Սեղմել Esc փակելու համար:
ՇԻՆԱՐԱՐՈՒԹՅԱՆ ԵՎ ՏԵԽՆԻԿԱԿԱՆ ՎԵՐԱՀՍԿՄԱ...
Քարտային տվյալներ

Տեսակ
Գործում է
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

ՇԻՆԱՐԱՐՈՒԹՅԱՆ ԵՎ ՏԵԽՆԻԿԱԿԱՆ ՎԵՐԱՀՍԿՄԱՆ ՊԱՏՎԵՐԻ ՏԵՂԱԴՐՄԱՆ ՄԻՋԳԵՐԱՏԵՍՉԱԿԱՆ ՄՐՑՈՒԹԱ ...

 

 

041.0448.180997

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ

ՈՐՈՇՈՒՄ

 

18 սեպտեմբերի 1997 թ. թիվ 448

 

i

ՇԻՆԱՐԱՐՈՒԹՅԱՆ ԵՎ ՏԵԽՆԻԿԱԿԱՆ ՎԵՐԱՀՍԿՄԱՆ ՊԱՏՎԵՐԻ ՏԵՂԱԴՐՄԱՆ ՄԻՋԳԵՐԱՏԵՍՉԱԿԱՆ ՄՐՑՈՒԹԱՅԻՆ ՄՇՏԱԿԱՆ ՀԱՆՁՆԱԺՈՂՈՎԻ ԿԱՆՈՆԱԴՐՈՒԹՅՈՒՆՆ ՈՒ ԱՆՀԱՏԱԿԱՆ ԿԱԶՄԸ ՀԱՍՏԱՏԵԼՈՒ ՄԱՍԻՆ

 

Ի կատարումն Հայաստանի Հանրապետության կառավարության 1997 թվականի մայիսի 30-ի «Շինարարության պատվերի տեղադրման և տեխնիկական վերահսկման մրցույթների կազմակերպման ու անցկացման կարգը հաստատելու մասին» թիվ 159 որոշման 3-րդ կետի`

i

Հաստատել շինարարության և տեխնիկական վերահսկման պատվերի տեղադրման միջգերատեսչական մրցութային մշտական հանձնաժողովի կանոնադրությունն ու անհատական կազմը (կցվում են):

(ուժը կորցրել է մշտական հանձնաժողովի կազմի մասով 21.08.98 թիվ 504 որոշում)

 

ՀԱՍՏԱՏՎԱԾ Է

ՀՀ ՎԱՐՉԱՊԵՏԻ 1997 Թ. ՍԵՊՏԵՄԲԵՐԻ

18-Ի ԹԻՎ 448 ՈՐՈՇՄԱՄԲ

 

ԿԱՆՈՆԱԴՐՈՒԹՅՈՒՆ

 

ՇԻՆԱՐԱՐՈՒԹՅԱՆ ԵՎ ՏԵԽՆԻԿԱԿԱՆ ՎԵՐԱՀՍԿՄԱՆ ՊԱՏՎԵՐԻ ՏԵՂԱԴՐՄԱՆ ՄԻՋԳԵՐԱՏԵՍՉԱԿԱՆ ՄՐՑՈՒԹԱՅԻՆ ՄՇՏԱԿԱՆ ՀԱՆՁՆԱԺՈՂՈՎԻ

 

I. ԸՆԴՀԱՆՈՒՐ ԴՐՈՒՅԹՆԵՐ

 

i

1. Շինարարության և տեխնիկական վերահսկման պատվերի տեղադրման միջգերատեսչական մրցութային մշտական հանձնաժողովը (այսուհետև` հանձնաժողով) ստեղծվել է Հայաստանի Հանրապետության կառավարության 1997 թվականի մայիսի 30-ի «Շինարարական պատվերի տեղադրման և տեխնիկական վերահսկման մրցույթների կազմակերպման ու անցկացման կարգը հաստատելու մասին» թիվ 159 որոշմամբ:

2. Հանձնաժողովն իր գործունեության ընթացքում ղեկավարվում է Հայաստանի Հանրապետության կառավարության 1997 թվականի մայիսի 30-ի թիվ 159 որոշմամբ, սույն կանոնադրությամբ և Հայաստանի Հանրապետության օրենսդրական այլ ակտերով:

 

II. ՀԱՆՁՆԱԺՈՂՈՎԻ ՀԻՄՆԱԿԱՆ ԽՆԴԻՐՆԵՐՆ ՈՒ ԳՈՐԾԱՌՈՒՅԹՆԵՐԸ

 

3. Հանձնաժողովը`

ա) համակարգում է շինարարության պատվերի տեղադրման մրցույթները կազմակերպող պատվիրատուների գործողությունները.

բ) համաձայնություն է տալիս մրցույթի տեսակի ընտրությանը և մրցույթի պայմաններին` Հայաստանի Հանրապետության կառավարության 1997 թվականի մայիսի 30-ի թիվ 159 որոշմամբ հաստատված կարգի պահանջներին համապատասխան.

գ) եզրակացություն է տալիս մրցույթի անցկացման ընթացակարգի` Հայաստանի Հանրապետության կառավարության 1997 թվականի մայիսի 3-ի թիվ 159 որոշմամբ հաստատված կարգի պահանջներին համապատասխանության վերաբերյալ.

