ՀՀ ՏՐԱՆՍՊՈՐՏԻ ՆԱԽԱՐԱՐՈՒԹՅԱՆ ՎՆԱՍՆԵՐԸ ՓՈԽՀԱՏՈՒՑԵԼՈՒ ՄԱՍԻՆ

040.0506.131197

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀ
Լ. ՏԵՐ-ՊԵՏՐՈՍՅԱՆ
«13» ՆՈՅԵՄԲԵՐԻ 1997 Թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

13 նոյեմբերի 1997 թ. թիվ 506

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏՐԱՆՍՊՈՐՏԻ ՆԱԽԱՐԱՐՈՒԹՅԱՆ ՎՆԱՍՆԵՐԸ ՓՈԽՀԱՏՈՒՑԵԼՈՒ ՄԱՍԻՆ

1997 թվականի ընթացքում Հայաստանի Հանրապետության տրանսպորտի նախարարության ձեռնարկությունների կողմից անվճար և զեղչ գներով ծառայություններ իրականացնելու հետևանքով առաջացած վնասները փոխհատուցելու նպատակով Հայաստանի Հանրապետության կառավարությունը որոշում է.

1. Հայաստանի Հանրապետության տրանսպորտի նախարարությանը հատկացնել 30,0 մլն դրամ` 1997 թվականի պետական բյուջեով «Պետական աջակցության սուբսիդիաների տեսքով ձեռնարկությունների և բանկերի վերակառուցման, ինչպես նաև վնասների ծածկման համար» հոդվածով նախատեսված գումարների հաշվին:

2. Հայաստանի Հանրապետության տրանսպորտի նախարարությանը` սույն որոշման 1-ին կետով հատկացված գումարներն ամբողջությամբ ուղղել Երևանի ուղևորատար ավտոբուսային ձեռնարկությունների հարկային պարտավորությունների մարմանը:

3. Սույն որոշումն ուժի մեջ է մտնում 1997 թվականի նոյեմբերի 13-ից: