարհումը:

6. Հայաստանի Հանրապետության տրանսպորտի նախարարությանը` ապահովել անհրաժեշտ փոխադրամիջոցների հատկացումը Հայաստանի Հանրապետության արդյունաբերության և առևտրի նախարարությանը` համաձայն նրա ներկայացրած հայտերի:

7. Հայաստանի Հանրապետության կառավարությանն առընթեր տեղեկատվության և գրահրատարակչության վարչությանը` լուսաբանել հայ-ռուսական գործարար համաժողովի աշխատանքները:

 

 

pin
ՀՀ Վարչապետ
17.09.1997
N 443
Որոշում