դ) պատվիրատուից պահանջում և ստանում է տեղեկություններ մրցույթների կազմակերպման և անցկացման վերաբերյալ.

ե) պատվիրատուին խորհրդատվություններ է տալիս մրցույթների կազմակերպման և անցկացման վերաբերյալ.

զ) ներկայացնում է առաջարկություններ մրցույթների կազմակերպման և անցկացման կարգի կատարելագործման վերաբերյալ.

է) եզրակացություն է տալիս պատվիրատուին` 50 մլն դրամից բարձր նախահաշվային արժեք ունեցող օբյեկտների շինարարության պատվերի տեղադրման մրցույթի արդյունքները հաստատելու համար.

ը) համաձայնություն է տալիս պատվիրատուին` արժենշմամբ մրցույթի դեպքում բանակցությունների հրավիրել հավակնորդին.

թ) համապատասխան որոշում է ընդունում մրցույթին մասնակցելու համար ներկայացված միայն մեկ առաջարկության դեպքում.

ժ) մրցույթների տեսակների և պայմանների վերաբերյալ պատվիրատուի ներկայացրած առաջարկությունները մեկշաբաթյա ժամկետում քննարկում, կազմում է արձանագրություն և ներկայացնում պատվիրատուին.

ժա) իր իրավասության սահմաններում իրականացնում է այլ լիազորություններ:

 

III. ՀԱՆՁՆԱԺՈՂՈՎԻ ԳՈՐԾՈՒՆԵՈՒԹՅԱՆ ԿԱԶՄԱԿԵՐՊՈՒՄԸ

 

4. Հանձնաժողովի աշխատանքը կազմակերպվում է նիստերի միջոցով` ազատ քննարկման և հրապարակայնության պայմաններում: Նիստերը հրավիրվում են ըստ անհրաժեշտության:

5. Հանձնաժողովի աշխատանքները ղեկավարում է նրա նախագահը:

Հանձնաժողովի նախագահը վարում է հանձնաժողովի նիստերը և վերահսկողություն է իրականացնում ընդունված որոշումների կատարման նկատմամբ:

6. Հանձնաժողովի քարտուղարը հանձնաժողովի անդամներին տեղեկացնում է նիստերի հրավիրման տեղի, ժամանակի և օրակարգի մասին, կատարում հանձնաժողովի ընթացիկ տեխնիկական աշխատանքները:

7. Հանձնաժողովի նիստերն իրավազոր են, եթե դրանց մասնակցում է հանձնաժողովի անդամների կեսից ավելին:

Հանձնաժողովի անդամների ձայների հավասարության դեպքում հանձնաժողովի նախագահի ձայնը վճռորոշ է:

8. Հանձնաժողովն առանձին հարցերի կապակցությամբ իր նիստերին կարող է հրավիրել նախագծային և կապալառու կազմակերպությունների ներկայացուցիչներին, ինչպես նաև առանձին փորձագետների:

 

ՀԱՍՏԱՏՎԱԾ Է

ՀՀ ՎԱՐՉԱՊԵՏԻ 1997 Թ. ՍԵՊՏԵՄԲԵՐԻ

18-Ի ԹԻՎ 448 ՈՐՈՇՄԱՄԲ

 

ԱՆՀԱՏԱԿԱՆ ԿԱԶՄ

 

ՇԻՆԱՐԱՐՈՒԹՅԱՆ ԵՎ ՏԵԽՆԻԿԱԿԱՆ ՎԵՐԱՀՍԿՄԱՆ ՊԱՏՎԵՐԻ ՏԵՂԱԴՐՄԱՆ ՄԻՋԳԵՐԱՏԵՍՉԱԿԱՆ ՄՐՑՈՒԹԱՅԻՆ ՄՇՏԱԿԱՆ ՀԱՆՁՆԱԺՈՂՈՎԻ

( կազմն ուժը կորցրել է 21.08.98 թիվ 504 որոշում)

 

        Ա. Ղարիբյան           -   ՀՀ ֆինանսների և  էկոնոմիկայի նախարարի

                                  տեղակալ /հանձնաժողովի նախագահ/

 

        Ս. Կարապետյան         -   ՀՀ քաղաքաշինության նախարարի տեղակալ

 

        Կ. Հակոբյան           -   ՀՀ կառավարության աշխատակազմի

                                  քաղաքաշինության և աղետի գոտու հարցերի

                                  վարչության շինարարության և քաղաքային

                                  տնտեսության բաժնի վարիչ

 

        Գ. Համբարձումյան      -   ՀՀ կառավարության աշխատակազմի տարածքային

                                  կառավարման վարչության գլխավոր մասնագետ

 

        Ս. Օրդուխանյան        -   Երևանի  քաղաքապետարանի շինարարության

                                  բաժնի պետի տեղակալ

 

        Հ. Ազիզյան            -   ՀՀ ֆինանսների և  էկոնոմիկայի

                                  նախարարության պետական ինվեստիցիոն

                                  քաղաքականության մշակման բաժնի պետ

                                  /հանձնաժողովի քարտուղար/

 

-  պետական պատվեր տեղադրող պետական

կառավարման մարմնի ղեկավարի տեղակալ

 

 

pin
ՀՀ Վարչապետ
18.09.1997
N 448
Որոշում